Jn 9:35 - Meta’

³⁵ Ənɨ Yeso nyaʼa zu ni mbɨ fə fid mbaŋə̀ ze rɨŋga nəb ə̀kàtɨ̀, wɨ̀ nyaʼa wo kə̀b əməd zə, biirɨ ɨ bɔ ni, “À ben Wan Wə̀d ə?”

Ikan feg

³⁵ Yeso ya zug gha, mbe kàmni wə̀d we chì inga ichamì Ŋwiye, wì ghò kə̀b aməd, bàd. Wì ya bàd aməd ane, ghà ibo gha, “Àghò zì ìwe ibḛfiŋ igun Ŋwan Wə̀d?”

Jn 9:35 교차 참조

Matìyò 14:33

Bə̂d mbe nɨ nyaʼa ɨŋga əbaŋ ɨgyɨ̀ ze nyaʼa wumnɨ əməd, ghàə̀ ni, “À yɨ rəsìʼ ni àwɔ̀ yɨə kàŋ ə Wan Ŋwiə̀.”

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 4:3

Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 1:34

Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 11:27

Màta nyaʼa wììrɨ̀ ɨ bɔ ni, “Ee, kyɨ Ə̀nùŋɨ̀sɨg, mə ben ni àwɔ̀ yɨə Wə̀d we nɨ Ŋwìə̀ zɔʼɔ, bə̀ ben ni àwɔ̀ yɨə Wan Ŋwìə̀ we nɨ nyaʼa wo yeʼe ɨŋga ɨsɨg.”

Jn 20:28

Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 5:14

Ənɨ əmad ə nyaʼa zombɨ, Yeso nyaʼa zə mbaŋə̀ ze nɨ wɨ̀ kə̀ʼ vɨ̀ əməd ɨŋga mbàn Ŋwìə̀, əne wɨ̀ nyaʼa ghà ɨ bɔ ni, “Zə, à fə bɔtɨ e! Tɨrə̀ wɨrɨ ghɨ e ənû rɨbɔ̀ŋ, ɨmbə̀ʼ tɨ ənû nɨ bə chè əzɔ̂ ə nyɨ i ɨgwɨ ne.”

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Jn 9:22

Mbǎʼ mbɨ ɨŋgɔb mbaŋə̀ ze nyaʼa ghà əne ɨmbə̀ʼ ɨghəm nɨ mbɨ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, ɨmbə̀ʼ ɨghəm nɨ mbɨ nyaʼa fə nùŋ ni mbə bɨrɨ fid wə̀d mɔʼɔ we nɨ ben ni Yeso yɨə Wə̀d we nɨ Ŋwìə̀ zɔʼɔ rɨŋga nəb ə̀kàtɨ̀.

Jn 9:34

Mbɨ nyaʼa wììrɨ̀ ɨ bɔ ni, “Mbɨ nyaʼa gywɨ əwe à kwi ɨŋga ɨnû rɨbɔ̀ŋ əne à wa bɨrɨ chwi ɨnû ɨ na ə?” Mbɨ nyaʼa ghà əne, fid əməd tɨ ɨŋga nəb ə̀kàtɨ̀ ze.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Ɨ̀fàʼì 8:37

Filip nyaʼa ghà ni, “À mɨ ben ə Yeso Kristo ənɨ e fîŋ jìm, mə we tɨ̀ mə nàʼ mɨnib ɨ ne.” Wə̀d kyeŋ we nyaʼa wììrɨ̀ ni, “Mə ben ni Yeso Kristo yɨə Wan Ŋwìə̀.”]

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

Rm 10:20

Aizayà nyaʼa berɨ fîŋ nɨ kǎ ɨchî nɨ wɨ̀ nyaʼa gha ni, “Bə̂d mbe nɨ chəi mbɨ nyaʼə kəb əmɨ fə zə əmɨ. Mə fə chwi mɨ ɨnyod əmbɨ ə bə̂d mbe nɨ chəi mbɨ nyaʼə biirɨ əmɨ.”

1 Jɔn 4:15

Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

1 Jɔn 5:10

Wə̀d we nɨ ben Wan Ŋwìə̀ fə bə̀ ben ənû ze nɨ Ŋwìə̀ ghǎ. We nɨ chəi wɨ̀ ben ənû ze nɨ Ŋwìə̀ ghǎ ɨmbə̀ʼ i Wan wɨə ghàə̀ ni Ŋwìə̀ yɨə wə̀d mɨghab, ɨmbə̀ʼ ɨghəm nɨ chəi məd ben ənû ze nɨ Ŋwìə̀ ghǎ ɨmbə̀ʼ i Wan.

1 Jɔn 5:13

Mə wɨə ŋwàʼnɨ̀ ənû zɔ̂ ɨ nən, mbə̀n mbe nɨ ben Wan Ŋwìə̀, ɨmbə̀ʼ mbə̀ kyerɨ ni mbə bɨrɨ jɨg ɨ̀tènɨ̀ rɨ mì.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

1 Jɔn 5:5

À kɨə we nɨ tɨ̀ wɨ̀ baŋ ɨsɨg ə? Àmei wə̀d we nɨ ben ni Yeso yɨə Wan Ŋwìə̀.

3 Jɔn 1:10

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.