Kòlosè 3:23 - Meta’

²³ Kɨ̀ à kɨ ɨkwɨ ə̀fàʼì wi, mbə̀ faʼ ənɨ tə fîŋ rɨjìm, ɨghabɨ ni mbə mbɨə fàʼ yeʼ əmbɨ Ə̀nùŋɨ̀sɨg, kaʼi əmbɨ ə bə̂d.

Ikan feg

²³ Kə̀ àzən àfàʼì kə aghə, mbə̀ ya fàʼà ane fìŋ ifibì. Mbə̀ niŋ gha mbə̰ ya fàʼà abə Anɔŋisəg, kayi abə wə̀d.

Kòlosè 3:23 교차 참조

Matìyò 6:16

“Ənɨ mbə̀ chub rɨ jɨg, tɨ mbə̀ ghɨ ə ɨghabɨ ə bə̂d nɨə kə̀nə̀, ɨchî nɨ ɨbekɨ bə̂d ə ghɨ̀ə̀. Ɨ mbɨə ŋgɨ̀ndɨ̀ tə rɨfě ɨmbə̀ʼ bə̂d zə ni ɨ mbɨə chubə rɨ jɨg. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Rm 14:6

Wə̀d we nɨ zə ni əni ə mɔʼɔ ə chè mbɨ cherə, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. We nɨə jɨg ɨghɨjìm, wɨə jɨg ɨmbə̀ʼ wumnɨ Ə̀nùŋɨ̀sɨg, ɨmbə̀ʼ ɨghəm nɨ mɨ̀mə̌d mɨjìm mbɨə nàʼə̀ məben-əwe əmbɨ ə Ŋwiə̀ ɨmbə̀ʼ ɨghɨjɨg mbe. We nɨ chəi wɨə jɨg ɨghɨjìm, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. Məd wɨə bə̀ nàʼə̀ məben-əwe əmbɨ Ŋwiə̀ ɨmbə̀ʼ ɨghɨjɨg mbe.

Rm 14:8

Tɨ̀ mɨ yeʼ ɨkǎ, tɨ̀ wɨ ɨka ɨmbə̀ʼ wumnɨ Ə̀nùŋɨ̀sɨg. Tɨ̀ mɨ kwɨ, tɨ̀ fə kwɨ ɨmbə̀ʼ wumnɨ Ə̀nùŋɨ̀sɨg. Əne tɨ̀ mɨ yeʼ ɨkǎ kɨ̀ tɨ̀ mɨ kwɨ, tɨ̀ yɨə bə̂d Ə̀nùŋɨ̀sɨg.

Efesùs 5:22

Məyi, mbə̀ zuunɨ mbə mɨnom ɨchî nɨ mbə̀ə zuunɨ Ə̀nùŋɨ̀sɨg,

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Pità 2:13

Ɨchî nɨ mbə̀ ben Ə̀nùŋɨ̀sɨg, mbə̀ zuunɨ bə̂d mɨ̀jìm mbe nɨ mbɨ nuŋ ɨgwɨ nən ni mbɨ tumbɨ əwən, kɨ̀ à kɨ ɨfɔ̂n kyeŋ nɨ yeʼ ɨgwɨ mɨfɔ̀n cherə,

1 Pità 2:15

Ŋwìə̀ nyaʼa kə̀b yeʼ ni mbə̀ ghɨ ɨnû nɨ kuʼnɨ ɨmbə̀ʼ kubrɨ mɨchû ɨneŋ bə̂d mbe nɨə ghà ɨnû nɨ chəi mbɨ kyerɨ.