Lk 1:35 - Meta’

³⁵ Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Ikan feg

³⁵ Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

Lk 1:35 교차 참조

Matìyò 1:18

Ɨchî nɨ mbɨ nyaʼa gywɨ ə Yeso Kristo yɨ əni: Jòsêf nyaʼa nyɨ ə Mèri we nɨ nyaʼa gywɨ ə Yeso. Àyɨə bɔŋ mbɨ nyaʼa sɨə namə, mbɨ nyaʼa zə ni Əzwî ə Zeŋɨ ə nyaʼa fə ghɨ̀ Mèri sɨ rɨ̀bùmə̀.

Matìyò 1:20

Ənɨ wɨ̀ nyaʼə kɨrɨ kɔndɨə əne, aŋgɨrə̀ Ə̀nùŋɨ̀sɨg nyaʼa jwɨ̀ ɨ bɔ ə njə̀m ghà ɨ bɔ ni, “Jòsêf, àwɔ̀ nɨ yeʼ wan tɨ ənɨ əghaŋ ə Dèvîd, tɨrə̀ bɔ e nɨ nɨŋ ə Mèri ənɨ e ɨwi, ɨmbə̀ʼ ɨghəm nɨ à yɨ Əzwî ə Zeŋɨ ə ghɨ ni wɨ̀ sɨ rɨ̀bùmə̀.

Matìyò 14:33

Bə̂d mbe nɨ nyaʼa ɨŋga əbaŋ ɨgyɨ̀ ze nyaʼa wumnɨ əməd, ghàə̀ ni, “À yɨ rəsìʼ ni àwɔ̀ yɨə kàŋ ə Wan Ŋwiə̀.”

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 4:3

Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Mk 1:24

Wɨ̀ nyaʼa kɔ kyeŋ rɨ̀kǎ ghàə̀ ni, “Yeso rɨ ə Nazàret! À berɨ ənû ə ye nɨ ghɨ̀ mbɨ nà ə? À wa yeʼe ɨmbə̀ʼ nimnɨ əwa ə? Mə kyerɨ wə̀d we nɨ à yeʼ wɨwən. Àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Lk 1:27

Wɨ̀ nyaʼa tom əməd əsɨ wan əyi rɨkyerɨ mbaŋə̀ mɔʼɔ nɨ mbɨ nyaʼa nyɨ əmbɨ mbaŋə̀ mɔʼɔ nɨ ɨkum məd nyaʼə Jòsêf. Jòsêf yɨə nyaʼa rɨ ənɨ əghaŋ Ɨfɔ̂n Dèvîd. Ɨkum wan əyi we yɨə nyaʼə Mèri.

Lk 1:34

Mèri nyaʼa biirɨ əmbɨ aŋgɨrə̀ we ni, “Əzɔ̂ ə kɨ wo yeʼ rɨ ye, nɨ chəi mə̀ kɨrɨ kyerɨ mbaŋə̀ ə?”

Lk 1:36

Zə, Èlisabèt we nɨ yeʼ e əfurɨ fə bɔ̀ŋ wan mbaŋə̀ ənun. Mbɨ nyaʼa ghà ni məd yɨ kòm əyi. Tɨ̀nîn wɨ̀ fə sɨ rɨ̀bùmə̀ əmɨg rɨ̀fuə.

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Efesùs 2:3

Mba mɨjìm kweʼ yeʼ ɨghabɨ mɨ̀mə̌d ɨchî nɨ tɨ̀ nyaʼə feenɨ ɨghɨ mbe nɨ ta nyamnyod nyaʼə kə̀bə̀. Tɨ̀ wɨə nyaʼə bə̀ beenɨ əbɔʼ ɨghɨ mbe nɨ ta nyamnyod fɔrɨ ta rɨkɔndɨ nyaʼə bə̀ kə̀bə̀. Ɨ beenɨ əbɔʼ mba mɨchî, Ŋwìə̀ nyaʼa sə ɨtəm əbɔʼ na ɨchî nɨ wɨ̀ nyaʼa sə əbɔʼ wə̀d jìm.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.