Lk 12:15 - Meta’

¹⁵ Ənɨ wɨ̀ nyaʼa ghà əne, wɨ̀ nyaʼa ghà əmbɨ ə bə̂d mbe ni, “Mbə̀ chub ɨkyèʼe, we əwən ɨmbə̀ʼ ənû nɨ feenɨ ɨghɨ, ɨmbə̀ʼ ɨghəm nɨ ka ɨ̀tènɨ̀ wə̀d yɨ i ɨmbə̀ʼ ɨchî nɨ wɨ̀ berɨ ɨghɨ nɔnɔʼ.”

Ikan feg

¹⁵ Wì ya si ghà abə inɔ̰ bəd we gha, “Mbə̀ pata awən bə̀ we awən imbə̀ʼ anug ni ghə̀ʼrì ighi. Chəyi wə̀d we kweʼè chùghə izɔm imbə̀ʼ icheg ne wì beri ighi nɔʼ nɔʼ.”

Lk 12:15 교차 참조

Mk 7:22

ni wə̀d feenɨ ɨghɨ bə̂d, ni wə̀d ghɨ ɨnû ɨzɨg, ni wə̀d tam bə̂d, ni wə̀d ghɨ ɨnyamnɨ-ɨnû, ni wə̀d ghɨ ə̀dìì, ni wə̀d chəkɨ rɨkum bə̂d, ni wə̀d nɔ ɨnyod fɔrɨ ni wə̀d fundɨ.

Lk 12:16

Wɨ̀ nyaʼa sɨ ghà ənû ə mɨgɨ əmbɨ mɨ̀mə̌d ni, “Wə̀d mbɔ̂n mɔʼɔ nyaʼa berɨ si nɨ nyaʼə nàʼə̀ rɨjɨg nɨ kaŋ nɔʼ.

Lk 16:14

Ənɨ mɨ̀Farisiî nyaʼa zu ɨnû mbɔ̂ jìm, mbɨ nyaʼa chəʼ əməd ɨmbə̀ʼ ɨghəm nɨ mbɨ nyaʼa ghaʼ ɨkab əku.

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Lk 8:14

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨə bə̂d mbe nɨ fə zu ɨŋgam we, àyɨə ɨchî nɨ mbɨə yènə̀ wòə̀, ɨnû ɨmbə̀ʼ ɨghɨ rɨŋga ɨsɨg, ənû nɨ zɨ fîŋ ənɨ ɨkab mbɨ ɨnû nɨ ghɨ ɨnû mbe nɨ nyamnyod ə feenɨə, mbɨ yeʼe nib ɨghɨ mbe, ghɨ̀ chəi ɨbenɨ mɨ̀mə̌d kaanə.

1 Kɔrèn 6:10

kɨ̀ mɨjɨ, kɨ̀ bə̂d mbe nɨə ghɨ̀ əjə, kɨ̀ mbe nɨə nɔə beə, kɨ̀ mbe nɨə chə̀kɨ̀ rɨkum bə̂d, kɨ̀ mɨjɨ bagɨ.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

2 Timotì 3:2

Bə̂d bɨrɨ sɨə ghaʼ àmei ə ɨnyod, sɨə ghaʼ àmei ɨkab, sɨə nɔ ɨnyod, sɨə seenɨə, sɨə zɔ̀m ə bə̂d bə̀ sɨə ghɨ̀ rɨ̀zuə̀ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. Chəi mbɨ bɨrɨ naʼ məben-əwe ɨmbə̀ʼ ɨnû mbe nɨ mbɨ ghɨ ənɨ mɨ̀mə̌d. Chəi mbɨ bɨrɨ ben ənû ə Ŋwiə̀.

Mə̀Hibrù 13:5

Tɨ mbə̀ zɨ ə ədɔʼ ənɨ ɨkab. Mbə̀ ben ni ɨghɨ mbe nɨ mbə̀ berɨ ə kùʼ, ɨmbə̀ʼ ɨghəm nɨ Ŋwìə̀ fə ghà ni, “Chəi mə̀ bɨrɨ nɔ saŋ əwən kɨ̀ bè waʼ əwən.”

2 Pità 2:14

Ɨ mbɨə kɨə nèŋə̀ məyi mbe nɨə niirɨə mbaŋə̀ ɨmbə̀ʼ ni mɨ̀mə̌d. Chəi mbɨə bɔrə nɨ ghɨ ɨnû rɨbɔ̀ŋ. Ɨ mbɨə tambɨ ə bə̂d mbe nɨ chəi fîŋ tɨ mɨ̀mə̌d kɨrɨ kaanɨ. Mbɨ fə kwembɨ ənû nɨ kɨə ghɨ̀ əjə. Ŋwìə̀ bɨrɨ zɨ ndɔ̀n ɨgwɨ mɨ̀mə̌d.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.