Lk 14:21 - Meta’

²¹ “Wə̀d ə̀fàʼì we nyaʼa wò ghà ɨnû jìm əmbɨ i mbǎʼ ə̀fàʼì. Mbǎʼ ə̀fàʼì we nyaʼa zu əne, sə ɨtəm, əne ghà əmbɨ i wə̀d ə̀fàʼì we ni, 'Zambɨ jwɨ̀ wò ɨtu ɨzib bə̀ wò ɨgun mɨnə̂njɨ̀ mbe rɨŋga əbeŋ, tɔŋ bə̂d ɨkwaŋ, tɔŋ bə̂d mbe nɨ ɨbɔ nəŋɨ, tɔŋ mɨfɨgɨ̀ bə̀ tɔŋ bə̂d mbe nɨə tèʼ ɨwu.'

Ikan feg

²¹ Wə̀d àfàʼì we ya bə̀ndì ghò mə̀tì inug mbo̰ ijìm abə mbaʼ àfàʼì məd. Mbaʼ àfàʼì məd ya gaŋ, si ghà abə wə̀d àfàʼì məd we gha, ‹Ndò amad amad igun inɔnjì, nyi inga tìfad aben, kàrì aku bəd ajìm. Bəd ne chəyi àzɔb, tì bəd ne ibo sweʼe, tì bəd ne buʼrə tì məfəg gha mbe yeʼe ane iteri.›

Lk 14:21 교차 참조

Matìyò 11:28

“Mbə̀ yeʼe əsɨ num, mbə̀n mɨjìm mbe nɨ fə bɔd bə̀ bèʼ ɨghɨ nɨ nirɨ, mə bɨrɨ ghɨ ni mbə̀ zwirɨ ə.

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 15:12

Mə̀mə̀ə̀nɨ̀-ɨnû mbe nyaʼa wò əsɨ məd pè biirɨ ɨ bɔ ni, “À kyerɨ ni ənû ze nɨ à ghǎ ə kə̀ʼ chə̀kɨ̀ fîŋ tɨ mɨ̀Farisiî ə?”

Matìyò 18:31

Ənɨ bə̂d ə̀fàʼì cherə nyaʼa zə ənû ze, zɨə nyaʼa tɔb mɨ̀mə̌d, əne mbɨ nyaʼa wò ghà ənû ze nɨ nyaʼa ghɨ̌ əmbɨ ɨfɔ̂n we.

Matìyò 20:7

“Mbɨ nyaʼa wììrɨ̀ ɨ bɔ ni, 'À yɨ ɨmbə̀ʼ ɨghəm nɨ chəi wə̀d mɔʼɔ naʼ ə̀fàʼì ɨ na.' “Ənɨ mbɨ nyaʼa wììrɨ̀ əne, wɨ̀ nyaʼa ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn.'

Lk 14:13

Àyɨə ənɨ à kaʼ əchwɨ̂, won bə̂d ɨkwaŋ, won mbe nɨ ɨbɔ nəŋɨ, won mbe nɨə tèʼ ɨwu, bə̀ won mɨfɨgɨ̀.

Lk 14:20

Wɨ cherə nyaʼa ghà ni, 'Mə cherə namə, əne chəi ɨchî ənɨ tɨ̀ mə yeʼe.'

Lk 14:22

Wə̀d ə̀fàʼì we nyaʼa ghɨ̀ ənû ze, əne wò ghà ɨ bɔ ni, 'Masà, ənû ze nɨ à ghǎ, mə fə ghɨ̀, àyɨə tɨmbin ə zɨə kɨrɨ i.'

Lk 14:24

Mə ghà ɨ ne ni, chəi wə̀d mɔʼɔ rəbɔʼ mbe nɨ mə kəʼ won bɨrɨ zweʼrɨ ɨghɨjɨg mbe nɨ mə̀ tekɨ!'”

Lk 24:47

fɔrɨ ni, bə̂d wo yènə̀ ghà ɨŋgam Ŋwiə̀ ənɨ ɨkum məd, kɔ rɨ ə Jèrusalèm wò pè ɨŋga ɨbeŋ jìm, ɨmbə̀ʼ bə̂d beŋ tə fîŋ, Ŋwiə̀ waʼ ɨnû rɨbɔ̀ŋ mɨ̀mə̌d.

Lk 9:10

Ənɨ bə̂d tom mbe nyaʼa bəndɨ, mbɨ nyaʼa ghà ɨnû mbe nɨ mbɨ nyaʼa ghɨ̌ əmbɨ Yeso. Əne wɨ̀ nyaʼa nɨŋ mɨ̀mə̌d mbɨ wo àmei mɨ̀mə̌d mɨ̀mə̌d ɨŋga əsɨ ə mɔʼɔ nɨ mbɨ nyaʼə toŋ ənɨ Bètsaidà.

Jn 9:39

Yeso nyaʼa ghà ni, “Mə nyaʼa yeʼe ɨ saʼ ɨsɨg wɔ̂ ɨmbə̀ʼ mɨfɨgɨ̀ zə ɨsɨ, mbe nɨə zə ɨsɨ beŋ ənɨ mɨfɨgɨ̀.”

Mə̀Hibrù 13:17

Mbə̀ zuunɨ bə̂d mbe nɨə chà əwən, bə̀ ghɨ̀ ɨnû mbe nɨ mbɨ gha ɨ nən. Ɨ mbɨə nəŋgɨ əwən nɨ chəi mbɨ ə zwììrɨ̀ə̀. Mbɨ berɨ gha ɨnû mbe nɨ mbɨ fə ghɨ əmbɨ ə Ŋwiə̀. Mbə mɨ zuunɨ mɨ̀mə̌d, mbɨ bɨrɨ fàʼ mbɨ ɨghaʼi kaʼi mbɨ ə̀kə̀nɨ̀, ɨmbə̀ʼ ɨghəm nɨ chəi ə̀kə̀nɨ̀ ə bɨrɨ weerɨ əwən.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Ɨnû 19:15

Ɨbi bid nɨə tɔə fɨə jwɨ̀ rɨŋga ɨchû ɨməd. Wɨ̀ bɨrɨ nɨŋ ɨbi we baŋ ɨbeŋ jìm əŋgu. Wɨ̀ bɨrɨ tumbɨ mɨ̀mə̌d ənɨ ɨka jìm. Wɨ̀ bɨrɨ min rɨtam vaìn ɨŋga əsɨ ze nɨ mbɨə mìnə̀ mɨ̀noʼ. Əzɔ̂ ə chwi ɨchî nɨ Ŋwìə̀kɔʼ ə kàŋə̀ sə ɨtəm.

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.