Jn 8:42 - Meta’

⁴² Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Ikan feg

⁴² Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Jn 8:42 교차 참조

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 12:49

Chəi mə̀ gha ɨnû mbɔ̂ ənɨ mɨ ɨghəm. Mɨ Mbǎʼ ziə we nɨ nyaʼa tom əmɨ fə nàʼ ɨkə ɨ num ɨmbə̀ʼ ənû ze nɨ mə berɨ nɨ ghà bə̀ ghàm.

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Jn 14:10

Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.

Jn 16:30

Tɨ̀ fə kyerɨ tɨ̀nîn ni à kyerɨ ɨnû jìm, əne chəi əton nɨ tɨ̀ wə̀d mɔʼɔ wɨrɨ biirɨ ənû ɨ ne. Əzɔ̂ ə fə ghɨ̀ tɨ̀ ben ni à yɨə Ŋwìə̀ nyaʼa tom əwe.”

Jn 17:25

Mbǎʼ nɨə ghɨ̀ ɨnû ɨchî nɨ kuʼnɨ, chəi ɨsɨg kyerɨ əwe, àyɨə mə kyerɨ əwe. Bə̂d mbɔ̂ nɨ à nyaʼa naʼ ɨ num kyerɨ ni à yɨ àwɔ̀ nyaʼa tom əmɨ.

Jn 17:8

Mə fə ghà ɨkə̂n we nɨ à nyaʼa ghà ɨ num ni mə̀ gha əmbɨ mɨ̀mə̌d. Mbɨ fə zu bə̀ kyerɨ ənɨ rəsìʼ ni à yɨ àwɔ̀ nyaʼa tom əmɨ. Mbɨ fə bə̀ ben ni à yɨ àwɔ̀ nyaʼa tom əmɨ.

Jn 3:17

Ŋwìə̀ nyaʼa tom i Wan ɨŋga ɨsɨg, kaʼi ni wɨ̀ zɨ ɨsaʼi ɨgwɨ ə bə̂d rɨŋga ɨsɨg, àyɨə ni bə̂d rɨŋga ɨsɨg mbe tɨ̀ mbɨ chè ənjìm məd jwɨ̀ rəŋgəʼ.

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Jn 5:43

Mə fə yeʼe ənɨ ɨkum mɨ Mbǎʼ, əne chəi mbə̀ nɨŋ əmɨ, àyɨə wə̀d mɔʼɔ mɨ yeʼe ənɨ i ɨghəm, mbə bɨrɨ nɨŋ əməd.

Jn 8:14

Yeso nyaʼa wììrɨ̀ ni, “Kaʼ mə bè yeʼə ghà əmɨ ɨmbə̀ʼ mɨ ɨnyod mɔ̌ mɔ̌, ənû ze nɨ mə̀ ghàə̀ yɨ ənû rəsìʼ, ɨmbə̀ʼ ɨghəm nɨ mə kyerɨ əsɨ ze nɨ mə nɔʼ rəŋgu bə̀ kyerɨ əze nɨ mɨə wò əŋgu, àyɨə chəi mbə̀ kyerɨ əsɨ ze nɨ mə̀ nɔʼ rəŋgu kɨ̀ əze nɨ mɨə wò əŋgu.

1 Kɔrèn 16:22

À mɨ yeʼ nɨ chəi wə̀d mɔʼɔ ghaʼ Ə̀nùŋɨ̀sɨg, ndɔ̀n yɨ zɨ məd. A Ə̀nùŋɨ̀sɨg, yeʼe!

Gàlesìyà 4:4

Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.