Jn 9:22 - Meta’

²² Mbǎʼ mbɨ ɨŋgɔb mbaŋə̀ ze nyaʼa ghà əne ɨmbə̀ʼ ɨghəm nɨ mbɨ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, ɨmbə̀ʼ ɨghəm nɨ mbɨ nyaʼa fə nùŋ ni mbə bɨrɨ fid wə̀d mɔʼɔ we nɨ ben ni Yeso yɨə Wə̀d we nɨ Ŋwìə̀ zɔʼɔ rɨŋga nəb ə̀kàtɨ̀.

Ikan feg

²² Mbaʼ məd tì ngɔb məd ya ghàm anìŋ imbə̀ʼ icheg ne mbi yaya bɔ itog bəd mə̀Ju. Itog bəd mə̀Ju ya fə sìb gha, wə̀d ne biri bḛ gha, Yeso ya Wə̀d we ne Ŋwiye zɔ̀ʼi, mbi biri kamni aməd chì inga ichamì Ŋwiye.

Jn 9:22 교차 참조

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Jn 1:19

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Jn 16:2

Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Jn 19:38

Ənɨ ənû ze ə nyaʼa chě, Jòsêf rɨ ə Àrimàtiyà nyaʼa wò biirɨ əmbɨ Pailèt ni wɨ̀ saŋ i tə wò swi əvɨ ə Yeso nɨŋ wò. Pailèt nyaʼa benɨ. Əne wɨ̀ nyaʼa wò swi əvɨ ze nɨŋ wò. (Jòsêf yɨ nyaʼə ə̀mə̀ə̀nɨ̀-ɨnû Yeso ənjìm ənjìm ɨmbə̀ʼ ɨghəm nɨ ɨ wɨ̀ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû.)

Jn 20:19

À nyaʼa ɨkwirɨ kwirɨ əni ə Sɔndè ze, mə̀mə̀ə̀nɨ̀-ɨnû mbe nyaʼa fetɨ ɨŋga nəb mɔʼɔ. Mbɨ nyaʼa fə fə̀n mɨchû nəb ɨmbə̀ʼ ɨghəm nɨ ɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû. Mbɨ nɨ zə, Yeso sàʼ jwɨ̀ təm əkaʼ mɨ̀mə̌d ghà əmbɨ mɨ̀mə̌d ni, “Mbə̀ chub ənɨ əbɔrəbɔd.”

Jn 7:13

Àyɨə chəi wə̀d mɔʼɔ nyaʼa gha ɨnû ɨmbə̀ʼ əməd əsaŋ əsaŋ, ɨmbə̀ʼ ɨghəm nɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû.

Jn 9:18

Chəi bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ben ni mbaŋə̀ ze nyaʼa fɨ̀gə̀, əne ɨ wɨə sɨə zə ɨsɨ, pè ənɨ mbɨ nyaʼa tɔŋ mbǎʼ məd mbɨ ɨŋgɔb məd.

Jn 9:21

Àyɨə chəi tɨ̀ kyerɨ ɨchî nɨ zɨə yeʼ ni ɨ wɨə sɨə zə ɨsɨ rɨ̀nîn, kɨ̀ bè kyerɨ wə̀d we nɨ ghɨ̀ ni wɨ̀ kɔ zə ɨsɨ. Mbə̀ biirɨ ɨ bɔ. Wɨ̀ fə sɨ i mbaŋə̀, wɨ̀ bɨrɨ wiirɨ i ɨŋgam ziə.”

Jn 9:34

Mbɨ nyaʼa wììrɨ̀ ɨ bɔ ni, “Mbɨ nyaʼa gywɨ əwe à kwi ɨŋga ɨnû rɨbɔ̀ŋ əne à wa bɨrɨ chwi ɨnû ɨ na ə?” Mbɨ nyaʼa ghà əne, fid əməd tɨ ɨŋga nəb ə̀kàtɨ̀ ze.

Jn 9:35

Ənɨ Yeso nyaʼa zu ni mbɨ fə fid mbaŋə̀ ze rɨŋga nəb ə̀kàtɨ̀, wɨ̀ nyaʼa wo kə̀b əməd zə, biirɨ ɨ bɔ ni, “À ben Wan Wə̀d ə?”

Ɨ̀fàʼì 4:18

Ənɨ mbɨ nyaʼa ghà əne, mbɨ nyaʼa wɨrɨ tɔŋ ə Pità mbɨ Jɔ̌n, patɨ mɨ̀mə̌d ni tɨ mbɨ tɔ gha ə ənû ə mɔʼɔ kɨ̀ bè chwi ənû ə mɔʼɔ ənɨ ɨkum Yeso.

Ɨ̀fàʼì 5:13

Chəi wə̀d mɔʼɔ rɨ ɨsɨg nɨ tɨ̀ wɨ̀ nyaʼa yim fîŋ fɔtɨ əbɔʼ mɨ̀mə̌d, àyɨə ɨ mbɨə nyaʼə wumnɨ mɨ̀mə̌d kwàʼ rɨŋgəʼ.

Ɨ̀fàʼì 5:40

Mə̀saʼ əbeŋ mbe nyaʼa zu ɨkə Gàmalièl. Ənɨ mbɨ nyaʼa wɨrɨ tɔŋ bə̂d tom mbe, mbɨ nyaʼa te mɨ̀mə̌d ənɨ ə ŋgwad, patɨ mɨ̀mə̌d ghà ni tɨ mbɨ tɔ gha ə ənû ə mɔʼɔ ənɨ ɨkum Yeso. Mbɨ nyaʼa ghɨ̀ əne sàŋ mɨ̀mə̌d mbɨ wò əwən.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”