Lk 16:15 - Meta’

¹⁵ Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Ikan feg

¹⁵ Wì ya ghà inɔb gha, “À ya mbə̰ ne chwìte abə bəd gha mbə̰ təm kòʼ. Ighi ne bəd igun isəg mbe nìŋə gha à ya ijiʼi ighi ya ighi ne yaʼi ati ako abə Ŋwiye. Ŋwiye kyèri ìtən fìŋ.

Lk 16:15 교차 참조

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:2

“Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:5

“Ənɨ mbə̀ə kɔ̀ŋgɨ̀ ə Ŋwiə̀, tɨ mbə̀ ghɨ ə ɨghabɨ ɨbekɨ bə̂d. Ɨ mbɨə ghaʼə nɨ təm ɨŋga nəb tɨ ə̀kàtɨ̀ bə̀ fɔrɨ ɨban ɨnə̂njɨ̀ bɔŋ kɔŋgɨ ə Ŋwiə̀. Ɨ mbɨə ghɨ̀ əne àmei ɨmbə̀ʼ bə̂d zə mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Lk 10:29

Àyɨə ɨchî nɨ mbaŋə̀ ze nyaʼə kə̀b chwiə ni ənû ze nɨ tə gha ə kùʼ, wɨ̀ nyaʼa wɨrɨ yì biirɨ əmbɨ Yeso ni, “Wə̀d nɨ tindɨ ɨban num kɨə we?”

Lk 11:39

Əne Ə̀nùŋɨ̀sɨg nyaʼa ghà ɨ bɔ ni, “Tɨ̀nîn mbə̀nə mɨ̀Farisiî mbɨə sòə̀ njìm toʼ bə̀ sòə̀ njìm əkaŋ, àyɨə tə fîŋ ə swi mbɨ əjə fɔrɨ ɨnû ɨzɨg.

Lk 18:11

Ənɨ mbɨ nyaʼa wò əne, Farisiî we nyaʼa nɔʼ təm kɔ̀ŋgɨ̀ ə Ŋwiə̀ ɨmbə̀ʼ i ɨnyod ghà ni, 'Ŋwìə̀, məben-əwe ni chəi əmɨ ɨghabɨ ə bə̂d cherə mbe nɨə fè ɨghɨ bə̂d ənɨ ɨka, kɨ̀ ɨghabɨ mbe nɨ chəi mbɨə ghɨ̀ ɨnû nɨ kuʼnɨ, kɨ̀ ɨghabɨ mbe nɨə ni məyi bə̂d cherə, kɨ̀ be ɨghabɨ əfetɨ mɨ̀tagsɨ̀ wɔ̂.

Lk 18:14

Mə ghà ɨ nən ni, ənɨ əfetɨ mɨ̀tagsɨ̀ we nyaʼa wò ɨnuʼ, wɨ̀ nyaʼa ghɨ̀ ənû nɨ kuʼnɨ ɨfě Ŋwiə̀ chè Farisiî we. Mbə̀ kyerɨ ni wə̀d jìm we nɨ nɔ i ɨnyod, Ŋwìə̀ bɨrɨ swi əməd, àyɨə wə̀d jìm we nɨ swi i ɨnyod, Ŋwìə̀ bɨrɨ nɔ əməd.”

Lk 18:21

Mbaŋə̀ ze nyaʼa ghà ni, “Mə fə kɔ nùŋ tɨkə tɔ̂ rɨjìm tɨ ənɨ mə nyaʼə wan kwa.”

Lk 18:9

Yeso nyaʼa bə̀ yì ghà ənû ə mɨgɨ zɔ̂ əmbɨ ə bə̂d mɔʼɔ mbe nɨ nyaʼə ghàə̀ ni mbə mbɨə ghɨ̀ ɨnû nɨ kuʼnɨ, əne sɨə tə̀ə̀nɨ̀ə̀ bə̂d cherə.

Lk 20:20

Mbɨ nyaʼa kɔ kəb əpan nɨ gywɨ əməd. Əne mbɨ nyaʼa chà mɨ̀-ànàŋgɔŋ, nɨ nyaʼa begrɨ ɨghabɨ ni mbə yɨə bə̂d rəsìʼ, ni mbɨ wo zɨ̀ ətam gywɨ̀ əməd ənɨ ɨŋgam məd. Mbɨ nyaʼa ghɨ̀ əne ɨmbə̀ʼ mbɨ gywɨ̀ əməd wò nàʼ əmbɨ gɔmnà ni wɨ̀ saʼ əməd ɨmbə̀ʼ ɨghəm nɨ à yɨə gɔmnà nyaʼa berɨ ɨka ɨgwɨ mɨ̀mə̌d mɨjìm.

Lk 20:47

Ɨ mbɨə tambɨə mɨku əyi ɨmbə̀ʼ fe ɨghɨ mɨ̀mə̌d. Mbɨ mɨ nɨə ghɨ̀ əne, mbɨ sɨ bègrɨ̀ kɔ̀ŋgɨ̀ ə Ŋwiə̀ ənɨ əgha ə se. Ŋwìə̀ bɨrɨ zɨ ɨsaʼi nɨ che əbɔ ɨgwɨ mɨ̀mə̌d.”

Jn 2:25

Chə nyaʼa i əton nɨ tɨ̀ wə̀d mɔʼɔ nyaʼa wɨrɨ ghà ɨnû ɨ bɔ ɨmbə̀ʼ ə bə̂d, ɨmbə̀ʼ ɨghəm nɨ məd ziə nyaʼa kyerɨ ɨnû mbe nɨ nyaʼa ɨŋga fîŋ tɨ mɨ̀mə̌d.

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Ɨ̀fàʼì 1:18

“(Judàs nyaʼa wò zon əsɨ ə si ənɨ ɨchɔʼ ə̀fàʼì tɨ ənɨ ɨnû rɨbɔ̀ŋ məd. Wɨ̀ nyaʼa gù əsɨ si ze rətuŋə, ɨbum məd toʼ ɨŋga mɨgharə̀, mɨtɔ məd mɨjìm jwɨ̀ əsaŋ.

Ɨ̀fàʼì 1:24

Mbɨ nyaʼa ghɨ̀ əne, kɔŋgɨ ə Ŋwiə̀ ghà ni, “Ə̀nùŋɨ̀sɨg, àwɔ̀ nɨ kyerɨ fîŋ rɨ bə̂d mɨ̀jìm, chwi mbaŋə̀ mɔʼ rəbɔʼ mbaŋə̀ tɔ̂ rɨ̀be nɨ à fə chɔʼɔ

Ɨ̀fàʼì 15:8

Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Rm 8:27

Əne Ŋwìə̀ we nɨə kyèʼrɨ̀ə̀ fîŋ ə kyerɨ ɨkɔndɨ we nɨ Əzwî ə berɨ, ɨmbə̀ʼ ɨghəm nɨ Əzwî ə zɨə kɔ̀ŋgɨ̀ ə Ŋwiə̀ ɨgwɨ ə bə̂d Ŋwiə̀ ɨchî nɨ Ŋwìə̀ kəbɨ.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

1 Pità 3:4

Ɨchî nɨ mbə̀ təm berɨ jwɨ̀ yeʼ rɨŋga fîŋ. Kaʼ ɨkwɨ ɨtəm wɔ̂ wɨə bəi. Wɨ yɨ rɨ ənɨ əzwî ze nɨə bɔtɨə. Əzwî ze nɨə bɔtɨə yɨ əghɨ əka ɨnùn əghə ə Ŋwiə̀.

1 Pità 5:5

Ŋgwàʼ bə̂d, mbə̀ zuunɨ bə̂d mbe nɨ fə kaanɨ chè əwən. Mbə̀n mɨjìm swi ə ɨnyod fàʼ əmbɨ mbə bɔŋgɔb ɨmbə̀ʼ ɨghəm nɨ, “Ŋwìə̀ wɨə bànə̀ bə̂d mbe nɨə nɔ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.