Lk 11:42 - Meta’

⁴² “Ŋgəʼ kyeŋ bɨrɨ nyɨ ɨgwɨ nən mbə̀nə mɨ̀Farisiî! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghàpə̀ tɨtiirɨ te nɨ mbɨə tɔŋ ənɨ mint bə̀ ghapɨ ə rue mbɨ tɨkwɨrɨ mbòb jìm ɨsɨ wum, əne nàʼ əsɨ ə fibɨ̀ əmbɨ ə Ŋwiə̀, àyɨə mbə mbɨə waʼ ənû nɨ ghɨ ɨnû nɨ kuʼnɨ mbɨ ənû nɨ ghaʼ ə Ŋwiə̀. Njɨ mbə ghɨ ɨnû mbɔ̂ jìm nɨ chəi mbə̀ waʼ mbɨ mɔʼɔ.

Ikan feg

⁴² Ngəʼ kyen biri nyi igun inən, mbə̰ mə̀Farìsi imbə̀ʼ icheg ne, mbə̰ mbe nàʼà aba amɔʼ inga iba ìghum abə Ŋwiye ane ighi a mben icheg; agyen jəghi fɔrɔ ane titeti ijìm icheg finɔm tì ateti tì aku agyen jəghi ndəŋ ajìm. Si ya gha, mbə̰ fə waʼ icheg ni ghì inug ne koʼi. Chəyi mbə̰ mbe bə̀ kɔ̀ŋɔ̀ Ŋwiye. Aŋa ya abɔ̀ʼ ighi ne mbə̀ koʼi ni fàʼ bə̀ kiri nàʼ aghi amɔʼ inga iba ìghum.

Lk 11:42 교차 참조

Matìyò 23:13

“Ŋgəʼ kyeŋ bɨrɨ nyɨ ɨgwɨ nən, mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə wùb ɨchû ɨkam ənû ɨfɔ̀n rɨkaŋ ni tɨ̀ bə̂d nyɨ ə ɨŋga, àyɨə chəi mbən ə bə̀ nyɨə, kɨ̀ bè sàŋ ni mbe nɨə kə̀b nyɨ mbɨ nyɨ.

Matìyò 23:23

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghàpə̀ tɨtiirɨ te nɨ mbɨə tɔŋ ənɨ ə mint fɔrɨ ə dill bə̀ fɔrɨ ə kumìn ɨsɨ wum, əne nàʼ əsɨ ə fibɨ̀ əmbɨ ə Ŋwìə̀. Àyɨə mbə mbɨə waʼ ɨnû kyeŋ mbe nɨ yeʼ ɨŋga rɨ̀kə̌, ɨghabɨ ənû nɨ ghɨ̀ mbɨ ə bə̂d ɨchî nɨ kuʼnɨ, ənû nɨ diirɨ bə̂d mbɨ ənû ɨmbə̀ʼ ɨbenɨ. Zɨə bɔ̀ŋ ni mbə̀ ghɨ ɨnû mbɔ̂ jìm zɨ rɨ waʼ mbɨ mɔʼɔ.

Matìyò 23:27

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə yɨ ɨghabɨ ɨtu ɨsì nɨ mbɨ zɔʼ ənɨ ə mbǒm, mbɨ bɔ̀ŋ əbà rɨ ə sàŋ, àyɨə əbà rɨŋga, mbɨ swi mbɨ ɨwu ɨvɨ bə̂d fɔrɨ ɨbɔb ɨghɨ cherə.

Lk 18:12

Mə wɨə chubə rɨjɨg ɨghəm be ɨŋga kàb. Mə wɨə ghàpɨ̀ ɨghɨjìm mbe nɨ mə berɨ ɨsɨ wum, nàʼ əsɨ ə fibɨ̀ ɨ ne.'

Jn 5:42

Àyɨə mə kyerɨ əwən kwàʼ ɨchî chɔ̀m. Mə kyerɨ ni chəi mbə̀ ghaʼ ə Ŋwiə̀ rɨŋga tə fîŋ.

1 Jɔn 4:20

Wə̀d mɔʼɔ mɨ ghà ni tə ghaʼ ə Ŋwìə̀, àyɨə wɨ̀ bàn wi aŋgɔb, əne məd yɨə wə̀d mɨghab, ɨmbə̀ʼ ɨghəm nɨ ka wə̀d we nɨ chəi wɨ̀ ghaʼ wi aŋgɔb nɨ wɨə zəə, bɨrɨ bɨ ghaʼ i Ŋwìə̀ we nɨ chəi wɨ̀ kweʼ zə.