Lk 17:1 - Meta’

¹ Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe chè ənjìm məd yeʼe!

Ikan feg

¹ Yeso ya ghà abə mə̀mə̀nənùg məd gha, “Inug mbe ne ghìyə̀ gha bəd mbe ghì inug tibɔ̀ŋ mənyìʼ yèʼe, si ya gha, ngəʼ kyen biri yaʼ igun wə̀d we ne kwàʼrà bəd.

Lk 17:1 교차 참조

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

Matìyò 18:7

“Ŋgəʼ bɨrɨ nyɨ ɨgwɨ ɨsɨg ɨmbə̀ʼ ɨnû mbe nɨə ghɨ̀ə̀ ni bə̂d ghɨ ənû rɨbɔ̀ŋ! Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ che ənjìm məd yeʼe!

Lk 16:31

Abràham nyaʼa ghà ɨ bɔ ni, 'À mɨ yeʼ ni chəi mbɨ zu ɨnû mbe nɨ Mose mbɨ ə bə̂d ɨ̀kə̀n Ŋwiə̀ ə ghàə̀, njɨ ka wə̀d mɔʼɔ bè zwemə wò ghàm əmbɨ mɨ̀mə̌d, chəi mbɨ bɨrɨ benɨ.'”

Rm 14:13

Tɨ tɨrə̀ bə̀ saʼ a mba bɔŋgɔb, àyɨə tɨ̀ nuŋ ɨŋga ta fîŋ ni chəi tɨ̀ bɨrɨ nuŋ əghɨ nɨ tɨ̀ wə̀d tɨgrɨ ɨgun, kɨ̀ əghɨ nɨ tɨ̀ zɨə kən ɨnə̂njɨ̀ əmbɨ wa aŋgɔb.

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

1 Kɔrèn 10:32

Mbə̀ we əwən ni tɨ mbə̀ ghɨ ə ənû ə mɔʼɔ ze nɨ bɨrɨ ghɨ ni mɨ̀Jû kɨ̀ bə̂d mbe nɨ kaʼi mɨ̀Jû kɨ̀ bə̂d rɨŋga ɨfetɨ bə̂d Ŋwiə̀ gu ənû.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

1 Kɔrèn 8:13

Əne, əghɨ ze nɨ mə̀ jɨg ə mɨ ghɨ̀ ni wum aŋgɔb gu ənû, chəi mə̀ bɨrɨ nɔ wɨrɨ kud nyam, ɨmbə̀ʼ tɨ wum aŋgɔb gu i.

1 Timotì 4:1

Əzwî ə Zeŋɨ ə zɨə ghàə̀ zɨə zeŋ ni ɨŋga ɨni mbe nɨə wo yeʼe, bə̂d mɔʼɔ bɨrɨ waʼ ɨbenɨ we nɨ mbɨ berɨ, sɨə zuunɨə yeʼ bə̂d mbe nɨə zwetɨ ɨnû rɨ əmbɨ ɨzwî mbe nɨə tambɨə bə̂d. Mbɨ bɨrɨ bɨ chwi ɨnû mɨghab mbe nɨ ɨzwî rɨbɔ̀ŋ ə kə̀bə̀ ni bə̂d benɨ.

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.