Kòlosè 4:6 - Meta’

⁶ Ɨŋgam we nɨə jwɨ rɨ ənɨ mbə mɨchû berɨ mɨə nə̀m ɨghabɨ ni mbɨ fə nùʼ ənɨ fɨ̀ŋgwaŋ. Mə kə̀b ni mbə̀ kyerɨ ɨchî nɨ wiirɨ ɨŋgam əmbɨ wə̀d jìm.

Ikan feg

⁶ Mbə̀ ghiyə gha ìngam we ne dùwə̀ inən ichug we yaʼ ìwi chɔm ne tì wi wètì bəd. Ane, mbə̰ biri kyeri ikuchèg chɔm ni ywìtì inug abə bəd.

Kòlosè 4:6 교차 참조

Matìyò 5:13

“Mbə yɨ ɨghabɨ fɨ̀ŋgwaŋ əmbɨ ə bə̂d ɨgwɨ ə si. Àyɨə fɨ̀ŋgwaŋ mɨ fə tu i, mbɨ wɨrɨ ghɨ̀ ye mbɨ fɨwən ni fɨ wɨrɨ nə̀m ə? Chəi əghɨ nɨ tɨ̀ mbɨ wɨrɨ ghɨ̀ mbɨ fɨwən, kɨrɨ ənɨ mbɨ waʼ, bə̂d yèn ɨgun.

Mk 9:50

“Fɨ̀ŋgwaŋ ə bɔ̀ŋ, àyɨə fɨ mɨ ton wɨrɨ nəm i, à wɨrɨ tekɨ rɨ ye ni fɨ wɨrɨ nə̀m ə? Mbə̀ yeʼ ɨghabɨ fɨ̀ŋgwaŋ, əne mbə̀ chub ənɨ əbɔrəbɔd mbɨ mbə bɔŋgɔb.”

Lk 4:22

Mɨ̀mə̌d mɨjìm nyaʼa ghà ɨŋgam chɔ̀m ɨmbə̀ʼ əməd, əne yiirɨ ɨŋgam əbɔrəbɔd we nɨ nyaʼa jwɨ rɨ ɨchû məd. Mbɨ nyaʼa yiirɨ əne ghà ni, “Ɨmbə̀ʼ wɔ̂ yɨə wan Jòsêf ə?”

Efesùs 4:29

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

1 Pità 3:15

Àyɨə mbə wumnɨ ə Kristo ɨŋga tə fîŋ ni məd yɨ Ə̀nùŋɨ̀sɨg. Mbə̀ tekɨ ɨnyod ənɨ mɨ̀nyùmə̀ jìm nɨ wiirɨ ɨŋgam əmbɨ ə wə̀d jìm we nɨ biirɨ əton ɨmbə̀ʼ ɨkɔndɨ we nɨ mbə berɨ. Mbə̀ ghɨ əne mbɨ ɨbɔtɨ fîŋ fɔrɨ mbɨ ɨwumnɨ.