Lk 1:17 - Meta’

¹⁷ Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Ikan feg

¹⁷ Wì biri chè imbìghè abə Anɔŋisəg tì azwighi fɔrɔ ika we ne Wə̀dkə̀n Ŋwiye Èlayijà ya bèri. Wì biri ywiri fɔti mə̀mbaʼ tì bɔn. Wì biri ghì bəd tìzughə̀ bə̀ŋì fìŋ, si bèrì ikɔndi icheg bəd ne təmi kòʼ. Wì biri ghì bəd chuʼri nyɔd se ghɔ̀mɔ̀ Anɔŋisəg.”

Lk 1:17 교차 참조

Matìyò 11:14

Mbə mɨ ghaʼ nɨ ben ənû zɔ̂, njɨ mbə̀ kyerɨ ni Jɔ̌n yɨ Èlaijà we nɨ bə̂d ɨ̀kə̀n nyaʼə ghàə̀ ni wɨ̀ bɨrɨ yeʼe.

Matìyò 14:4

Jɔ̌n wɨə nyaʼə kɨə ghà əmbɨ Herɔ̀d ni, “Chəi ta rɨkə chwiə ni à nam ə Hèrɔdiàs.”

Matìyò 3:3

Jɔ̌n wɔ̂ yɨə wə̀d we nɨ wə̀d ɨ̀kə̀n Ŋwìə̀ Aizayà nyaʼa ghǎ ɨmbə̀ʼ əməd ni, “Wə̀d mɔʼɔ wɨə kyeŋ ɨŋga ɨbad rɨkwàʼi ghàə̀ ni, 'Mbə̀ tekɨ ɨnə̂njɨ̀ əmbɨ Ə̀nùŋɨ̀sɨg. Mbə̀ ghɨ̀ mɨnə̂njɨ̀ məd mbɨ təm!'”

Matìyò 3:4

Mbɨ nyaʼa tekɨ ngywɨ̌ rɨ Jɔ̌n ənɨ ə nyôŋ rɨ kàmel. Wɨ̀ nyaʼə kòd ɨ̀kɔ̀bɨ̀ gôb ənɨ i ɨkyerɨ. Ɨghɨjɨg məd yɨə nyaʼə ŋgwèmɨ mbɨ ə ju nɨ mbɨ nyaʼa kəʼ rɨŋga bǔʼ.

Lk 1:16

Wɨ̀ bɨrɨ ghɨ ni mɨ̀Izre nɔnɔʼ wɨrɨ bèŋ ben Ə̀nùŋɨ̀sɨg Ŋwìə̀ mɨ̀mə̌d.

Lk 1:76

Àwɔ̀ wan, mbɨ bɨrɨ tɔŋ əwe ni àwɔ̀ yɨə wə̀d ɨ̀kə̀n Ə̀chè-ɨsɨg, ɨmbə̀ʼ ɨghəm nɨ à bɨrɨ chè ɨmbì əmbɨ Ə̀nùŋɨ̀sɨg ɨmbə̀ʼ tekɨ ɨnə̂njɨ̀ ɨ bɔ,

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Jn 3:28

Mbə yɨ mbɨ mɨ̀zərɨmbin ni mə nyaʼa fə ghà ni, 'Ka mɔ̌ yɨ əmɨ Wə̀d we nɨ Ŋwìə̀ zɔʼɔ, àyɨə Ŋwìə̀ nyaʼa chà əmɨ ɨmbì ɨ bɔ.'

Ɨ̀fàʼì 10:33

Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Rm 9:23

Wɨ̀ nyaʼa bə̀ kə̀b chwi i mbɔ̂n ze nɨ chəi zɨ̀ bɨrɨ nɔ mì, nɨ yeʼ mbɔ̂n ze nɨ wɨ̀ chwɨ ɨgwɨ ə bə̂d mbe nɨ wɨə dììrɨ̀ə̀. Bə̂d mbe nɨ wɨə dììrɨ̀ə̀ yɨ mbe nɨ wɨ̀ nyaʼa fə tekɨ ni mbɨ chub ɨŋga ɨwumnɨ məd.

Kòlosè 1:12

bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

2 Timotì 2:21

Wə̀d mɔʼɔ mɨ zeŋnɨ i ɨnyod waʼ mbi ɨnû rɨbɔ̀ŋ, wɨ̀ bɨrɨ yeʼ ɨghabɨ əkaŋ ze nɨ Ŋwìə̀ bɨrɨ nɨŋ fàʼ mbɨ əzɨ əwən əni ənû. Wɨ̀ bɨrɨ fə zeŋ màànɨ̀. Əne Mbǎʼ ə̀fàʼì məd bɨrɨ nɨŋ əməd fàʼ mbɨ məd ɨchî nɨ wɨ̀ fə tekɨ i ɨnyod nɨ ghɨ ɨnû chɔ̀m jìm.

1 Pità 2:9

À yeʼ ɨmbə̀ʼ əwən, mbə̀ yɨ ɨnəbɨ nɨ Ŋwiə̀ nyaʼa chɔʼɔ. Mbə yɨə bə̂d mbàn Ŋwìə̀ nɨə fàʼ əmbɨ ɨfɔ̀n kyeŋ. Mbə yɨ əbeŋ nɨ zeŋɨ. Mbə yɨə bə̂d Ŋwiə̀ ɨmbə̀ʼ gha ɨnû yiirɨ mbe nɨ wɨ̀ fə ghɨ̌. À yɨə məd nyaʼa tɔŋ əwən rɨŋga ɨsɨ firɨ əne zɨ̀ ɨŋga əsɨ ə zeŋɨ ze nɨ wɨ̀ naʼ əmbɨ ə bə̂d.

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.

Ɨnû 20:4

Mə nyaʼa zə ɨtən ɨfɔ̀n. Mbɨ nyaʼa nàʼ ɨka əmbɨ ə bə̂d mbe nɨ nyaʼa chub ɨgun ɨtən mbe ni mbɨ saʼ ɨsɨg. Mə nyaʼa bə̀ zə ɨ̀tènɨ̀ bə̂d mbe nɨ mbɨ nyaʼa sopɨ ɨtu mɨ̀mə̌d ɨmbə̀ʼ ɨghəm nɨ mbɨ nyaʼə ghà rəsìʼ ɨmbə̀ʼ ə Yeso bə̀ fɔrɨ ɨmbə̀ʼ ɨghəm nɨ mbɨ nyaʼə ghà ɨŋgam Ŋwiə̀. Chəi mbɨ nyaʼa wumnɨ nyam kyeŋ rɨtu ze kɨ̀ bè ə anèŋ məd. Chəi mbɨ nyaʼa zɨ ənweenɨ ə nyam kyeŋ ze ənɨ ɨkəŋ ɨsɨ mɨ̀mə̌d, kɨ̀ ɨgun ɨbɔ mɨ̀mə̌d. Mbɨ nyaʼa zwemə əne tùmbɨ̀ ɨsɨg mbɨ Kristo ɨghəm ɨwu chuʼ fibɨ̀.