Jn 6:26 - Meta’

²⁶ Yeso nyaʼa wiirɨ əmbɨ mɨ̀mə̌d ni, “Mə gha rəsìʼ ɨ nən ni mbə mbɨə kə̀b əmɨ ɨmbə̀ʼ ɨchî nɨ mbə nyaʼa jɨg ŋgə̀ŋ kod, kaʼi ənû ə yiirɨ ze nɨ mə̀ nyaʼa ghɨ̌.

Ikan feg

²⁶ Yeso ya ghà inɔb gha, “Mə gha tesiʼ inən gha, mbə̰ ya kə̀bə̀ amə imbə̀ʼ icheg ne mbə̀ kə jəghi ngə̀ŋ kɔd, kayi imbə̀ʼ iyeti inug ne mbə̀ kə bàri.

Jn 6:26 교차 참조

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Jn 6:14

Ənɨ bə̂d mbe nyaʼa zə ənû ə yiirɨ ze nɨ Yeso nyaʼa ghɨ̌, mbɨ nyaʼa ghà ni, “Wɔ̂ yɨə kàŋ ə wə̀d ɨ̀kə̀n we nɨ nyaʼa wo yeʼe ɨŋga ɨsɨg!”

Jn 6:15

Yeso nyaʼa kyerɨ ni bə̂d mbe mbɨə nyaʼə kə̀b yeʼe gywɨ əwi ənɨ ɨka ɨmbə̀ʼ zɔʼ ənɨ ɨfɔ̀n, əne wɨ̀ nyaʼa wɨrɨ nɔ̀ʼ wo ɨkaŋ ɨwum tə̀zìʼ wi.

Jn 6:2

Ɨnɔ̂n bə̂d nɨ nyaʼa kwàʼ wɨ kyeŋ wɨə nyaʼə beenɨ əbɔʼ məd, ɨmbə̀ʼ ɨghəm nɨ mbɨ nyaʼa zə ɨnû yiirɨ mbe nɨ wɨ̀ nyaʼa ghɨ̌ ɨgun ə bə̂d mbe nɨ nyaʼə wɔ̀nə̀.

Jn 6:24

Ənɨ bə̂d mbe nyaʼa zə ni chəi Yeso kɨ̀ mə̀mə̀ə̀nɨ̀-ɨnû ɨməd əŋgu, mbɨ nyaʼa nyɨ ɨŋga ɨbaŋ ɨgyɨ̀ mbe ɨ wo kəb əməd ə Kàpenàhom.

Jn 6:30

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “À kɨ ənû ə yiirɨ zi nɨ tɨ̀ à ghɨ̀ ɨmbə̀ʼ tɨ̀ zə ben ənû ze nɨ àwɔ̀ ə ghà ə? À kɨ ənû zi nɨ à bɨrɨ ghɨ̀ ə?

Jn 6:36

Ka à bè yeʼi əne, mə nyaʼa fə ghà ɨ nən ni mbə fə zə əmɨ, àyɨə chəi mbə̀ kɨrɨ benɨ.

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 6:53

Ənɨ Yeso nyaʼa zu əne, wɨ̀ nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, à mɨ yeʼ ni chəi mbə̀ kud nyamnyod Wan Wə̀d bə̀ nɔ ənəm əməd, chəi mbə̀ bɨrɨ jɨg ɨ̀tènɨ̀.

Jn 6:64

Àyɨə chəi bə̂d mɔʼɔ rəbɔʼ nən kɨrɨ benɨ.” Yeso nyaʼa ghà əne ɨmbə̀ʼ ɨghəm nɨ wɨ̀ nyaʼa fə bè kyerɨ bə̂d mbe nɨ chəi mbɨ bɨrɨ benɨ. Wɨ̀ nyaʼa fə bə̀ kyerɨ wə̀d we nɨ bɨrɨ fen əməd.

Rm 16:18

ɨmbə̀ʼ ɨghəm nɨ chəi tɨkwɨrɨ bə̂d tɔ̂ ə fàʼ əmbɨ a Ə̀nùŋɨ̀sɨg Kristo. Ɨ mbɨə fàʼ àmei əmbɨ tə rɨbum. Ɨ mbɨə nɨŋ ɨŋgam nɨə nə̀mə̀ wə̀ŋ bə̀ nɨŋ ɨŋgam nɨə bɔtɨə tambɨə bə̂d mbe nɨ chəi mbɨ kyerɨ ənû.

Fìlipì 2:21

Bə̂d mɨ̀jìm mbə mbɨə zɨ̀ ɨtu àmei ənɨ ɨnû mbe nɨ mbɨ kəbɨ, kaʼi mbe nɨ Yeso Kristo kə̀bɨ.

Fìlipì 3:19

Bə̂d mbɔ̂ bɨrɨ nwì ɨŋga ɨwid rɨ nìmə, əne ŋwìə̀ mɨ̀mə̌d yɨ ɨghɨ mbe nɨ nyamnyod tɨ mɨ̀mə̌d ə feenɨə. Ɨ mbɨə ghaʼə ɨmbə̀ʼ ɨnû mbe nɨ njɨ ɨtu mɨ̀mə̌d kəʼ nìd ɨmbə̀ʼ mbɨwən. Ɨ mbɨə kɔndɨə àmei ɨnû rɨŋga ɨsɨg.

1 Timotì 6:5

bə̀ yeʼe mbɨ ənû nɨ ghɨ ni əchɔb ə kɨə gùə̀ əkaʼ bə̂d mbe nɨ chəi ənû ə chɔ̀m ɨŋga fîŋ tɨ mɨ̀mə̌d fɔrɨ əkaʼ mbe nɨ chəi mbɨə ghà rəsìʼ. Ɨ mbɨə kɔndɨə ni ənû ə Ŋwiə̀ yɨ ɨnə̂njɨ̀ nɨ tɨ̀ mbɨ chè berɨ ɨkab.