Jn 8:18 - Meta’

¹⁸ Mə wɨə ghà ɨnû ɨmbə̀ʼ mɨ ɨnyod. Mɨ Mbǎʼ we nɨ nyaʼa tom əmɨ wɨə bə̀ ghà ɨnû ɨmbə̀ʼ əmɨ.”

Ikan feg

¹⁸ Mə ya ghà inug imbə̀ʼ ìmə nyɔd. Wə̀d ndəŋ ne ghà inug imbə̀ʼ amə ya ìmə Mbaʼ we ne cha amə.”

Jn 8:18 교차 참조

Jn 10:11

“Mɔ̌ yɨ ənə̂ŋgɨ̀-njɨ̀g chɔ̀m. Ənə̂ŋgɨ̀-njɨ̀g chɔ̀m wɨə benə nɨ kwɨ ɨmbə̀ʼ ti njɨ̀g.

Jn 10:14

“Mɔ̌ yɨ ənə̂ŋgɨ̀-njɨ̀g chɔ̀m. Mə kyerɨ tɨ njɨ̀g, tɨ njɨ̀g bə̀ kyerɨ əmɨ.

Jn 10:30

Mɔ̌ mbɨ mɨ Mbǎʼ wɨ ənɨ ənû ə mɔʼ.”

Jn 10:9

Mɔ̌ yɨ ɨchû ɨkam. Əne wə̀d mɔʼɔ we nɨ che ənɨ ə num nyɨ ɨŋga ɨkam bɨrɨ jwɨ rəŋgəʼ. Wɨ̀ bɨrɨ nyɨ ɨŋga ɨkam bə̀ jwɨ̀ wò zə ɨfu chɔ̀m nɨ kud.

Jn 11:25

Yeso nyaʼa ghà ɨ bɔ ni, “Mɔ̌ yɨə wə̀d we nɨə zwemnɨə bə̂d bə̀ yeʼ we nɨə nàʼ ɨ̀tènɨ̀. Wə̀d we nɨ ben əmɨ bɨrɨ wɨrɨ chub ɨkǎ, ka wɨ̀ bè kwɨ i.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Jn 8:25

Mbɨ nyaʼa biirɨ ɨ bɔ ni, “Àwɔ̀ kɨə we ə?” Yeso nyaʼa wììrɨ̀ əmbɨ mɨ̀mə̌d ni, “Mɔ̌ yɨə wə̀d we nɨ mə fə gha ɨ nən tɨ ənɨ ɨkɔ.

Jn 8:38

Mə wɨə ghà ɨnû mbe nɨ mə nyaʼa zə ənɨ mə nyaʼa mbɨ mɨ Mbǎʼ, àyɨə mbə̀ mbɨə ghɨ̀ə̀ yeʼ mbe nɨ mbə̀ nyaʼa zu rɨ əmbɨ mbə mɨ̀mbǎʼ.”

Jn 8:51

Mə ghà rəsìʼ ɨ nən ni, wə̀d mɔʼɔ mɨ yeʼə ghɨ̀ ɨnû mbe nɨ mɨə ghàə̀, njɨ ka wɨ̀ bɨrɨ nɔ kwɨ i.”

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

Mə̀Hibrù 2:4

Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.