Lk 16:25 - Meta’

²⁵ Àyɨə Abràham nyaʼa ghà ni, 'Wân, kɔndɨ ni ənɨ à nyaʼa ɨkǎ, à nyaʼa berɨ ɨghɨ chɔ̀m, àyɨə Lazarɔ̀s nyaʼa berɨ ɨghɨ rɨbɔ̀ŋ. Tɨ̀nîn məd wɨ ɨŋga chɔ̀m əgha, àyɨə àwɔ̀ wɨ əŋgəʼ.

Ikan feg

²⁵ Abràham ya ywìtì gha, ‹Ŋwan, wendi gha, anyumə̀ ne àghò ya yaʼi igun isəg, àghò ya yaʼ inga ìchɔ̀mì, Lazaròs ya yaʼ inga ngəʼ. Àsi amad anìŋ, məd we inga ìchɔ̀mì aŋa àghò si inga ngəʼ aghɔ.

Lk 16:25 교차 참조

Matìyò 27:63

Mbɨ nyaʼa pè ghà ɨ bɔ ni, “Masà, tɨ̀ fə wɨrɨ kɔndɨ ənû ze nɨ wə̀d mɨ̀ghab we nyaʼa ghǎ ənɨ wɨ̀ nyaʼa kɨrɨ i ɨkǎ. Wɨ̀ nyaʼa ghà ni, 'Ɨni mɨ chè ɨtad, mə bɨrɨ wɨrɨ zwemə.'

Mk 9:45

E əwù ə mɨ ghɨ ni à ghɨ ənû rɨbɔ̀ŋ, sob. Zɨə bɔ̀ŋ ni à jɨg ɨ̀tènɨ̀ mbɨ əwù ə mɔʼ, chè ɨchî nɨ à bɨrɨ berɨ ɨwu be Ŋwìə̀ màʼ əwe ɨŋga əsɨ ɨchə. [

Lk 16:20

Wə̀d ɨkwaŋ mɔʼɔ wɨə nyaʼə bə̀ əŋgu nɨ ɨkum məd nyaʼə Lazarɔ̀s. Mɨchɔʼɔ nyaʼa swi ɨgwɨ ɨnyod məd. Ɨ wɨə nyaʼə kɨə wo chub ɨchû ɨkam wə̀d mbɔ̂n we.

Lk 16:23

Ənɨ wɨ̀ nyaʼa əbeŋ ɨvɨ bə̂d, wɨ̀ nyaʼa nɔ̀ɔ̀rɨ̀ əghə zə ə Abràham əsa əgha mbɨ Lazarɔ̀s ɨban məd.

Lk 16:26

Kaʼi ɨnû jìm mbe. Əkən ə kyeŋ ə ghabrɨ əwa mbɨ nən, ɨmbə̀ʼ tɨ bə̂d nɔ̀ʼ ə rɨ əgha baanɨ yeʼe əsɨ nən, fɔrɨ ni tɨ wə̀d mɔʼɔ baanɨ i rɨ əwɔ yeʼe əsɨ na.'

Lk 6:24

Àyɨə ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ berɨ mbɔ̂n, ɨmbə̀ʼ ɨghəm nɨ mbə̀ fə berɨ ɨghɨ mbe nɨə ghɨ̀ə̀ ni mbə̀ chub ɨŋga chɔ̀m.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Ɨ̀fàʼì 14:22

Ɨ mbɨə nyaʼə yènə̀ tìmbɨ̀ ə bə̂d mbe nɨ nyaʼa ben ə Kristo, bə̀ yènə̀ ghàə̀ ni mbɨ yim ɨbenɨ wɨ kaanə wo ɨmbì. Mbɨ nyaʼa bə̀ ghà əmbɨ mɨ̀mə̌d ni, “Tɨ̀ berɨ zə ŋgəʼ nɔnɔʼ bɔŋ nyɨ ɨŋga ənû ɨfɔ̀n ə Ŋwiə̀.”

Rm 8:7

Fîŋ ze nɨə feenɨ ɨghɨ mbe nɨ nyamnyod ə kəbə zɨə ghɨ̀ ɨnû mbe nɨ chəi Ŋwìə̀ kəbɨ. Chəi zɨə nùŋ tɨkə rɨ Ŋwiə̀. À yɨ rəsìʼ ni chəi zɨ bɨrɨ nɔ nùŋ.

Fìlipì 3:19

Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

1 Tèsàlonikà 3:3

Tɨ̀ nyaʼa bə̀ tom əməd ɨmbə̀ʼ tɨ wə̀d mɔʼɔ bɔrɨ i ɨchî nɨ mbɨə nwèndɨ̀ tə rɨkyerɨ-ɨwu. Mbə fə kàŋ kyerɨ ə ni mbɨ berɨ nwèndɨ̀ ta rɨkyerɨ-ɨwu.

Mə̀Hibrù 11:25

Wɨ̀ nyaʼa də̀b yeʼ nɨ zə ŋgəʼ mbɨ ə bə̂d Ŋwiə̀, chè ɨchî nɨ nɨŋ ɨkə nyumə̀ ghɨ̀ ɨnû rɨbɔ̀ŋ mbe nɨ nyamnyod ə feenɨə.

1 Jɔn 2:15

Tɨ mbə̀ ghaʼ ə ɨsɨg kɨ̀ be ghaʼ ɨghɨ mbe nɨ yeʼ ɨŋga ɨsɨg. Wə̀d mɔʼɔ mɨ ghaʼ ɨsɨg, əne chəi wɨ̀ ghaʼ ə Mbǎʼ,

Ɨnû 7:14

Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.