Lk 11:39 - Meta’

³⁹ Əne Ə̀nùŋɨ̀sɨg nyaʼa ghà ɨ bɔ ni, “Tɨ̀nîn mbə̀nə mɨ̀Farisiî mbɨə sòə̀ njìm toʼ bə̀ sòə̀ njìm əkaŋ, àyɨə tə fîŋ ə swi mbɨ əjə fɔrɨ ɨnû ɨzɨg.

Ikan feg

³⁹ Anɔŋisəg ya si ghà ibo gha, “Mbə̰ mə̀Farìsi ya sò ìtən itoʼ fɔrɔ ìmbən ikaŋ anjìm isəg. Si ya gha, inug tibɔ̀ŋ fɔrɔ inug izəg sweg inən inga fìŋ.

Lk 11:39 교차 참조

Matìyò 15:19

ɨmbə̀ʼ ɨghəm nɨ tɨkɔndɨ rɨbɔ̀ŋ tɨə jwɨ̀ rɨŋga fîŋ. Tɨkɔndɨ te tɨə ghɨ̀ ni wə̀d zwiirɨ wɨ cherə, ni wə̀d ni əyi kɨ̀ ɨnom wə̀d cherə, ni wə̀d ni məyi kɨ̀ mbaŋə̀ əbəŋ əbəŋ, ni wə̀d jɨ, ni wə̀d ben zərɨmbin mɨ̀ghab fɔrɨ ni wə̀d chəkɨ rɨkum bə̂d.

Matìyò 7:15

“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə.

Lk 16:15

Àyɨə Yeso nyaʼa ghà əmbɨ mɨ̀mə̌d ni, “Mbə yɨə bə̂d mbe nɨə chwi ɨfě bə̂d ni mbə̀ mbɨə ghɨ̀ ɨnû nɨ kuʼnɨ, àyɨə Ŋwìə̀ ə kyerɨ tə fîŋ. Mbə̀ zə rəŋgu ni ɨnû mbe nɨ Ŋwiə̀ ə bànə̀ yɨ mbe nɨ bə̂d ə kɔndɨə ni mbɨ yɨ ɨnû kyeŋ.

Lk 7:13

Ənɨ Ə̀nùŋɨ̀sɨg nyaʼa zə əməd, wɨ̀ nyaʼa kə̀n ənɨ məd ghà ɨ bɔ ni, “Tɨrə̀ dì e.”

Lk 7:19

Əne wɨ̀ nyaʼa tɔŋ mɨ̀mə̌d mɨbe, tom mɨ̀mə̌d əsɨ Ə̀nùŋɨ̀sɨg ni mbɨ biirɨ ɨ bɔ ni, “Àwɔ̀ wa kɨə wə̀d we nɨ bə̂d ɨ̀kə̀n Ŋwiə̀ nyaʼə ghàə̀ ni wɨ̀ bɨrɨ yeʼe, kɨ̀ rɨ̀ wa wom wɨ cherə ə?”

Jn 12:6

Wɨ̀ nyaʼa ghà ənû zɔ̂ kaʼi ɨmbə̀ʼ ɨghəm nɨ wɨ̀ nyaʼa zɨ ətu nɨ nəŋgɨ bə̂d ɨkwaŋ. Wɨ̀ nyaʼa ghà ɨmbə̀ʼ ɨghəm nɨ məd yɨə nyaʼə ɨjɨ, fɔrɨ ni ɨchî nɨ ə̀bàm ɨkab ə nyaʼa ɨ bɔ, wɨ̀ nyaʼə mɨ̀ə̀ chɨ̀ ɨkab rəbɔʼ we nɨ mbɨ nyaʼa zɨ ɨŋga ə̀bàm ze ghɨ̀ mbi ɨnû əŋgu.

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Ɨ̀fàʼì 5:3

Ənɨ wɨ̀ nyaʼa nùŋ əne, Pità nyaʼa biirɨ ɨ bɔ ni, “Ànàniàs, əton nɨ à saŋ ni Satàn nyɨ ɨŋga e fîŋ ghɨ̀ ni à ghà mɨghab əmbɨ Əzwî ə Zeŋɨ, əne nùŋ əba rɨ ənɨ ɨkab we nɨ à fen əsɨ ə si ze, kɨ ɨmbə̀ʼ ə yè ə?

Gàlesìyà 1:14

Mə wɨə nyaʼə wò ɨmbì ənɨ ənû ə Ŋwiə̀ mɨ̀Jû chè mɨ̀Jû nɔnɔʼ nɨ nyaʼa tum rɨ̀ghə̀m. Mə nyaʼa kàŋ jeŋgɨ zɨ̀ ətu nɨ ghɨ ɨnû mbe nɨ mba mɨ̀mbǎʼ rəŋwe nyaʼə ghɨ̀ə̀.

2 Timotì 3:5

Mbɨ bɨrɨ sɨə ghɨ̀ ɨghabɨ ə bə̂d nɨ kyerɨ ə Ŋwiə̀, àyɨə mbɨ bɨrɨ ton ɨka Ŋwiə̀ we nɨ tɨ̀ wɨ ghɨ ni mbɨ yeʼ bə̂d Ŋwiə̀ rəsìʼ. Tɨrə̀ berɨ e ənû ə mɔʼɔ nɨ ghɨ̀ mbɨ tɨkwɨrɨ bə̂d tɔ̂.

Tayitùs 1:15

Ɨnû jìm ə zeŋ əmbɨ ə bə̂d mbe nɨ fîŋ tɨ mɨ̀mə̌d zeŋɨ, àyɨə chəi mbɨ zeŋɨ əmbɨ ə bə̂d mbe nɨ chəi fîŋ tɨ mɨ̀mə̌d bə zeŋ. Chəi mbɨ bə zeŋ əmbɨ mbe nɨ chəi mbɨ nuŋ fîŋ ɨgun ə Kristo, ɨmbə̀ʼ ɨghəm nɨ ɨbə fə nyɨ ɨŋga tɨkɔndɨ tɨ mɨ̀mə̌d bə̀ nyɨ ɨŋga fîŋ tɨ mɨ̀mə̌d.

Jems 4:8

Mbə̀ tindɨ ɨban ə Ŋwiə̀, əne wɨ̀ bɨrɨ bɨ tindɨ ɨban nən. Mbə̀n mbe nɨə ghɨ̀ ɨnû rɨbɔ̀ŋ, mbə̀ so mbə ɨbɔ! Mbə̀n mbe nɨ berɨ fîŋ rɨ̀be, mbə̀ zeŋnɨ tə fîŋ!