Lk 11:2 - Meta’

² Əne wɨ̀ nyaʼa ghà əmbɨ mɨ̀mə̌d ni, “Ənɨ mbə̀ə kɔ̀ŋgɨ̀ ə Ŋwiə̀, mbə̀ gha ni: 'A Mbǎʼ, Ghɨ ni bə̂d wumnɨ e ɨkum, E ənû ɨfɔ̀n ə yeʼe.

Ikan feg

² Yeso ya ghà inɔb gha, “Anyumə̀ ne mbə̰ mbe chàʼrà Ŋwiye, mbə̀ gha gha, ‹Ìwa Mbaʼ, ghìyə gha bəd ghumni ìwe ikum. Àze anug ìfɔ̀n ze yeʼe.

Lk 11:2 교차 참조

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

Matìyò 3:2

ni, “Mbə̀ beŋ tə fîŋ, ɨmbə̀ʼ ɨghəm nɨ ənû ɨfɔ̀n rɨkaŋ ə fə tiinɨ.”

Matìyò 5:16

À yɨə bə̀ ɨchî nɨ ə ɨzeŋɨ zeŋɨ berɨ te ɨfě bə̂d, ɨmbə̀ʼ mbɨ zə ɨnû chɔ̀m mbe nɨ mbə̀ə ghɨ̀ə̀, əne yiirɨ ə Mbǎʼ we nɨ yeʼ ɨkaŋ.”

Lk 11:1

Yeso wɨə nyaʼə kɔ̀ŋgɨ̀ ə Ŋwiə̀ əsɨ ə mɔʼɔ. Ənɨ wɨ̀ nyaʼa màànɨ, ə̀mə̀ə̀nɨ̀-ɨnû məd mɔʼɔ nyaʼa ghà ɨ bɔ ni, “Ə̀nùŋɨ̀sɨg, chwi ɨchî nɨ mbɨə kɔ̀ŋgɨ̀ ə Ŋwiə̀ ɨ na, àmei ɨchî nɨ Jɔ̌n nyaʼa chwi əmbɨ mbi mə̀mə̀ə̀nɨ̀-ɨnû.”

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Rm 8:15

Chəi Əzwî ze nɨ Ŋwìə̀ fə naʼ ɨ nən ə ghɨ̀ ni mbə ben ɨ̀bòʼò, əne wɨrɨ kɔ bɔ, àyɨə mbə fə berɨ Əzwî ze nɨ ghɨ əwən ənɨ ə bɔn Ŋwiə̀. À yɨ Əzwî ə ghɨ ni tɨ̀ kyeŋ ni, “Mbǎʼ! mɨ Mbǎʼ!”

1 Kɔrèn 1:3

Ŋwiə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ naʼ əbɔrəbɔd ɨ nən.

2 Kɔrèn 1:2

Ŋwiə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Gàlesìyà 1:4

Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Efesùs 1:2

Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Fìlipì 1:2

Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Fìlipì 4:20

Bə̂d wumnɨ Ŋwìə̀ a Mbǎʼ koŋ koŋ. À yɨ əne.

Kòlosè 1:2

Tɨ̀ wɨə ŋwàʼnɨ̀ əmbɨ ə mbə̀n bə̂d Ŋwiə̀ mbe nɨ nuŋ fîŋ ɨgun ə Kristo ə Kòlosè. Ŋwiə̀ a Mbǎʼ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Tèsàlonikà 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ yeʼ bə̂d Ŋwiə̀ Mbǎʼ fɔrɨ bə̂d Ə̀nùŋɨ̀sɨg Yeso Kristo. Ŋwìə̀ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 15:4

Ə̀nùŋɨ̀sɨg, à kɨə we nɨ chəi wɨ̀ bɨrɨ bɔ əwe ə? À kɨə we nɨ chəi wɨ̀ bɨrɨ yiirɨ e ɨkum ə? Àmei àwɔ̀ rə̀zìʼ we nɨ zeŋɨ màànɨ̀. Bə̂d rɨŋga ɨbeŋ jìm bɨrɨ yeʼe wumnɨ əwe, ɨmbə̀ʼ ɨghəm nɨ wə̀d jìm fə zə ɨchî nɨ àwɔ̀ ə ghɨ̀ ɨnû nɨ kuʼnɨ.”

Ɨnû 19:6

Mə nyaʼa zu əghɨ ə mɔʼɔ nɨ nyaʼa ɨghabɨ ə gɨ̂ ɨnɔ̂n bə̂d nɨ nyaʼa kwàʼ wɨ kyeŋ. Gɨ̂ ze zɨə nyaʼa ɨghabɨ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨghabɨ ɨchî nɨ mbə̀ŋ ə kùmə̀. Zɨ̀ nyaʼə ghàə̀ rɨ̀kǎ ni, “Tɨ̀ yiirɨ ə Ŋwiə̀! Ə̀nùŋɨ̀sɨg a Ŋwìə̀kɔʼ wɨə sɨə tùmbɨ̀ə̀ mbi bə̂d.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.