Jn 6:52 - Meta’

⁵² Ənɨ mɨ̀Jû mbe nyaʼa zu ənû zɔ̂, mbɨ nyaʼa kɔ taŋ mbənə mbənə ghàə̀ ni, “Mbaŋə̀ zɔ̂ kɨə wo che rɨ ye nàʼ i nyamnyod ɨ na ni tɨ̀ kud ə?”

Ikan feg

⁵² Mə̀Ju ya zug anìŋ gaŋ se ghàmà tàŋì inug mbɔb mbɔb gha, “Wə̀d gho̰ kə ghi chè iye ni nàʼ ìzi nyàmnyɔd ina gha tì kud?”

Jn 6:52 교차 참조

Jn 1:19

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Jn 10:19

Ə̀ghàbrɨ̀ ə nyaʼa yi jwɨ̀ əkaʼ mɨ̀Jû mbe ɨmbə̀ʼ ɨnû mbɔ̂ nɨ Yeso nyaʼa ghǎ.

Jn 3:4

Nikodemùs nyaʼa biirɨ ɨ bɔ ni, “Mbɨ kɨə wo gywɨ wə̀d ɨghəm cherə rɨ ye əwù ze nɨ wɨ̀ fə nun əwi ə? Ɨ we tɨ wɨ̀ wɨrɨ nyɨ ɨŋga ɨbum ɨŋgɔb məd ənɨ ɨghəm nɨ pe be, ɨŋgɔb wɨrɨ gywɨ əməd ɨghəm cherə ə?”

Jn 3:9

Nikodemùs nyaʼa biirɨ ni, “Ənû zɔ̂ ə kɨə wo che rɨ ye?”

Jn 4:11

Əyi we nyaʼa ghà ɨ bɔ ni, “Masà, chəi à berɨ ə̀nùŋga, ɨbɨgɨ mɨnib wɔ̂ ə bə̀ sa ɨŋga, əne à kɨə wo nɨŋ mɨnib mbe nɨə nàʼ ɨ̀tènɨ̀ rɨ ə yi ə?

Jn 6:41

Ənɨ Yeso nyaʼa gha əne, mɨ̀Jû mbe nyaʼa kɔ dumbɨ ɨmbə̀ʼ əməd, ɨmbə̀ʼ ɨghəm nɨ wɨ̀ nyaʼa gha ni, “Mɔ̌ yɨə ŋgə̀ŋ ze nɨ nyaʼa swiʼi rɨkaŋ.”

Jn 6:60

Ənɨ mə̀mə̀ə̀nɨ̀-ɨnû Yeso nɔnɔʼ nyaʼa zu ənû zɔ̂, mbɨ nyaʼa ghà ni, “Ɨŋgam wɔ̂ ə kaŋ kà. À kɨə we nɨ tɨ̀ wɨ̀ ben ə?”

Jn 9:16

Mɨ̀Farisiî mɔʼɔ nyaʼa ghà ni, “Kaʼi Ŋwìə̀ tom mbaŋə̀ ze nɨ ghɨ ənû zɔ̂, ɨmbə̀ʼ ɨghəm nɨ chəi məd ə nùŋ əni əkwɨ.” Àyɨə mbɨ mɔʼɔ nyaʼa ghà ni, “Tɨ̀ mbaŋə̀ ze nɨə ghɨ̀ ɨnû rɨbɔ̀ŋ ghɨ̀ ɨnû yiirɨ ɨghabɨ mbɔ̂ ə?” Ənɨ mbɨ nyaʼa ghà əne, ə̀ghàbrɨ̀ ə nyaʼa jwɨ̀ əkaʼ mɨ̀mə̌d.

Ɨ̀fàʼì 17:32

Ənɨ mbɨ nyaʼa zu ənɨ Pɔ̂l nyaʼa gha ɨmbə̀ʼ ənû nɨ zwemə, mbɨ mɔʼɔ nyaʼa baʼrɨ əməd, àyɨə mbɨ cherə nyaʼa ghà ni, “Tɨ̀ bɨrɨ wɨrɨ zu ənû zɔ̂ ɨghəm cherə.”

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.