Jn 6:39 - Meta’

³⁹ Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Ikan feg

³⁹ Anug ze ne wə̀d we ne chà amə we kə̀bə̀ ya gha, imbə̀ʼ wə̀d mɔ̀ʼɔ inga bəd məjìm mbe ne wì naʼi inum si nɔ̀ʼ nim. Wì kə̀b yaʼ gha, mə zwemni awɔb iwu ane aneg ìnwḭ.”

Jn 6:39 교차 참조

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 18:14

Əne kaʼ à yɨə bəi ɨkɔndɨ mɨ Mbǎʼ we nɨ yeʼ ɨkaŋ ni wan kwa mɔʼɔ rəbɔʼ mbɔ̂ nim.

Lk 12:32

“Tɨ mbə̀ bɔ ə, kyɨə bɔn njɨ̀g, ɨmbə̀ʼ ɨghəm nɨ ə Mbǎʼ ə ghaʼ nɨ naʼ ənû ɨfɔ̀n ɨ nən.

Jn 12:48

Wə̀d we nɨ ton əmɨ, nɨ chəi wɨə zu ɨnû mbe nɨ mɨə ghàə̀, berɨ wə̀d nɨ bɨrɨ saʼ əməd. Ɨnû mbe nɨ mə fə ghà bɨrɨ saʼ əməd əni ze nɨ sɨ nwìə̀.

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 17:6

“Mə fə ghɨ̀ ni bə̂d mbe nɨ à nyaʼa chɨ rɨŋga ɨsɨg nàʼ ɨ num kyerɨ əwe. À yɨə nyaʼa mbe bə̂d, əne à nyaʼa fə nàʼ mɨ̀mə̌d ɨ num. Mbɨ fə ghɨ̀ ənû ze nɨ à nyaʼa ghǎ əmbɨ mɨ̀mə̌d.

Jn 17:9

“Mə wɨə kɔ̀ŋgɨ̀ əwe ɨmbə̀ʼ mɨ̀mə̌d. Chəi mɨə kɔ̀ŋgɨ̀ əwe ɨmbə̀ʼ ɨsɨg. Mə wɨə kɔ̀ŋgɨ̀ əwe yeʼ ɨmbə̀ʼ bə̂d mbe nɨ à nyaʼa naʼ ɨ num ɨmbə̀ʼ ɨghəm nɨ à yɨ mbe bə̂d.

Jn 18:9

Wɨ̀ nyaʼa ghà əne ɨmbə̀ʼ ɨŋgam we nɨ wɨ̀ nyaʼa be ghà wɨ jwɨ ənɨ rəsìʼ ni, “Mɨ Mbǎʼ, chəi mə nimnɨ wə̀d mɔʼɔ rəbɔʼ mbe nɨ à nyaʼa naʼ ɨ num.”

Jn 5:28

Tɨ əzɔ̂ ə yeʼi ənû ə yiirɨ ɨ nən. Nyùmə̀ wɨə yeʼe nɨ bə̂d mɨjìm mbe nɨ yeʼ ɨŋga mɨ̀sì bɨrɨ zu gɨ̂ məd

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 6:44

Chəi wə̀d mɔʼɔ nɨ tɨ̀ wɨ̀ yeʼe əsɨ num kɨrɨ ənɨ à yɨə Mbǎʼ we nɨ nyaʼa tom əmɨ suŋ əməd ni wɨ̀ yeʼe əsɨ num. Mə bɨrɨ zwemnɨ əməd əni ze nɨ sɨ nwìə̀.

Jn 6:54

Wə̀d jìm we nɨ kud mɨ nyamnyod bə̀ nɔ mɨ ənəm bɨrɨ jɨg ɨ̀tènɨ̀ rɨ mì. Mə bɨrɨ zwemnɨ əməd əni ze nɨ sɨ nwìə̀,

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

1 Kɔrèn 6:14

Ŋwìə̀ we nɨ nyaʼa zwemnɨ Ə̀nùŋɨ̀sɨg bɨrɨ bɨ zwemnɨ əwa ənɨ i ɨka.

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

Jems 5:15

Ə̀kɔ̀ŋgɨ̀ ə wə̀d we nɨ ben ə Ŋwiə̀ bɨrɨ ghɨ ni wə̀d əwɔn we bɔtɨ. Ə̀nùŋɨ̀sɨg bɨrɨ ghɨ ni ɨnyod məd wɨrɨ kàànɨ̀. À mɨ yeʼ nɨ wɨ̀ ghɨ̌ ɨnû rɨbɔ̀ŋ mɔʼɔ, Ŋwìə̀ bɨrɨ waʼ ɨnû rɨbɔ̀ŋ mbe.

1 Pità 1:5

Ŋwìə̀ fə chè ənjìm i ɨka kən əwən ɨchî nɨ mbə̀ nuŋ fîŋ ɨgun ə Kristo, ɨmbə̀ʼ mbə̀ jwɨ rəŋgəʼ əwu rənjìm.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.