Jn 7:31 - Meta’

³¹ Àyɨə bə̂d mɨ̀nɔnɔʼ nyaʼa ben ənû ze nɨ wɨ̀ nyaʼə ghàə̀. Mbɨ nyaʼa gha ni, “Ənɨ Wə̀d we nɨ Ŋwìə̀ zɔʼɔ yeʼe, wɨ̀ wa bɨrɨ ghɨ ɨnû yiirɨ nɨ nɔʼ chè mbe nɨ mbaŋə̀ zɔ̂ fə ghɨ ə?”

Ikan feg

³¹ Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Jn 7:31 교차 참조

Matìyò 12:23

Bə̂d mɨ̀jìm nyaʼa zə əne yiirɨ ghà ni, “Tɨ̀ mbɨ nàʼ wɔ̂ yɨə Wan Dèvîd ə?”

Lk 8:13

Ɨghɨ mbe nɨ nyaʼa feŋ ɨgun ɨwɔ̌ yɨə bə̂d mbe nɨ ənɨ mbɨ fə zu ɨŋgam we, mbɨ nɨŋ ənɨ ɨghaʼi. Àyɨə chəi wɨ nyɨ ɨŋga fîŋ tɨ mɨ̀mə̌d. Ɨ mbɨə ben ɨŋgam we ənɨ ɨkə nyùmə̀, àyɨə ənumbɨ ə mɨ yeʼe, mbɨ chɨ̀ tə fîŋ tɨ ənɨ ənû ze nɨ mbɨ benɨ.

Jn 11:45

Mɨ̀Jû nɔnɔʼ rəbɔʼ mbe nɨ nyaʼa wo chwi ɨfě əmbɨ Mèri nyaʼa zə ənû ze nɨ Yeso nyaʼa ghɨ̌, əne mbɨ nyaʼa ben əməd.

Jn 12:11

ɨmbə̀ʼ ɨghəm nɨ ənû ze nɨ nyaʼa ghɨ̌ ənɨ ə Lazarɔ̀s ə nyaʼa ghɨ̌ ni mɨ̀Jû nɔnɔʼ saŋ mɨ̀mə̌d ben ə Yeso.

Jn 12:42

Ka à bè yeʼi əne, bə̂d mɨ̀nɔnɔʼ rəbɔʼ mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ben ə Yeso, àyɨə chəi mbɨ nyaʼa gha əsaŋ əsaŋ ɨmbə̀ʼ ɨghəm nɨ ɨ mbɨə nyaʼə bɔə mɨ̀Farisiî. Mɨ̀Farisiî nyaʼa mɨ kyerɨ, njɨ mbɨ bɨrɨ fid mɨ̀mə̌d tɨ̀ ɨŋga nəb ə̀kàtɨ̀.

Jn 2:11

Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 4:29

“Mbə̀ yeʼe zə mbaŋə̀ mɔʼɔ nɨ fə gha ɨnû jìm mbe nɨ mə̀ nyaʼa kweʼ ghɨ̀. Tɨ̀ wɔ̂ wa yeʼ Wə̀d we nɨ Ŋwìə̀ zɔʼ ə?”

Jn 4:39

MəSàmàriyà nɔnɔʼ ɨŋga əsɨ ze nyaʼa ben ə Yeso ɨmbə̀ʼ ɨghəm nɨ əyi we nyaʼa ghà əmbɨ mɨ̀mə̌d ni, “Wɨ̀ fə gha ɨnû jìm mbe nɨ mə nyaʼa kweʼ ghɨ̀.”

Jn 6:2

Ɨnɔ̂n bə̂d nɨ nyaʼa kwàʼ wɨ kyeŋ wɨə nyaʼə beenɨ əbɔʼ məd, ɨmbə̀ʼ ɨghəm nɨ mbɨ nyaʼa zə ɨnû yiirɨ mbe nɨ wɨ̀ nyaʼa ghɨ̌ ɨgun ə bə̂d mbe nɨ nyaʼə wɔ̀nə̀.

Jn 7:26

Məd wɔ̂ əgha, ghàm əsaŋ əsaŋ, àyɨə chəi mbɨ ghà ənû ə mɔʼɔ ɨ bɔ. Tɨ̀ zɨə wa chwi ni bə̂d nɨə tekɨ mba ɨnû ə kaŋ kyerɨ ni məd yɨə Wə̀d we nɨ Ŋwìə̀ zɔʼ ə?

Jn 9:16

Mɨ̀Farisiî mɔʼɔ nyaʼa ghà ni, “Kaʼi Ŋwìə̀ tom mbaŋə̀ ze nɨ ghɨ ənû zɔ̂, ɨmbə̀ʼ ɨghəm nɨ chəi məd ə nùŋ əni əkwɨ.” Àyɨə mbɨ mɔʼɔ nyaʼa ghà ni, “Tɨ̀ mbaŋə̀ ze nɨə ghɨ̀ ɨnû rɨbɔ̀ŋ ghɨ̀ ɨnû yiirɨ ɨghabɨ mbɔ̂ ə?” Ənɨ mbɨ nyaʼa ghà əne, ə̀ghàbrɨ̀ ə nyaʼa jwɨ̀ əkaʼ mɨ̀mə̌d.

Ɨ̀fàʼì 8:13

Saimòn ziə nyaʼa ben ə Kristo. Ənɨ mbɨ nyaʼa fə naʼ mɨnib ɨ bɔ, wɨ̀ nyaʼa kɔ beenɨ əbɔʼ Filip. Wɨ̀ nyaʼa zə ɨnweenɨ-ɨnû mbɨ ɨnû yiirɨ kyeŋ mbe nɨ Filip nyaʼə ghɨ̀ə̀, mbɨ chè əməd.

Jems 2:26

Ɨchî nɨ nyamnyod nɨ chəi əzwî yɨ ətu ə̀kǒ, əne bə̂, ɨbenɨ nɨ chəi ɨnû chɔ̀m mbe nɨ wə̀d ə ghɨ̀ə̀ yɨ ətu ə̀kǒ.