Lk 10:7 - Meta’

⁷ Mbə̀ chub àmei ɨŋga nəb ze nɨ mbə̀ be pè nyɨ ɨŋga. Mbə̀ jɨg bə nɔ àmei ɨghɨ mbe nɨ mbɨ naʼ ɨ nən, ɨmbə̀ʼ ɨghəm nɨ zɨə kùʼ ni mbɨ chwɨ wə̀d ə̀fàʼì. Tɨ mbə̀ nyɨrə nəb.

Ikan feg

⁷ Mbə̀ chughi kwàʼ inga nəb ze ne mbə̀ nyi inga. Mbə̀ jəg bə̀ no ighi mbe ne mbi biri ya nàʼà inən imbə̀ʼ icheg ne wə̀d àfàʼì kòʼ ni bèrì ìzi chùd. Imbə̀ʼ mbə̰ ŋa chùghə awən a nəb a nəb.

Lk 10:7 교차 참조

Mk 6:10

Wɨ̀ nyaʼa bə̀ ghà əmbɨ mɨ̀mə̌d ni, “Mbə̀ mɨ nyɨ ɨŋga nəb əsɨ ə mɔʼɔ, mbə̀ chub əŋgu pè ənɨ mbə̀ nɔʼ rɨ əsɨ ze.

Lk 10:6

Wə̀d nɨə kə̀b əbɔrəbɔd mɨ yeʼ ɨŋga nəb ze, əbɔrəbɔd ze nɨ mbə̀ ghà ə bɨrɨ ten i mbɨ məd; àyɨə à mɨ yeʼ ni chəi wə̀d nɨə kə̀b əbɔrəbɔd ɨŋga nəb ze, əbɔrəbɔd ze nɨ mbə̀ ghà ə bɨrɨ wɨrɨ bəndɨ yeʼe ɨ nən.

Lk 9:4

Mbə mɨ pè nyɨ ɨŋga nəb mɔʼɔ, mbə̀ chub àmei ɨŋga nəb ze pè əni ze nɨ mbə̀ə nɔ̀ʼə̀.

Ɨ̀fàʼì 16:15

Ənɨ mbɨ nyaʼa naʼ mɨnib ɨ bɔ fɔrɨ əmbɨ ɨnəbɨ məd jìm, wɨ̀ nyaʼa buʼ ɨbɔ ɨ na ghà ni, “Mbə mɨ zə ni mə fə nùŋ mɨ fîŋ ɨgun Ə̀nùŋɨ̀sɨg, mbə̀ yeʼe chub ɨŋga mɨ nəb.” Wɨ̀ nyaʼa ghà əne, fi mba ɨtu, tɨ̀ wò chubɨ mbɨ məd.

Ɨ̀fàʼì 16:34

Wɨ̀ nyaʼa ghɨ̀ əne, nɨŋ mɨ̀mə̌d mbɨ wò ɨŋga i nəb pè nàʼ ɨghɨjɨg əmbɨ mɨ̀mə̌d. Məd mbɨ ə bə̂d mɨjìm mbe nɨ nyaʼa ɨŋga nəb nyaʼa kàŋ ghaʼ ni mbə fə ben ə Ŋwiə̀.

Ɨ̀fàʼì 16:40

Ənɨ Pɔ̂l mbɨ Sailàs nyaʼa jwɨ̀ rɨ ə nəb ndəŋ ze, mbɨ nyaʼa wò əkwɨ Lidià. Ənɨ mbɨ nyaʼa zə mbə bɔŋgɔb, mbɨ nyaʼa tìmbɨ̀ mɨ̀mə̌d, nɔ̀ʼ wò əwən.

Gàlesìyà 6:6

Wə̀d mɔʼɔ we nɨ mbɨ chwi ɨŋgam Ŋwiə̀ ɨ bɔ berɨ naʼ əbà tɨ ənɨ ɨghɨ chɔ̀m jìm mbe nɨ wɨ̀ berɨ əmbɨ we nɨ chwi ɨŋgam we ɨ bɔ.

1 Timotì 5:13

Kaʼ àmei əze, mbɨ bɨrɨ kwembɨ ənû nɨ kɔ ghɨ ɨgwed. Mbɨ bɨrɨ bə̀ kɔ ghanə nyɨrə nəb. Kaʼ àmei ənû nɨ ghɨ ɨgwed, mbɨ bɨrɨ kɔ ghanə ghɨ̀ mɨniə bə̀ kɔ zɨ ɨchû ɨŋga ɨnû mbe nɨ chəi mbɨ de mɨ̀mə̌d. Mbɨ bɨrɨ bə̀ kɔ ghà ɨnû nɨ chəi mbɨ berɨ nɨ ghà.

2 Timotì 2:6

Wə̀d mbeŋ we nɨə fàʼ rɨ̀kǎ berɨ berɨ əbà rɨtu rɨ ənɨ mbɨ kwəŋ ɨghɨ.