Kòlosè 3:8 - Meta’

⁸ Àyɨə rɨ̀nîn, mbə berɨ waʼ ɨnû mbɔ̂ jìm. Əne yɨ ənû nɨ sə ɨtəm, ənû nɨ chɔb, ənû nɨ ghɨ ɨbə, ənû nɨ ghambɨ wə̀d mbɨ ənû ənɨ gham əbɔb ɨŋgam.

Ikan feg

⁸ Àsi amad anìŋ, mbəʼ mənyìʼ waʼ tiku inug te. Inug mbe ya inug icheg: agaŋ tì iswḛ fɔrɔ adɔʼ. Imbə̀ʼ mbə̰ ya chìkə̀ awən tikum bəd. Imbə̀ʼ mbə̰ bə bḛ awən gha ìngam zu zu duwə inən ichug.

Kòlosè 3:8 교차 참조

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Mk 7:22

ni wə̀d feenɨ ɨghɨ bə̂d, ni wə̀d ghɨ ɨnû ɨzɨg, ni wə̀d tam bə̂d, ni wə̀d ghɨ ɨnyamnɨ-ɨnû, ni wə̀d ghɨ ə̀dìì, ni wə̀d chəkɨ rɨkum bə̂d, ni wə̀d nɔ ɨnyod fɔrɨ ni wə̀d fundɨ.

Rm 13:13

Tɨ̀ ghɨ mba ɨnû ɨchî nɨ kuʼnɨ, àmei ɨghabɨ ɨchî nɨ bə̂d ə ghɨ̀ ɨnû əziə. Tɨ rɨ̀ wo a ənɨ ɨchwɨ̂ nɨ bə̂d ə ghɨ̀ ɨnû əbəŋ əbəŋ, kɨ̀ nɨ bə̂d ə nɔə beə. Tɨ rɨ̀ ni a məyi kɨ̀ mbaŋə̀ nɨ kaʼi a ɨwi kɨ̀ a ɨnom, kɨ̀ bè ghɨ ɨnyamnɨ-ɨnû. Tɨ rɨ̀ chɔb a. Tɨ rɨ̀ bɨ ghɨ̀ a ə̀dìì.

1 Kɔrèn 3:3

ɨmbə̀ʼ ɨghəm nɨ mbə̀ yɨə kɨrɨ ɨghabɨ ə bə̂d rɨŋga ɨsɨg. Ənɨ mbə̀ə ghɨ̀ ə̀dìì bə̀ chɔbə, ɨmbə̀ʼ mbə mbɨə ghɨ̀ ɨchî nɨ bə̂d rɨŋga ɨsɨg ə ghɨ̀ə̀ ə? Ɨmbə̀ʼ mbə mbɨə ghɨ̀ ɨnû ɨghabɨ ə bə̂d nɨ chəi mbɨ kɨrɨ kyerɨ Ə̀nùŋɨ̀sɨg ə?

2 Kɔrèn 12:20

Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

Gàlesìyà 5:15

Tɨ mbə̀ yeʼ əwən ɨghabɨ ə nyam rɨ tɔtɔ nɨ nombɨə bə̀ kurə tɨ cherə. Mbə̀ we əwən ɨmbə̀ʼ mbə nɨə nimnɨ əwən mbənə mbənə.

Gàlesìyà 5:20

ənû nɨ wumnɨ mbɨ̀anèŋ, ənû nɨ ghɨ mɨ̀sà, ənû nɨ ghɨ pə̀n, ənû nɨ chɔb, ənû nɨ ghɨ ə̀dìì, ənû nɨ sə ɨtəm, ənû nɨ ghɨ ɨghabɨ ni àmei mbə̀nə berɨ ɨghɨ, ənû nɨ ghabrɨ bə̂d, ənû nɨ ghɨ tɨfɔtɨ kwa kwa,

Gàlesìyà 5:26

Tɨ rɨ̀ nɔ a ɨnyod. Tɨ rɨ̀ ghɨ a ni bə̂d cherə sə ɨtəm. Tɨ rɨ̀ ghɨ a ə̀dìì.

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

Efesùs 4:25

Əne tɨ mbə ghàə̀ mɨghab: Wə̀d mɔʼ mɔʼ rəbɔʼ na gha àmei wi rəsìʼ əmbɨ mbi bɔŋgɔb, ɨmbə̀ʼ ɨghəm nɨ mba mɨ̀jìm yɨə sɨ ɨsɨ ɨnyod rɨ ənɨ ə nyamnyod mɔʼ.

Efesùs 4:26

Mbə mɨ sə ɨtəm, tɨ mbə ben ə ni ɨsə ɨtəm we ghɨ ni mbə̀ ghɨ ənû rɨbɔ̀ŋ. Tɨ mbə̀ ben ə ni nyùmə̀ nyɨ ɨkòb nɨ mbə̀ə kɨrɨ sə ɨtəm.

Efesùs 4:29

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Efesùs 5:4

Zɨ rɨka kuʼi ni mbə̀ gham əbɔb ɨŋgam, gham mɨŋgam əneŋ kɨ̀ bè gham mɨŋgam ə̀bènɨ̀, àyɨə mbə naʼ məben-əwe əmbɨ ə Ŋwiə̀ ɨmbə̀ʼ ɨnû mbe nɨ wɨ̀ ghɨ ənɨ ə nən.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Kòlosè 3:9

Tɨ mbə̀ gha ə mɨghab əmbɨ mbə bɔŋgɔb, ɨmbə̀ʼ ɨghəm nɨ mbə fə waʼ nyamnyod ənun bə̀ waʼ ɨnû ənun mbe nɨ mbə̀ nyaʼə ghɨ̀ə̀.

1 Timotì 1:13

Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.

1 Timotì 1:20

Mbɨ mɔʼɔ rəbɔʼ mɨ̀mə̌d yɨə Haimenaùs mbɨ Àlèzandà. Mə fə sàŋ mɨ̀mə̌d ɨŋga tɨkyerɨ-ɨbɔ Satàn ɨmbə̀ʼ mbɨ kwembɨ ni zɨ rɨka bɔŋ i nɨ gha ɨŋgam rɨbɔ̀ŋ ɨmbə̀ʼ ə Ŋwiə̀.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Jems 2:7

Kaʼ à wa kɨ i mɨ̀mə̌d ə chə̀kɨ̀ ɨkum ɨwumnɨ we nɨ Ŋwìə̀ naʼ ɨ nən ə?

1 Pità 2:1

Mbə waʼ ɨnû rɨbɔ̀ŋ jìm, waʼ ɨnû nɨ fɨg bə̂d, waʼ ɨbekɨ ɨnû, waʼ ɨnû nɨ ghɨ ə̀dìì bə̀ waʼ ɨnû nɨ ghɨ mɨniə.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

2 Pità 2:7

Wɨ̀ nyaʼa bə̀ chɨ ə Lɔ̂t rəŋgəʼ. Lɔ̂t yɨə nyaʼə wə̀d chɔ̀m. Ɨ wɨə nyaʼə kàŋə̀ kə̀n ɨmbə̀ʼ ɨnyamnɨ-ɨnû mbe nɨ bə̂d mbe nɨ chəi mbɨ nyaʼə wumnɨ ə Ŋwiə̀ nyaʼə ghɨ̀ə̀.

Jûd 1:13

Mbɨ yɨ ɨghabɨ rɨ̀bàà nɨə kɔʼə swiʼə kwàʼ rɨ̀kǎ ghɨ̀ əjo. Əjo ze yɨ tɨ̀nìd ətu əmbɨ mɨ̀mə̌d. Mbɨ yɨ ɨghabɨ rɨtəmɨ te nɨə yènɨ̀ yenɨ, nɨ Ŋwìə̀ fə nuŋ əsɨ əmbɨ mɨ̀mə̌d ɨŋga ɨsɨ mbe nɨə finə kììm. Mbɨ bɨrɨ chub əŋgu koŋ.

Jûd 1:8

À yɨə bə̀ əndəŋ əndəŋ nɨ məchwiə̀-ɨnû mɨghab mbɔ̂ ə zə ɨnû mɔʼɔ ɨŋga tə njə̀m nɨə ghɨ̀ ni mbɨ fiinɨ tə nyamnyod, tə̀ə̀nɨ̀ ɨka Ŋwiə̀ bə̀ zɔ̀m ɨghɨ mbe nɨ mbɨə wumnɨ ɨkaŋ.

Ɨnû 16:9

Əzuʼ ə ka ka ze ə nyaʼa tɔ̀n bə̂d mbe, əne mbɨ nyaʼa zɔ̀m ɨkum Ŋwìə̀ we nɨ berɨ ɨka ɨgwɨ ə ŋgəʼ rɨ kǎ kǎ te, àyɨə chəi mbɨ nyaʼa beŋ tə fîŋ wumnɨ əməd.