Jn 7:36 - Meta’

³⁶ Wɨ̀ kɨə ghàə̀ ni ye ənɨ wɨ̀ gha ni, 'Mbə bɨrɨ kəb əmɨ, àyɨə chəi mbə bɨrɨ zə əmɨ ə?' fɔrɨ ni, 'Chəi ənɨ tɨ̀ mbə yeʼe əsɨ ze nɨ mə̀ yeʼ əŋgu ə'?”

Ikan feg

³⁶ Àmə kayi ane, nji aton ne wì gha, tì biri kə̀b aməd tèkan, bə̀ gha, chəyi tì tì ghò abɔ̀ʼ məd, àkə gha?

Jn 7:36 교차 참조

Jn 12:34

Ɨnɔ̂n bə̂d we nyaʼa wììrɨ̀ ɨ bɔ ni, “Ə zɨ ɨŋga tɨkə rɨ Mose ni Wə̀d we nɨ Ŋwìə̀ zɔʼɔ bɨrɨ ten i koŋ. À sɨ chè rɨ ye ghà ni mbɨ berɨ nɔ Wan Wə̀d ɨkaŋ ə? Wan Wə̀d wɔ̂ kɨə be əwe ə?”

Jn 13:33

Mbɨ bɔn, mə bɨrɨ kɨrɨ chubɨ mbɨ nən ənɨ ɨkə nyùmə̀. Ɨ nɔʼ rɨ əwɔ, mbə bɨrɨ kəb əmɨ rəkan. Ənû ze nɨ mə̀ nyaʼa gha əmbɨ ə bə̂d mbe nɨə tekɨ ɨnû ɨŋga əbeŋ mɨ̀Jû, mə yɨ əni ghà ɨ nən ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu.'

Jn 3:4

Nikodemùs nyaʼa biirɨ ɨ bɔ ni, “Mbɨ kɨə wo gywɨ wə̀d ɨghəm cherə rɨ ye əwù ze nɨ wɨ̀ fə nun əwi ə? Ɨ we tɨ wɨ̀ wɨrɨ nyɨ ɨŋga ɨbum ɨŋgɔb məd ənɨ ɨghəm nɨ pe be, ɨŋgɔb wɨrɨ gywɨ əməd ɨghəm cherə ə?”

Jn 3:9

Nikodemùs nyaʼa biirɨ ni, “Ənû zɔ̂ ə kɨə wo che rɨ ye?”

Jn 6:41

Ənɨ Yeso nyaʼa gha əne, mɨ̀Jû mbe nyaʼa kɔ dumbɨ ɨmbə̀ʼ əməd, ɨmbə̀ʼ ɨghəm nɨ wɨ̀ nyaʼa gha ni, “Mɔ̌ yɨə ŋgə̀ŋ ze nɨ nyaʼa swiʼi rɨkaŋ.”

Jn 6:52

Ənɨ mɨ̀Jû mbe nyaʼa zu ənû zɔ̂, mbɨ nyaʼa kɔ taŋ mbənə mbənə ghàə̀ ni, “Mbaŋə̀ zɔ̂ kɨə wo che rɨ ye nàʼ i nyamnyod ɨ na ni tɨ̀ kud ə?”

Jn 6:60

Ənɨ mə̀mə̀ə̀nɨ̀-ɨnû Yeso nɔnɔʼ nyaʼa zu ənû zɔ̂, mbɨ nyaʼa ghà ni, “Ɨŋgam wɔ̂ ə kaŋ kà. À kɨə we nɨ tɨ̀ wɨ̀ ben ə?”

Jn 7:34

Mbə bɨrɨ kə̀b əmɨ, àyɨə chəi mbə̀ bɨrɨ zə əmɨ. Chəi ənɨ tɨ̀ mbə yeʼe əsɨ ze nɨ mə̀ yeʼ əŋgu.”

Jn 8:21

Yeso nyaʼa yì ghà əmbɨ mɨ̀Farisiî mbe ni, “Mə bɨrɨ wo. Mbə bɨrɨ kəb əmɨ təkan, àyɨə mbə ɨnû rɨbɔ̀ŋ bɨrɨ zwiirɨ əwən. Chəi ənɨ tɨ̀ mbə yeʼe əsɨ ze nɨ mɨə wò əŋgu.”

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.