Lk 17:29 - Meta’

²⁹ àyɨə ɨgwɨ əni ze nɨ Lɔ̂t nyaʼa jwɨ rɨ ə Sodòm, ɨwid mbɨ sɔlfò nyaʼa nɔʼ rɨkaŋ zwiirɨ mɨ̀mə̌d mɨjìm.

Ikan feg

²⁹ Si ya gha, aneg ze ne Lɔd ya du inga Sodòm, iywid tì sɔfɔ̀ ya swiʼi tikaŋ àbɔ̀ŋɔ tɔ̀n bəd məjìm fɔrɔ ighi ijìm inga aben ze.

Lk 17:29 교차 참조

Lk 17:28

“Àyɨə bə̀ ɨchî nɨ zɨə nyaʼa ənɨ ə nyùmə̀ Lɔ̂t. Ɨ mbɨə nyaʼə jɨgə bə̀ nɔə. Ɨ mbɨə nyaʼə zon ɨghɨ bə̀ fendɨ ɨghɨ. Ɨ mbɨə nyaʼə kon ɨghɨ bə̀ bɔm ə nəb,

Lk 17:30

Àyɨə bə̀ ɨchî nɨ ɨnû bɨrɨ ghɨ̀ əni ze nɨ Wan Wə̀d wɨrɨ yeʼe.

2 Pità 2:6

Ŋwìə̀ nyaʼa bə̀ zɨ̀ ɨchə ɨgwɨ ɨsɨ mbe nɨ mbɨ nyaʼə tɔŋ ənɨ ə Sodòm mbɨ Gòmorà. Wɨ̀ nyaʼa nimnɨ ɨsɨ mbe ənɨ ɨwid. Wɨ̀ nyaʼa ghɨ̀ ni mbɨ yeʼ ənweenɨ əmbɨ ə bə̂d mbe nɨ chəi mbɨə wumnɨ əməd.

Jûd 1:7

Mbə̀ kɔndɨ ə Sodòm mbɨ Gòmorà bə̀ kɔndɨ ɨbeŋ mbe nɨ nyaʼa ɨban ɨban. Ɨ mbɨə nyaʼə ghɨ̀ ɨnyamnɨ-ɨnû bə̀ ghɨ̀ tɨkwɨrɨ ɨfabrɨ-ɨnû jìm mbe nɨ bə̂d ə feenɨə. Ɨchî nɨ mbɨə zəə ŋgəʼ ɨŋga ɨwid we nɨ ten i koŋ yɨ ənweenɨ əmbɨ ə bə̂d mɨ̀jìm.

Ɨnû 11:8

Ɨvɨ mɨ̀mə̌d bɨrɨ nokɨ ɨgun ɨnə̂njɨ̀ ɨŋga əbeŋ ə kyeŋ ze nɨ mbɨ nyaʼa kombɨ Ə̀nùŋɨ̀sɨg mɨ̀mə̌d əzed ə baʼnɨ. Bə̂d mbɨə tɔŋ əsɨ ze ənɨ ɨnə̂njɨ̀ cherə ni Sodòm fɔrɨ ə Ɨjìpt.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.