Jn 8:37 - Meta’

³⁷ Mə kyerɨ ni mbə̀ yɨə bɔn tɨ ənɨ əghaŋ ə Abràham, àyɨə mbə mbɨə kə̀b zwiirɨ əmɨ ɨmbə̀ʼ ɨghəm nɨ chəi ɨnû mbe nɨ mɨə ghàə̀ kɨrɨ nyɨ ɨŋga mbə ɨtu.

Ikan feg

³⁷ Mə kyèri gha mbə̰ ya bɔn ane aghaŋ inəbi Abràham. Si ya gha, mbə̰ mbe chùʼrə nyɔd ni zweti amə imbə̀ʼ icheg ne, chəyi mbə̰ mbe bḛ inug mbe ne mə chwìte.

Jn 8:37 교차 참조

Matìyò 13:15

ɨmbə̀ʼ ɨghəm nɨ fîŋ tɨ bə̂d mbɔ̂ fə tu, mbɨ fə zìndɨ̀ mbə ɨ̀tǒŋ bə̀ kubrɨ ə əghə. Njɨ mbɨ bɨrɨ zə ənɨ ə əghə, kɨ̀ ɨ̀tǒŋ mɨ̀mə̌d zu ənû, kɨ̀ fîŋ tɨ mɨ̀mə̌d kyerɨ ənû, mbɨ wɨrɨ bə̀ndɨ̀ yeʼe əsɨ num, mə vɨ̀ mɨ̀mə̌d.'

Matìyò 3:9

Tɨ mbə̀ kɔndɨ əwən ni mbə fə jwɨ̀ rəŋgəʼ àmei ɨchî nɨ mbə̀ə ghàə̀ mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham!' Mə ghà ɨ nən ni Ŋwìə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Jn 10:31

Mɨ̀Jû nyaʼa wɨrɨ gwe əti ɨmbə̀ʼ tumbɨ əməd.

Jn 11:53

Ɨ kɔ rɨ əni ze, mbɨ nyaʼa kɔ taŋ mɨnaŋ ɨmbə̀ʼ zwiirɨ ə Yeso.

Jn 5:44

Mbə̀ kɨə wo ben rɨ ye, ənɨ mbə̀ə wumnɨ àmei mbə bɔŋgɔb, nɨ chəi mbə kəb ni Ŋwìə̀, nɨ mei we mɔʼ wumnɨ əwən ə?

Jn 7:1

Ənɨ ənû ze ə nyaʼa fə che i, Yeso nyaʼa ghanə yèn ɨŋga ɨsɨ mbe rɨ ə Galiliî. Chəi wɨ̀ nyaʼa ghaʼ nɨ yèn ɨŋga ɨsɨ mbe rɨ ə Jùdeyà ɨmbə̀ʼ ɨghəm nɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə kə̀b zwiirɨ əməd.

Jn 7:19

Ɨmbə̀ʼ Mose nyaʼa nàʼ tɨkə ɨ nən ə? Àyɨə chəi wə̀d mɔʼɔ rəbɔʼ nən ə nùŋ rɨkə te. Mbə̀ kɨə kə̀b zwiirɨ əmɨ ɨmbə̀ʼ ə yè ə?”

Jn 7:25

Bə̂d mɔʼɔ rɨ ə Jèrusalèm nyaʼa ghà ni, “Ɨmbə̀ʼ mbaŋə̀ zɔ̂ yɨ we nɨ bə̂d mbe nɨə tekɨ ɨnû ɨŋga a əbeŋ ə kə̀b zwiirɨ ə?

Jn 8:33

Mbɨ nyaʼa wììrɨ̀ ɨ bɔ ni, “Tɨ̀ yɨə bɔn tɨ ənɨ əghaŋ ə Abràham, əne chəi tɨ̀ kweʼ ben ɨ̀bòʼò əmbɨ wə̀d mɔʼɔ. Zɨə nɨə yeʼ əne, njɨ əton nɨ à ghǎ ni, 'Tɨ̀ bɨrɨ chub ənɨ a ɨghəm' kɨ ni yè ə?”

Jn 8:43

Chəi mbə ɨtu kɨrɨ zeŋ ɨmbə̀ʼ ɨnû mbe nɨ mɨə ghà ɨmbə̀ʼ ə yè ə? À yɨ ɨmbə̀ʼ ɨghəm nɨ chəi ɨnû mbe kɨrɨ nyɨ ɨŋga mbə ɨtu.

Jn 8:56

Ə mbǎʼ Abràham nyaʼa ghaʼ nɨ zə nyùmə̀ we nɨ mə̀ bɨrɨ yeʼe. Wɨ̀ nyaʼa bə̀ zə, əne wɨ̀ nyaʼa ghaʼ kwàʼ rɨŋgəʼ.”

Jn 8:59

Ənɨ wɨ̀ nyaʼa gha əne, mbɨ nyaʼa gwe əti ni mbə bɨrɨ tumbɨ əməd əŋgu, àyɨə wɨ̀ nyaʼa nə̀mbɨ̀ i, əne jwɨ̀ i rɨŋga mbàn Ŋwìə̀.

Jn 8:6

Mbɨ nyaʼa ghà ənû zɔ̂ ɨ kwaʼnɨ əməd ɨmbə̀ʼ mbɨ berɨ ənû mɔʼɔ nɨ zɨ ɨgwɨ məd. Ənɨ mbɨ nyaʼa biirɨ əne, Yeso nyaʼa gundɨ ŋwàʼnɨ̀ əghɨ ə mɔʼɔ ə si ənɨ fi fi-əbɔ.

Ɨ̀fàʼì 13:26

“Mbɨ bɔŋgɔb, nɨ yeʼ bɔn tɨ ənɨ əghaŋ ə Abràham, mbɨ mbə̀n mbe nɨ kaʼi mɨ̀Jû nɨə wumnɨ ə Ŋwiə̀, ɨkə̂n we ni Ŋwìə̀ fə chɨ̀ əwa rəŋgəʼ fə yeʼe ɨ na.

Rm 9:7

Ka bɔn mɨjìm tɨ ənɨ əghaŋ ə Abràham yɨ ə bɔn Ŋwiə̀. Ŋwìə̀ nyaʼa ghà əmbɨ Abràham ni, “À yɨ ənjìm ə Aizìk nɨ à bɨrɨ berɨ bɔn mbe nɨ mə̀ kaʼ ɨ ne.”

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

1 Jɔn 2:14

Mbɨ bɔn, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ ə Mbǎʼ. Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ berɨ ɨka, ɨŋgam Ŋwiə̀ wɨ ɨŋga nən, mbə̀ fə bə̀ baŋ wə̀d rɨ̀bɔ̀ŋ.