Lk 16:16 - Meta’

¹⁶ “Tɨkə rɨ Mose mbɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨə nyaʼə saʼə bə̂d wò pè ənɨ ə nyùmə̀ Jɔ̌n we nɨ nyaʼə nàʼ mɨnib. Ɨ kɔ rɨ ənɨ ə nyùmə̀ we, ɨ mbɨə ghà ɨkə̂n chɔ̀m ɨmbə̀ʼ ənû ɨfɔ̀n ə Ŋwiə̀, əne wə̀d jìm wɨə kəb nyɨ ə ɨŋga ənû ɨfɔ̀n ze ənɨ ɨka.

Ikan feg

¹⁶ Mbi ya chwìte mə̀nɔ̀ʼɔ̀ Muse tì inug mbe ne bədkə̀n Ŋwiye ya gha bɔŋ Jɔn we ne yaya nàʼà mənib se pè. Nɔ̀ʼ ane nyùmə̀ we, bəd mbe mə̀tə̀ ikən chɔm imbə̀ʼ anug ìfɔ̀n Ŋwiye. Bəd məjìm mbe se kìrə ika ni nyi inga anug ìfɔ̀n ze.

Lk 16:16 교차 참조

Matìyò 10:7

Ənɨ mbə̀ə wòə̀, mbə yènə̀ ghà ɨŋgam Ŋwiə̀ əmbɨ ə bə̂d ni, 'Ənû ɨfɔ̀n rɨkaŋ ə fə tiinɨ.'

Matìyò 15:11

kaʼi əghɨ ze nɨə nyɨ ɨŋga ɨchû wə̀d ə ghɨ̀ə̀ ni tɨ wɨ̀ zeŋ i. Əze nɨə ghɨ̀ə̀ ni tɨ wɨ̀ zeŋ i yɨ əze nɨə jwɨ̀ rɨŋga ɨchû məd.”

Matìyò 21:32

Mə ghà əne ɨmbə̀ʼ ɨghəm nɨ Jɔ̌n nyaʼa yeʼe əsɨ nən ɨ chwi ɨnə̂njɨ̀ nɨ kuʼnɨ, àyɨə chəi mbə̀ nyaʼa ben əməd. À yɨ məfetɨ mɨ̀tagsɨ̀ mbɨ ɨ̀kùnɨ̀ nyaʼa ben əməd. Ka àbei ənɨ mbə̀ nyaʼa zə ənû zɔ̂, chəi mbə̀ nyaʼa wɨrɨ bèŋ tə fîŋ ben əməd.

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 4:17

Ɨ kɔ rɨ ənɨ ə nyùmə̀ we, Yeso nyaʼa kɔ ghà ɨŋgam Ŋwiə̀ ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Mk 1:14

Ənɨ mbɨ nyaʼa yim ə Jɔ̌n wò zɨ̀ ə ndəŋ, Yeso nyaʼa wò ə Galiliî pè kɔ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀.

Mk 1:45

Àyɨə mbaŋə̀ ze nyaʼa jwɨ̀ kɔ yènə̀ saʼ ənû ze ɨsɨ jìm. Əze ə nyaʼa ghɨ̀ ni tɨ Yeso wɨrɨ nyɨ i ɨŋga əsɨ ə cherə əsaŋ əsaŋ. Wɨ̀ nyaʼa sɨ wò chubɨ yeʼ ɨban əsɨ ze. Bə̂d mbɨə nyaʼə nɔ̀ʼ rɨ ɨsɨ mbe jìm wò kɔɔrɨ ə məd əŋgu.

Lk 10:11

'Ka àbei əgywɨ rɨŋga əsɨ zɔ̂ ɨ nən nɨ tɨ̀ beʼ ənɨ mba ɨwu, tɨ̀ fə kud əbɔʼ nən. Əzɔ̂ yɨ ənweenɨ ni mbə fə ton ɨkə̂n chɔ̀m. Àyɨə mbə kyerɨ ənû zɔ̂ ə mɔʼ ni ənû ɨfɔ̀n ə Ŋwiə̀ fə tiinɨ.'

Lk 10:9

Mbə̀ vɨ bə̂d əwɔn ɨŋga əsɨ ze, bə̀ ghà əmbɨ ə bə̂d mbe rɨŋga əsɨ ze ni, 'Ənû ɨfɔ̀n ə Ŋwiə̀ ə fə tiinɨ!'

Lk 16:29

Àyɨə Abràham nyaʼa ghà ni, 'Mose mbɨ ə bə̂d ɨ̀kə̀n Ŋwiə̀ cherə mbɨ əŋgu. Mbɨ zu ɨnû mbe nɨ mbɨə ghàə̀.'

Lk 16:31

Abràham nyaʼa ghà ɨ bɔ ni, 'À mɨ yeʼ ni chəi mbɨ zu ɨnû mbe nɨ Mose mbɨ ə bə̂d ɨ̀kə̀n Ŋwiə̀ ə ghàə̀, njɨ ka wə̀d mɔʼɔ bè zwemə wò ghàm əmbɨ mɨ̀mə̌d, chəi mbɨ bɨrɨ benɨ.'”

Lk 9:2

Wɨ̀ nyaʼa tom mɨ̀mə̌d ni mbɨ wo yènə̀ ghà ɨmbə̀ʼ ənû ɨfɔ̀n ə Ŋwiə̀, bə̀ yènə̀ vɨ̀ə̀ bə̂d əwɔn.

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Jn 11:48

Tɨ̀ mɨ sàŋ ni wɨ̀ wo ɨmbì ənɨ əkwɨ ɨchî wɔ̂, njɨ wə̀d jìm bɨrɨ ben əməd, əne məRom bɨrɨ yeʼe nimnɨ a mbàn Ŋwìə̀ bə̀ nimnɨ a əbeŋ.”

Jn 12:19

Əne mɨ̀Farisiî nyaʼa ghà mbənə mbənə ni, “Mbə̀ zə, chəi ənɨ tɨ rɨ ghɨ̀ ənû ə mɔʼɔ. Ɨsɨg jìm fə sɨə beenɨ əbɔʼ məd!”

Jn 5:4

ɨmbə̀ʼ ɨghəm nɨ aŋgɨrə̀ Ə̀nùŋɨ̀sɨg nyaʼə kɨə swiʼə wò ɨŋga ətuŋ ze pè nɔm mɨnib. Zɨə nyaʼa chwi ni wə̀d əwɔn we nɨ nyaʼa be nyɨ ɨŋga ətuŋ ze, ənɨ aŋgɨrə̀ we nyaʼa nɔm mɨnib mbe, nyaʼa bɔtɨ rɨ ənɨ əwɔn ze nɨ wɨ̀ nyaʼə wɔ̀nə̀.]

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.