29 àyɨə mə kyerɨ əməd ɨmbə̀ʼ ɨghəm nɨ mə nɔ̀ʼ rɨ əsɨ məd. Əne à yɨə məd nyaʼa tom əmɨ.”
29 À ya mo kyeri aməd imbə̀ʼ icheg ne mə nɔ̀ʼ abɔ̀ʼ məd. À ya məd bə chà amə.”
“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.
Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.
Zɨə mei ɨchî nɨ Mbǎʼ kyerɨ əmɨ, mə bə kyerɨ ə Mbǎʼ. Mə fə ben nɨ kwɨ ɨmbə̀ʼ tɨ njɨ̀g.
Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.
Ɨchî nɨ à nyaʼa tom əmɨ ɨŋga ɨsɨg, mə fə bə̀ tom mɨ̀mə̌d ɨŋga ɨsɨg.
Chəi wə̀d mɔʼɔ kweʼ zə Ŋwìə̀ Mbǎʼ chè rɨ ənɨ ə məd we nɨ nɔʼ rɨ əmbɨ ə Ŋwìə̀. Àmei məd we fə zə Ŋwìə̀ Mbǎʼ.
Chəi mbə̀ be kyerɨ əməd, àyɨə mə kyerɨ əməd. Mə mɨ ghà ni chəi mə̀ kyerɨ əməd əne mɔ̌ yɨə wə̀d mɨ̀ghab ɨghabɨ ə mbə̀nə. Mə kàŋ kyerɨ əməd, əne mə wɨə ghɨ̀ ɨnû mbe nɨ məd ə ghàə̀.
Ɨ̀tènɨ̀ we nyaʼa chwi i ɨnyod əsaŋ. Tɨ̀ nyaʼa zə əməd, əne tɨ̀ wɨə ghà rəsìʼ ɨmbə̀ʼ əməd ɨ nən. Tɨ̀ wɨə bə̀ ghàə̀ ni məd yɨə nyaʼə ɨ̀tènɨ̀ rɨ mì we nɨ nyaʼa i mbɨ Mbǎʼ, nɨ Mbǎʼ ziə nyaʼa ghɨ̌ tɨ̀ kyerɨ.
Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.
Ŋwìə̀ wɨə chwi ɨchî nɨ wɨ̀ ghaʼ əwa əni: Wɨ̀ nyaʼa tom i Wan we mɔʼ ɨŋga ɨsɨg ɨmbə̀ʼ tɨ̀ we tɨ̀ rɨ̀ chè ənjìm məd jɨg ɨ̀tènɨ̀.
