Jn 7:15 - Meta’

¹⁵ Ənû ze ə nyaʼa chè bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, əne mbɨ nyaʼa biirɨ ni, “Mbaŋə̀ zɔ̂ ə chè rɨ ye kyerɨ ɨnû əni, nɨ chəi wɨ̀ kweʼ kwembɨ ə̀ŋwàʼnɨ̀ ə?”

Ikan feg

¹⁵ Anug ya chè itog bəd mə̀Ju, mbi si bìri gha, “Wə̀d gho̰ kə̀ che iye bèrì iku iwe gho̰ ne chəyi tì kyeri wə̀d ne chwiti inug mbo̰ ibo?”

Jn 7:15 교차 참조

Matìyò 13:54

Ənɨ wɨ̀ nyaʼa pe ɨŋga e əbeŋ, wɨ̀ nyaʼa chwi ɨnû əmbɨ ə bə̂d ɨŋga nəb ə̀kàtɨ̀ ze nɨ nyaʼa əŋgu. Bə̂d mbe nɨ nyaʼa zu ɨnû mbe nyaʼa yiirɨ, əne biirɨ ni, “Mbaŋə̀ zɔ̂ ə nɨŋ ɨkwɨ ɨwe wɔ̂ mbɨ ɨka nɨ ghɨ ɨnû yiirɨ mbɔ̂ rɨ ə yi ə?

Matìyò 22:22

Ənɨ mbɨ nyaʼa zu ənû ze, mbɨ nyaʼa yiirɨ, əne sàŋ əməd wò əwən.

Matìyò 22:33

Ənɨ mɨnɔ̂n bə̂d mbe nyaʼa zu ənû ze, mbɨ nyaʼa yiirɨ ɨnû mbe nɨ wɨ̀ nyaʼə chwiə.

Lk 2:47

Bə̂d mɨ̀jìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ ɨchî nɨ wɨ̀ kyerɨ ɨnû bə̀ yiirɨ ɨchî nɨ wɨ̀ nyaʼə wììrɨ̀ ɨnû.

Lk 4:22

Mɨ̀mə̌d mɨjìm nyaʼa ghà ɨŋgam chɔ̀m ɨmbə̀ʼ əməd, əne yiirɨ ɨŋgam əbɔrəbɔd we nɨ nyaʼa jwɨ rɨ ɨchû məd. Mbɨ nyaʼa yiirɨ əne ghà ni, “Ɨmbə̀ʼ wɔ̂ yɨə wan Jòsêf ə?”

Jn 1:19

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Jn 7:11

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə ghanə kə̀b əməd ənɨ əchwɨ̂ ze, əne ɨ mbɨə nyaʼə biirɨə əmbɨ ə bə̂d ni, “Mbə̀ wa zə ə Yeso əgha ə?”

Jn 7:13

Àyɨə chəi wə̀d mɔʼɔ nyaʼa gha ɨnû ɨmbə̀ʼ əməd əsaŋ əsaŋ, ɨmbə̀ʼ ɨghəm nɨ mbɨə nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû.

Jn 7:46

Mənə̂ŋgɨ̀ mbàn Ŋwìə̀ mbe nyaʼa wììrɨ̀ ni, “Chəi wə̀d mɔʼɔ kweʼ ghàm ɨghabɨ ə mbaŋə̀ zɔ̂!”

Ɨ̀fàʼì 26:24

Ɨchî nɨ Pɔ̂l nyaʼə ghàmə̀ ɨmbə̀ʼ chɨ ɨnû rɨ ɨgwɨ ni, Festùs nyaʼa ghà ənɨ ə gɨ̂ nɨ kǎ ni, “Pɔ̂l, à wɨə beə! Ə̀ŋwàʼnɨ̀ ze nɨ à kwembɨ əku fə ghɨ̀ à sɨə beə!”

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.