Kòlosè 2:1 - Meta’

¹ Mə wɨə kə̀bə̀ ni mbə̀ kyerɨ ni mə wɨə fàʼ rɨka ɨmbə̀ʼ əwən, ɨmbə̀ʼ bə̂d mbe rɨ ə Laodisià, fɔrɨ ɨmbə̀ʼ bə̂d mɨjìm mbe nɨ chəi mbɨ kyerɨ əmɨ.

Ikan feg

¹ Mə kə̀b gha mbə̀ kyeri icheg ne mə kìrə ika fàʼà imbə̀ʼ awən bə̀ fɔrɔ imbə̀ʼ bəd Kristo mbe a Làwùdisìyà fɔrɔ imbə̀ʼ bəd məjìm ne chəyi mbi bi kiri bari amə.

Kòlosè 2:1 교차 참조

Lk 22:44

Ɨchî nɨ wɨ̀ nyaʼa ɨŋga ŋgəʼ kyeŋ, wɨ̀ nyaʼa jeŋgɨ kɔ̀ŋgɨ̀ ə Ŋwiə̀ ənɨ i fîŋ jìm. Mɨnimə məd mbɨə nyaʼə chəmbɨ ə si ɨghabɨ ənəm.]

Ɨ̀fàʼì 20:25

“Əne tɨ̀nîn mə kyerɨ ni chəi wə̀d mɔʼɔ rəkaʼ mbə̀n mbe nɨ nyaʼə yènə̀ ghà ɨŋgam ɨmbə̀ʼ ənû ɨfɔ̀n ə Ŋwiə̀ bɨrɨ wɨrɨ zə əmɨ.

Ɨ̀fàʼì 20:38

Mbɨ nyaʼa kàŋ kə̀n əku ɨmbə̀ʼ ɨŋgam we nɨ wɨ̀ nyaʼa ghà əmbɨ mɨ̀mə̌d ni chəi mbɨ bɨrɨ nɔ wɨrɨ zə əwi. Mbɨ nyaʼa ghɨ əne, nɨŋ əməd wò chà ɨŋga əbaŋ ɨgyɨ̀.

Gàlesìyà 4:19

Mbɨ bɔn nɨ mə̀ ghaʼi kwàʼ rɨŋgəʼ, mə wɨə yɨə zu rɨbuʼ ɨghabɨ əyi nɨə nombɨə. Mə bɨrɨ zu əne pè ənɨ mbə̀ yeʼ ɨghabɨ ə Kristo.

Fìlipì 1:30

Mbə mbɨə zɔ̀ŋə̀ tɨ̀nîn mbɨ ə bə̂d pə̀n àmei ɨchî nɨ mə̀ nyaʼə bə̀ zɔ̀ŋə̀. Mbə̀ mbɨə zuə ni mə wɨə bə̀ kɨrɨ zɔŋə̀.

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Kòlosè 1:29

Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

Kòlosè 2:5

Ka à bè yeʼi ni chəi əmɨ mbɨ nən ənɨ nyamnyod, àyɨə mə wɨ mbɨ nən ənɨ əzwî. Mə wɨə ghaʼə nɨ zə ni mbə mbɨə chub ɨchî ɨ̀chɔ̀m bə̀ ghaʼə nɨ zə ni mbə berɨ ɨbenɨ nɨ kaanɨ ɨgun ə Kristo.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”