Kòlosè 1:10 - Meta’

¹⁰ Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Ikan feg

¹⁰ Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 1:10 교차 참조

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Rm 1:13

Mbɨ bɔŋgɔb, mə kə̀b ni mbə̀ kyerɨ ni mə wɨə nyaʼə kàŋə̀ kə̀b nɨ yeʼe əsɨ nən ɨghəm nɔnɔʼ, àyɨə ɨnû mɔʼɔ nyaʼa kən əmɨ. Mə nyaʼa kəb yeʼe ɨmbə̀ʼ mə̀ ghɨ ni bə̂d mɔʼɔ rəkaʼ nən ben ə Ŋwiə̀, àmei ɨchî nɨ mə nyaʼa bə̀ ghɨ̀ əkaʼ bə̂d cherə mbe nɨ kaʼi mɨ̀Jû.

Rm 4:12

Abràham yɨə bə̀ ə mbǎʼ kyeŋ əmbɨ ə bə̂d mbe nɨ mbɨ ne mɨ̀mə̌d. Ka àmei ni mbɨ fə ne mɨ̀mə̌d, à yɨə bə̂ ni ɨ mbɨə beenɨ əbɔʼ ɨbenɨ we nɨ a mbǎʼ kyeŋ Abràham nyaʼa berɨ bɔŋ mbɨ nyaʼa sɨə ne əməd.

Rm 6:4

Əne tɨ̀ nyaʼa fə kwɨ mbɨ tweŋ əwa mbɨ məd ɨchî nɨ tɨ̀ nyaʼa nɨŋ mɨnib, ɨmbə̀ʼ ɨchî nɨ mbɨ nyaʼa zwemnɨ ə Kristo ənjìm ɨwumnɨ Mbǎʼ, əne bə̂ tɨ̀ bɨrɨ bɨ yen ɨŋga ɨ̀tènɨ̀ fi.

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

2 Kɔrèn 5:9

Əne, kɨ̀ tɨ kɨ ɨŋga nyamnyod zɔ̂, kɨ̀ ənɨ tɨ fə saŋ nyamnyod zɔ̂, ənû nɨ tɨ̀ kə̀bɨ yɨ ni fîŋ Ə̀nùŋɨ̀sɨg bɔŋ ə.

2 Kɔrèn 9:8

Ŋwiə̀ we tɨ̀ wɨ̀ nàʼ ɨghɨjìm ɨ nən chè mbe nɨ mbə̀ kəbɨ, ɨmbə̀ʼ mbə̀ berɨ ɨghɨjìm ənɨ mɨ̀nyùmə̀ jìm ɨmbə̀ʼ mbə̀ bɨ nàʼ ni mbɨ ghɨ̀ ɨnû chɔ̀m əŋgu.

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Efesùs 4:13

wò pè ənɨ mba mɨjìm bɨrɨ fɔtɨ sɨ wə̀d mɔʼ ənɨ a ɨbenɨ, bə jeŋgɨ kyerɨ Wan Ŋwìə̀, bə̀ kwi kuʼ sɨ ɨghabɨ ə Kristo.

Efesùs 5:10

Mbə̀ kywɨ ənywɨ kwembɨ ənû ze nɨ bɔŋ əmbɨ Ə̀nùŋɨ̀sɨg ɨmbə̀ʼ sɨə ghɨ̀ə̀.

Efesùs 5:15

Əne mbə we ɨchî nɨ mbə̀ə chubə. Tɨ mbə̀ chub ə ɨghabɨ ɨneŋ. Mbə̀ chub ɨghabɨ ə bə̂d ɨwe.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Fìlipì 4:18

Mə fə berɨ ɨghɨjìm mbe nɨ mə nyaʼa kwaŋɨ mbɨ nɔʼ chè. Mə fə berɨ ɨghɨjìm mbe nɨ mə̀ kwaŋɨ tɨ̀nîn nɨ Èpàfroditùs fə naʼ ɨkab we nɨ mbə̀ tom ɨ num. Ɨkab we yɨ ɨghabɨ ɨghɨ ə̀fà nɨə nyùʼrɨ ɨfɔ chɔ̀m əne ghɨ̀ə̀ ni fîŋ Ŋwìə̀ bɔŋ ə.

Kòlosè 2:19

Chəi mɨ̀mə̌d ə wɨrɨə beenɨ əbɔʼ Kristo we nɨ yeʼ ətu rɨ ənɨ ə nyamnyod mɨ̀mə̌d. Nyamnyod ze yɨ ɨfetɨ bə̂d Kristo. À yɨə Kristo ə jəə nyamnyod ze. À yɨə məd ə fɔtɨ ɨsɨ ɨnyod mbe nɨ gumə, bə̀ fɔtɨ rɨnye tɨ kwiə ɨchî nɨ Ŋwiə̀ kəbɨ.

Kòlosè 2:6

Ɨchî nɨ mbə̀ fə ben ni Kristo Yeso yɨ Ə̀nùŋɨ̀sɨg, əne mbə̀ wo ɨmbì chub ənɨ ənû ə mɔʼ mbɨ məd.

Kòlosè 3:20

Bɔn, mbə̀ zuunɨ mbə mɨ̀mbǎʼ bə̀ zuunɨ mbə mɨ̀nɨ̌ŋ ənɨ ɨnû jìm, ɨmbə̀ʼ ɨghəm nɨ əze ə bɔ̀ŋ əmbɨ Ə̀nùŋɨ̀sɨg.

Kòlosè 4:5

Mbə̀ we əwən ɨchî nɨ mbə̀ə ghɨ̀ə̀ mbɨ ə bə̂d mbe nɨ kaʼi bə̂d Kristo. Mbə̀ nɨŋ əpan ze nɨ mbə̀ berɨ fàʼ mbɨ mɨ̀mə̌d ɨchî chɔ̀m.

1 Tèsàlonikà 2:12

Tɨ̀ wɨə nyaʼə tìmbɨ̀ əwən, nəərɨə əwən bə̀ ghà ɨ nən ni mbə̀ chub ɨchî nɨ bɨrɨ ghɨ ni fîŋ Ŋwìə̀ bɔŋə. À yɨə məd tɔŋ əwən ni mbə̀ yeʼe nyɨ ɨŋga ənû ɨfɔ̀n əməd fɔrɨ ɨŋga ɨwumnɨ məd.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.

2 Timotì 2:4

Chəi sɔgyɨ̀ mɔʼɔ nɨ kɨrɨ ənɨ ə̀fàʼì nɨ tɨ̀ wɨ̀ zɨ mbi ɨbɔ ɨŋga ɨnû rɨŋga əbeŋ, ɨmbə̀ʼ ɨghəm nɨ wɨ̀ berɨ fàʼ ɨmbə̀ʼ ghɨ ni wə̀d kyeŋ məd ghaʼ əməd.

Tayitùs 3:1

Nɔɔrɨ ətu bə̂d Kristo mbe rɨ ə Kret ni mbɨ zuunɨ bə̂d mbe nɨə tùmbɨ̀ mɨ̀mə̌d bə̀ zuunɨ mbe nɨ berɨ ɨka ɨgwɨ mɨ̀mə̌d. Tɨ mbɨ ghɨ ə rɨ̀zuə̀ əmbɨ mɨ̀mə̌d. Mbɨ tekɨ ɨnyod nɨ kɨə ghɨ̀ ɨ̀chɔ̀m.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

Mə̀Hibrù 11:5

À yɨ ɨbenɨ nyaʼa ghɨ ni Ŋwìə̀ nɨŋ ə Enɔ̀k ɨkaŋ nɨ chəi wɨ̀ nyaʼa kɨrɨ kwɨ. Chəi ənɨ tɨ̀ mbɨ nyaʼa wɨrɨ zə əməd, ɨmbə̀ʼ ɨghəm nɨ Ŋwìə̀ nyaʼa fə nɨŋ əməd. Bɔŋ Ŋwìə̀ nyaʼa sɨə nɨŋ əməd, bə̂d nyaʼa ben ni məd wɨə nyaʼə ghɨ̀ə̀ ni fîŋ Ŋwìə̀ bɔ̀ŋ ə.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

2 Pità 1:8

Mbɔ̂ yɨ ɨnû mbe nɨ mbə̀ berɨ ghɨ̀. Mbə mɨ ghɨ̀ əne wò ɨmbì, mbə bɨrɨ fə fàʼ ɨchî chɔ̀m bə̀ ghɨ̀ ɨnû chɔ̀m nɔnɔʼ. Əze ə chwi ni kaʼi ətu ə̀kǒ nɨ mbə̀ kyerɨ a Ə̀nùŋɨ̀sɨg Yeso Kristo.

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.

1 Jɔn 3:22

Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

3 Jɔn 1:6

Mbɨ fə ghà əmbɨ ɨfetɨ wɨ rɨ əgha ɨmbə̀ʼ ɨchî nɨ àwɔ̀ ə ghaʼə bə̂d. À bɨrɨ fə kàŋ ghɨ̀ ənû ə chɔ̀m əwù ze nɨ à naʼ ɨghɨ mbe nɨ mbɨ kəbɨ ənɨ mbɨə sɨə wɨrɨə wò ə. Əze ə bɨrɨ kaŋ bɔ̀ŋ əmbɨ ə Ŋwìə̀,