Lk 13:33 - Meta’

³³ Àyɨə mə berɨ kɔ wo rə̀chɔ̀ŋ fɔrɨ ɨsɔ fɔrɨ əni ze nɨ beenɨ, ɨmbə̀ʼ ɨghəm nɨ zɨ rɨka bɔ̀ŋ i ni wə̀d ɨ̀kə̀n Ŋwìə̀ kwɨ əsɨ ə cherə ze nɨ kaʼi Jèrusalèm.

Ikan feg

³³ Ka ze bə̀ yaʼ iye, mə mənyìʼ ya yḛ̀ ghò imbìghè tèchɔ̀ŋ, isu fɔrɔ isu ìywin. Chəyi ze koʼi gha, mbe zweti wə̀dkə̀n Ŋwiye asiŋi ndəŋ ne kayi inga Jèrusalèm.

Lk 13:33 교차 참조

Matìyò 20:18

“Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d, nàʼ əmbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd.

Matìyò 21:11

Mɨnɔ̂n bə̂d mbe nyaʼa ghà ni, “Wɔ̂ yɨə Yeso we nɨ yeʼ wə̀d ɨ̀kə̀n Ŋwìə̀. Wɨ̀ yɨ rɨ ə Nazàret ə Galiliî.”

Lk 9:53

Àyɨə chəi bə̂d mbe rɨ əsɨ ze nyaʼa nɨŋ əməd, ɨmbə̀ʼ ɨghəm nɨ zɨə nyaʼa fə zeŋ ni ɨ wɨə wò yeʼ ə Jèrusalèm.

Jn 11:54

Əne chəi Yeso nyaʼə wɨrɨə yèn əsaŋ əsaŋ əkaʼ mɨ̀Jû. Wɨ̀ nyaʼa nɔ̀ʼ wo əsɨ ze nɨ mbɨ nyaʼə tɔŋ ənɨ ə Efrèm, nɨ nyaʼa ɨban ɨbad rɨkwàʼi. Wɨ̀ nyaʼa pè chub əŋgu mbɨ mbi mə̀mə̀ə̀nɨ̀-ɨnû.

Jn 11:9

Yeso nyaʼa wììrɨ̀ ni, “Ɨmbə̀ʼ mɨ̀awà wum chɔ̀b rɨ̀be mbɨ ɨŋga əni ə mɔʼ ə? À mɨ yeʼ nɨ wə̀d ə yèn əziə, chəi ənɨ tɨ̀ wɨ̀ te əwu ənɨ əghɨ ə mɔʼɔ, ɨmbə̀ʼ ɨghəm nɨ ɨ wɨə zə ɨzeŋɨ zeŋɨ we nɨə te ɨŋga ɨsɨg.

Jn 12:35

Yeso nyaʼa ghà əmbɨ mɨ̀mə̌d ni, “Ɨzeŋɨ zeŋɨ wɨə kɨrɨ əkaʼ nən ənɨ ɨkə nyumə̀. Mbə̀ yen ənɨ ɨsɨ ə kɨrɨ zeŋə, ɨmbə̀ʼ tɨ əfub ə kən i əwən. Chəi wə̀d we nɨə yèn əkaʼ əfub kyerɨ əsɨ ze nɨ wɨə wò əŋgu.

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 9:4

Tɨ̀ berɨ faʼ ə̀fàʼì ze nɨ wə̀d we nɨ nyaʼa tom əmɨ naʼ ɨ na. Àyɨə tɨ̀ berɨ fàʼ ənɨ ɨsɨ ə kɨrɨ zeŋə. Ɨzɨmɨ wɨə yeʼe nɨ chəi ənɨ tɨ̀ bə̂d wɨrɨ fàʼ.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 13:27

Bə̂d mbe nɨə chub ə Jèrusalèm mbɨ mbe nɨə tùmbɨ̀ə̀ mɨ̀mə̌d nyaʼa ghɨ̀ ni ɨnû mbɔ̂ jwɨ ənɨ rəsìʼ ɨchî nɨ mbɨ nyaʼa sob ni mbɨ zwiirɨ əməd. Mbɨ nyaʼa ghɨ əne, ɨmbə̀ʼ ɨghəm nɨ chəi mbɨ nyaʼa kyerɨ ni Yeso yɨə wə̀d we nɨ Ŋwìə̀ zɔʼɔ, kɨ̀ be kyerɨ mɨŋgam bə̂d ɨ̀kə̀n Ŋwiə̀ mbe nɨ mbɨə foŋ ɨni ɨkwɨ mɨ̀Jû jìm.