16 Yeso nyaʼa wììrɨ̀ əmbɨ mɨ̀mə̌d ni, “Kaʼ ɨnû mbɔ̂ nɨ mɨə chwiə yɨ i rɨ num. Mbɨ yɨ rɨ əmbɨ wə̀d we nɨ nyaʼa tom əmɨ.
16 Yeso ya ywìtì gha, “Inug mbe ne mə chwìte kayi ìmbum. Mbi nɔ̀ʼ yaʼ abə Ŋwiye ne cha amə.
Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.
Ka wə̀d we nɨ chəi wɨ̀ ghaʼ əmɨ bɨrɨ zu i mɨ ɨŋgam bə̀ nùŋ. Ɨnû mbe nɨ mbə fə zu kaʼi mbum, mbɨ yɨ rɨ əmbɨ Mbǎʼ we nɨ nyaʼa tom əmɨ.
Mə fə gha e ɨŋgam əmbɨ mɨ̀mə̌d. Ɨsɨg wɨə bàn mɨ̀mə̌d ɨmbə̀ʼ ɨghəm ni ka mbɨ yɨ ə bə̂d rɨŋga ɨsɨg, ɨchî nɨ ka mɔ̌ yɨ bə̀ əmɨ wə̀d rɨŋga ɨsɨg.
Mə fə ghà ɨkə̂n we nɨ à nyaʼa ghà ɨ num ni mə̀ gha əmbɨ mɨ̀mə̌d. Mbɨ fə zu bə̀ kyerɨ ənɨ rəsìʼ ni à yɨ àwɔ̀ nyaʼa tom əmɨ. Mbɨ fə bə̀ ben ni à yɨ àwɔ̀ nyaʼa tom əmɨ.
Mə wɨə ghà rəsìʼ ɨ ne ni tɨ̀ wɨə ghà ɨnû mbe nɨ tɨ̀ kyerɨ, bə̀ ghàə̀ mbe nɨ tɨ̀ fə zə, àyɨə chəi mbə̀ ben ɨnû mbe nɨ tɨə ghàə̀.
“Wə̀d we nɨ yeʼe rɨkaŋ ə chè bə̂d mɨjìm. We nɨ yeʼe rɨ ɨgwɨ ə si yɨə wə̀d rɨ ɨgwɨ ə si. Məd wɨə ghà àmei ɨnû rɨ ɨgwɨ ə si. Wə̀d we nɨ yeʼe rɨkaŋ ə chè bə̂d mɨ̀jìm.
Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”
Chəi wə̀d mɔʼɔ nɨ tɨ̀ wɨ̀ yeʼe əsɨ num kɨrɨ ənɨ à yɨə Mbǎʼ we nɨ nyaʼa tom əmɨ suŋ əməd ni wɨ̀ yeʼe əsɨ num. Mə bɨrɨ zwemnɨ əməd əni ze nɨ sɨ nwìə̀.
Əne wɨ̀ nyaʼa ghà əmbɨ mɨ̀mə̌d ni, “Ənɨ mbə̀ fə nɔ Wan Wə̀d əzed ə baʼnɨ, mbə bɨrɨ sɨ kyerɨ ni mɔ̌ yɨə wə̀d we nɨ mə̀ gha ni mə yɨ wɨwən, bə̀ kyerɨ ni chəi mɨə ghɨ̀ ənû ə mɔʼɔ ənɨ mɨ ɨghəm. Mə wɨə ghà àmei ənû ze nɨ Mbǎʼ gha ɨ num.
Wə̀d we nɨ chəi wɨə ghɨ̀ ɨnû mbe nɨ Yeso nyaʼə chwi ɨ na, àyɨə ɨ wɨə wo ɨmbì ghɨ̀ə̀ yeʼ ɨnû mbe nɨ che mbe nɨ wɨ̀ chwiə, chəi məd ənɨ ənû ə mɔʼ mbɨ ə Ŋwiə̀. We nɨə ghɨ̀ ɨnû mbe nɨ Kristo nyaʼə chwiə wɨ ənɨ ənû ə mɔʼ mbɨ Mbǎʼ fɔrɨ mbɨ ə Wan.
Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.
