Kòlosè 1:14 - Meta’

¹⁴ À yɨə məd nyaʼa choʼ mba ɨtu bə̀ waʼ mba ɨnû rɨbɔ̀ŋ.

Ikan feg

¹⁴ À ya Ŋwan məd we ghi Ŋwiye zèri awa chì inga ngəʼ icheg ne wì waʼi ìmba inug tibɔ̀ŋ.

Kòlosè 1:14 교차 참조

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Lk 5:20

Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ ə mbaŋə̀ ze ni, “Mɨ sə̀ʼ, mə fə waʼ mbe ɨnû rɨbɔ̀ŋ.”

Ɨ̀fàʼì 10:43

Bə̂d ɨkə̂n Ŋwiə̀ mɨjìm mbɨə nyaʼə ghà ɨnû ɨmbə̀ʼ əməd ni Ŋwìə̀ bɨrɨ chè ənjìm məd, waʼ ɨnû rɨbɔ̀ŋ wə̀d jìm we nɨ nuŋ fîŋ ɨgwɨ məd.”

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Efesùs 4:32

Àyɨə mbə ghɨ ɨ̀chɔ̀m ənɨ mbə bɔŋgɔb, berɨ ɨbɔtɨ fîŋ bə̀ waʼ ɨnû rɨbɔ̀ŋ mbə bɔŋgɔb, ɨchî nɨ Ŋwiə̀ fə che ənjìm ə Kristo waʼ mba ɨnû rɨbɔ̀ŋ.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Kòlosè 2:13

Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo.

Kòlosè 3:13

Əne mbə̀ yim fîŋ mbənə mbənə bə̀ waʼ tɨ̀gurɨ-ɨnû wə̀d we nɨ gu ənû əmbɨ aŋgɔb. Ɨchî nɨ Ə̀nùŋɨ̀sɨg fə waʼ mbə ɨgu ɨnû, əne bə̂, mbə berɨ bɨ waʼ mbɨ bə̂d cherə.

1 Timotì 2:6

Wɨ̀ nyaʼa nàʼ i ɨnyod ənɨ əghɨ ə̀fà ɨmbə̀ʼ choʼ ɨtu bə̂d mɨjìm. Əzɔ̂ yɨ ənweenɨ ni ənɨ ə nyùmə̀ nyaʼa kuʼu, Ŋwiə̀ nyaʼa kə̀b ni bə̂d mɨ̀jìm jwɨ rəŋgəʼ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 9:12

Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

Mə̀Hibrù 9:22

À yɨ rəsìʼ ni ə zɨ ɨŋga rɨkə ni à bùʼ àmei rɨpiî ənəm ə zeŋnɨ ɨghɨjìm. Ənəm ə mɨ ton chəmbɨ i, chəi mbɨ bɨrɨ waʼ ɨnû rɨbɔ̀ŋ bə̂d.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Jɔn 1:9

Tɨ̀ mɨ ben mba ɨnû rɨbɔ̀ŋ, njɨ məd we nɨə ghɨ̀ ɨnû mbe nɨ wɨ̀ kaʼi bə̀ ghɨ̀ mbe nɨ kuʼnɨ, bɨrɨ waʼ mba ɨnû rɨbɔ̀ŋ bə̀ zeŋnɨ əwa rɨ ənɨ ta rɨ̀gùrɨ-ɨnû jìm.

1 Jɔn 2:12

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ Ŋwìə̀ fə waʼ mbə ɨnû rɨbɔ̀ŋ ɨmbə̀ʼ ə Kristo.

1 Jɔn 2:2

Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 14:4

Bə̂d mbɔ̂ yɨə mbe nɨ chəi mbɨ fiinɨ ə ɨnyod mbɨ məyi, ɨmbə̀ʼ ɨghəm nɨ chəi mbɨ nyaʼa kɨrɨ ni məyi. À yɨə bə̂d mbɔ̂ ə beenɨ əbɔʼ Wan njɨ̀g ɨsɨ jìm mbe nɨ wɨə wòə̀. Mbɨ fə choʼ mɨ̀mə̌d rəkaʼ ə̀bùʼ ə bə̂d mbe rɨ ɨgwɨ ɨsɨg əne nàʼ əmbɨ ə Ŋwiə̀ fɔrɨ əmbɨ ə Wan njɨ̀g ɨghabɨ ɨghɨ rɨtu nɨ mbɨ kwəŋɨ.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.