Kòlosè 3:22 - Meta’

²² Ɨ̀bòʼò, mbə̀ zuunɨ mbə mɨ̀mbǎʼ ə̀fàʼì mbe rɨ ɨgwɨ ə si ənɨ ɨnû jìm. Tɨ mbə̀ zuunɨ ə mɨ̀mə̌d àmei ənɨ mbɨə neŋ əwən, ɨmbə̀ʼ mbɨ ghaʼ əwən. Mbə̀ faʼ əmbɨ mɨ̀mə̌d ənɨ tə fîŋ rɨ̀jìm, fàʼə̀ bɔ Ə̀nùŋɨ̀sɨg.

Ikan feg

²² Mbə̰ məfeg, mbə̀ ya zùgrə bəd mbe ne mbə̰ mbe fàʼà inɔb igun isəg kwàʼ ane inug ijìm. Imbə̀ʼ mbə̰ ya zùgrə awən awɔb məyi anyumə̀ ne mbɔb mbe nḛ̀ awən imbə̀ʼ icheg ne mbə̰ mbe kə̀bə̀ gha mbɔb ya gyḛ̀ awən. Mbə̀ ya zùgrə awɔb kwàʼ ane fìŋ zḛ zḛ imbə̀ʼ icheg ne à ya ighumni ne mbə̰ mbe nàʼà abə Anɔŋisəg.

Kòlosè 3:22 교차 참조

Matìyò 6:22

“Ɨghə yɨ ənam əmbɨ nyamnyod. Əne, e ɨghə mɨ yeʼ wɨ chɔ̀m, e nyamnyod jìm bɨrɨ zeŋ.

Matìyò 8:9

Mɔ̌ bə̂, mə wɨ əton mɨ̀sɔgyɨ̀ kyeŋ, mbɨ mɨ̀sɔgyɨ̀ cherə əton num. Mə mɨ ghà əmbɨ wɨ fìbɨ̀ ni, 'Wo ə', wɨ̀ bə̀ wò. Mə mɨ ghà əmbɨ wɨ cherə ni, 'Yeʼe', wɨ̀ bə̀ yeʼe. Mə mɨ ghà əmbɨ mɨ ə̀bòʼò ni, 'Faʼ ə̀fàʼì zɔ̂', wɨ̀ bə̀ fàʼ.”

Lk 6:46

“Mbə̀ kɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg', àyɨə chəi mbə̀ə ghɨ̀ ɨnû mbe nɨ mɨə gha ɨ nən ɨmbə̀ʼ ə ye ə?

Lk 7:8

Mɔ̌ yɨə mbaŋə̀ əton mɨ̀sɔgyɨ̀ kyeŋ. Mə bə̀ berɨ mɨ̀sɔgyɨ̀ əton num. Mə mɨ ghà əmbɨ wɨ mɔʼɔ ni, 'Wo ə!', wɨ̀ bə̀ wò. Mə mɨ bə̀ ghà əmbɨ wɨ cherə ni, 'Yeʼe!', wɨ bə̀ yeʼe. Mə mɨ ghà əmbɨ mɨ wə̀d ə̀fàʼì ni, 'Faʼ ə̀fàʼì zɔ̂!', wɨ̀ bə̀ fàʼ.”

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Gàlesìyà 1:10

Mə̀ kɨə kə̀bə̀ ni bə̂d gha ni mə bɔ̀ŋ, kɨ̀ ni Ŋwìə̀ gha ni mə bɔ̀ŋ ə? Kɨ̀ mə̀ kɨə kə̀b ghɨ ni fîŋ rɨ bə̂d bɔŋ ə? Mə mɨ yeʼə kɨrɨ kəb nɨ ghɨ ni bə̂d gha ni mə bɔ̀ŋ, njɨ ka mɔ̌ yɨ əmɨ wə̀d ə̀fàʼì Kristo.

Kòlosè 3:20

Bɔn, mbə̀ zuunɨ mbə mɨ̀mbǎʼ bə̀ zuunɨ mbə mɨ̀nɨ̌ŋ ənɨ ɨnû jìm, ɨmbə̀ʼ ɨghəm nɨ əze ə bɔ̀ŋ əmbɨ Ə̀nùŋɨ̀sɨg.

1 Tèsàlonikà 2:4

Tɨ̀ wɨə ghà àmei ɨchî nɨ Ŋwìə̀ kəbɨ ni tɨ̀ ghamə. Wɨ̀ fə nèŋ əwa zə ni tɨ̀ kùʼ ni wɨ̀ saŋ ɨkə̂n chɔ̀m wɔ̂ ɨŋga ta rɨkyerɨ-ɨbɔ. Chəi tɨə ghà ɨmbə̀ʼ ghɨ ni fîŋ rɨ bə̂d bɔŋə. Tɨ̀ wɨə ghàə̀ yeʼ ɨmbə̀ʼ fîŋ Ŋwìə̀ we nɨ kyerɨ ta rɨkɔndɨ bɔŋə.

Filemɔ̀n 1:16

Chəi à bɨrɨ wɨrɨ nɨŋ əməd ɨghabɨ ə̀bòʼò. À bɨrɨ nɨŋ əməd ɨghabɨ wə̀d nɨ chè ə̀bòʼò. Məd yɨ aŋgɔb nɨ tɨ̀ ghaʼi kwàʼ rɨŋgəʼ. Mə ghaʼ əməd, àyɨə mə kyerɨ ni à ghaʼ əməd chè əmɨ. Ghaʼ əməd ɨghabɨ ə̀bòʼò fɔrɨ ɨghabɨ aŋgɔb ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg.