Jn 6:27 - Meta’

²⁷ Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Ikan feg

²⁷ Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Jn 6:27 교차 참조

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Matìyò 6:19

“Tɨ mbə̀ nuŋ əwən ə mbɔ̂n ɨgwɨ ə si, nɨ yeʼ əsɨ ze nɨ ɨsəʼɨ fɔrɨ chə̂b bɨrɨ chə̀kɨ̀ nɨ bə̀ yeʼ əsɨ nɨ mɨjɨ bɨrɨ tòʼ.

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Mk 1:11

Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Mk 9:7

Pàʼ mɔʼɔ nyaʼa kubrɨ mɨ̀mə̌d, əne gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨə mɨ Wan nɨ mə̀ ghaʼi kwàʼ rɨŋgəʼ, mbə̀ zu ənû ze nɨ wɨə ghàə̀!”

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Lk 9:35

Gɨ̂ mɔʼɔ nyaʼa jwɨ̀ rɨŋga pàʼ ze ghà ni, “Wɔ̂ yɨ mɨ Wan nɨ mə chɔʼɔ, mbə̀ zu ənû ze nɨ wɨə ghàə̀!”

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jn 11:42

Mə kyerɨ ni à wɨə zu ɨnû mbe nɨ mɨə ghà ɨ ne ɨghəm jìm, àyɨə mə kə̀ʼ ghà əzɔ̂ ɨmbə̀ʼ bə̂d mbɔ̂ nɨ təmbɨ ɨban num, ɨmbə̀ʼ mbɨ ben ni à yɨ àwɔ̀ nyaʼa tom əmɨ.”

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 3:15

ɨmbə̀ʼ wə̀d jìm we nɨ ben əməd we tɨ̀ wɨ̀ jɨg ɨ̀tènɨ̀ rɨ mì.

Jn 3:33

Wə̀d we nɨ ben ənû ze nɨ wɨ̀ ghǎ fə bə̀ ben ni ənû ze nɨ Ŋwìə̀ ghǎ yɨ rəsìʼ.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 6:51

Mɔ̌ yɨə ŋgə̀ŋ ze nɨə nàʼ ɨ̀tènɨ̀ nɨ nyaʼa swiʼi rɨkaŋ. Wə̀d mɔʼɔ we nɨ jɨg ŋgə̀ŋ zɔ̂ bɨrɨ ten i koŋ. Ŋgə̀ŋ ze nɨ mə̀ bɨrɨ nàʼ ni ɨsɨg jɨg tènə̀ yɨ mɨ nyamnyod.”

Jn 6:53

Ənɨ Yeso nyaʼa zu əne, wɨ̀ nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, à mɨ yeʼ ni chəi mbə̀ kud nyamnyod Wan Wə̀d bə̀ nɔ ənəm əməd, chəi mbə̀ bɨrɨ jɨg ɨ̀tènɨ̀.

Jn 6:54

Wə̀d jìm we nɨ kud mɨ nyamnyod bə̀ nɔ mɨ ənəm bɨrɨ jɨg ɨ̀tènɨ̀ rɨ mì. Mə bɨrɨ zwemnɨ əməd əni ze nɨ sɨ nwìə̀,

Jn 6:58

Zɔ̂ yɨə ŋgə̀ŋ ze nɨ nyaʼa swiʼi rɨkaŋ. Ka ŋgə̀ŋ zɔ̂ yɨ i ɨghabɨ ze nɨ mbə mɨ̀mbǎʼ rəŋwe nyaʼa jɨgɨ àyɨə mbɨ nyaʼa bə̀ kɨrɨ kwɨ. Wə̀d we nɨ jɨg ŋgə̀ŋ zɔ̂ bɨrɨ ten i koŋ.”

Jn 6:62

Mbə̀ kɨə wo ghɨ ye ənɨ mbə̀ zə Wan Wə̀d ənɨ wɨə wò ɨkaŋ əsɨ nɨ wɨ̀ nyaʼa bè əŋgu ə?

Jn 6:68

Saimon Pità nyaʼa wììrɨ̀ ɨ bɔ ni, “Ə̀nùŋɨ̀sɨg, tɨ̀ kɨə wɨ wò əsɨ we ə? Àmei àwɔ̀ berɨ ɨŋgam we nɨə nàʼ ɨ̀tènɨ̀ rɨ mì.

Jn 8:18

Mə wɨə ghà ɨnû ɨmbə̀ʼ mɨ ɨnyod. Mɨ Mbǎʼ we nɨ nyaʼa tom əmɨ wɨə bə̀ ghà ɨnû ɨmbə̀ʼ əmɨ.”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Rm 4:11

Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

1 Kɔrèn 9:2

À mɨ yeʼ nɨ chəi bə̂d mɔʼɔ ben ni mə yɨə wə̀d tom Kristo, njɨ mə kyerɨ ni mbən ə benɨ, ɨmbə̀ʼ ɨghəm nɨ mbə̀ yɨ ənweenɨ ze nɨ chwi ni mɔ̌ yɨə wə̀d tom Kristo.

2 Kɔrèn 4:18

Əne yɨ ni chəi tɨə nèŋ ɨghɨ mbe nɨ bə̂d ə zəə. Tɨ̀ wɨə nèŋə̀ yeʼ mbe nɨ chəi ənɨ tɨ̀ bə̂d zə, ɨmbə̀ʼ ɨghəm nɨ ka ɨghɨ mbe nɨ bə̂d ə zəə bɨrɨ tandɨ i, àyɨə mbe nɨ chəi ənɨ tɨ̀ bə̂d zə bɨrɨ ten i koŋ.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Fìlipì 2:13

Mbə̀ kyerɨ ni Ŋwìə̀ wɨə fàʼ ɨŋga nən ɨ ghɨ ni mbə̀ ghɨ ɨnû chɔ̀m mbe nɨ wɨ̀ kəbɨ, mbɨ ni mbə̀ ghaʼ nɨ ghɨ ɨnû mbe.

Kòlosè 1:29

Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

Kòlosè 2:22

(Əne yɨ mbɨə ghà ɨmbə̀ʼ ɨghɨjìm mbe nɨə bə əwu ze nɨ mbɨ faʼ mbɨ mbɨwən). Ɨ mbɨə ghà əne beenɨ əbɔʼ rɨkə te nɨ bə̂d mɨ̀sɔŋɨchù ə nùŋə̀ bə̀ fɔrɨ əbɔʼ ɨnû mbe nɨ mbɨə chwiə.

Kòlosè 3:2

Mbə̀ nuŋ tə rɨkɔndɨ àmei ɨgun ɨghɨ mbe nɨ yeʼ ɨkaŋ, kaʼi ɨgun mbe nɨ yeʼ ə si.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

Mə̀Hibrù 12:16

Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

Mə̀Hibrù 4:11

Əne tɨ̀ kywɨ ənywɨ nyɨ ɨŋga əsɨ ə̀zwììrɨ̀ ze. Tɨ wə̀d mɔʼɔ sam i, ɨchî nɨ mɨ̀Jû nyaʼa ghɨ rɨ̀zuə̀ sam.

Jems 1:11

Nyùmə̀ wɨə teə mbɨ əzuʼ ə ka ka. Əzuʼ ze ə zɨə ghɨ̀ ni ɨghɨ nəŋə. Ɨghɨ mbe nɨə nəŋə, tɨ̀kwě feŋgɨ. Tɨ̀kwě te nɨ nyaʼa kaŋ bɔ̀ŋ fə wɨrɨ bèŋ bə i. À yɨə bə̀ əndəŋ əndəŋ ni wə̀d mbɔ̂n bɨrɨ nim ɨchî nɨ wɨə beenɨ əbɔʼ mbi ɨnû.

1 Pità 1:24

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mɨjìm yɨ ɨghabɨ ɨfu, ɨwumnɨ mɨ̀mə̌d yɨ ɨghabɨ wɨ rɨ̀kwě. Ɨfu wɨə kwɨə, rɨ̀kwě nə̀ŋə̀ feŋgɨə,

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”