Jn 5:39 - Meta’

³⁹ Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Ikan feg

³⁹ Mbə̰ ya jiʼè zìyè atog ni mə̀nì Ìngam Ŋwiye inga Àŋwàʼrì məd nè kɔ̀ndɔ gha mbə biri jəg ìtḛ̀ ighə̀m imɔʼ. Mbə̀ kyèri gha, Ìngam Ŋwiye we ne mbə̀ zi atog ni mə̀nì, wi ya ghàmà imbə̀ʼ amə.

Jn 5:39 교차 참조

Matìyò 22:29

Yeso nyaʼa wììrɨ̀ əmbɨ mɨ̀mə̌d ni, “Mbə fə fèbə̀, ɨmbə̀ʼ ɨghəm nɨ chəi mbə̀ kyerɨ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀, kɨ̀ bè kyerɨ ɨka Ŋwiə̀.

Mk 10:3

Wɨ̀ nyaʼa wììrɨ̀ əmbɨ mɨ̀mə̌d ni, “Mose nyaʼa ghà ɨ nən ni ye ə?”

Mk 12:10

Chəi mbə̀ kɨrɨ foŋ ənû zɔ̂ ɨŋga Ə̀ŋwàʼnɨ̀ ə Ŋwiə̀ ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb.

Lk 16:29

Àyɨə Abràham nyaʼa ghà ni, 'Mose mbɨ ə bə̂d ɨ̀kə̀n Ŋwiə̀ cherə mbɨ əŋgu. Mbɨ zu ɨnû mbe nɨ mbɨə ghàə̀.'

Lk 16:31

Abràham nyaʼa ghà ɨ bɔ ni, 'À mɨ yeʼ ni chəi mbɨ zu ɨnû mbe nɨ Mose mbɨ ə bə̂d ɨ̀kə̀n Ŋwiə̀ ə ghàə̀, njɨ ka wə̀d mɔʼɔ bè zwemə wò ghàm əmbɨ mɨ̀mə̌d, chəi mbɨ bɨrɨ benɨ.'”

Lk 24:25

Yeso nyaʼa zu əne ghà əmbɨ mɨ̀mə̌d ni, “Mbə yɨ ɨneŋ, mbə mbɨə jìŋgɨ̀ə̀ nɨ ben ɨnû jìm mbe nɨ bə̂d ɨ̀kə̀n Ŋwiə̀ nyaʼa fə ghǎ!

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Jn 5:32

Àyɨə wə̀d mɔʼɔ wɨ əŋgu nɨə ghà ɨnû ɨmbə̀ʼ əmɨ. Mə kyerɨ ni ɨnû mbe nɨ məd ə ghàə̀ yɨ ɨnû rəsìʼ.

Jn 5:36

Ɨnû mbɔ̂ nɨ mɨə ghàə̀ yɨ mɨ̀zərɨmbin ɨ num. Mbɨ chè mbe nɨ Jɔ̌n nyaʼə ghà ɨmbə̀ʼ əmɨ. Ɨnû mbe nɨ Mbǎʼ zɨ ɨŋga tum rɨkyerɨ-ɨbɔ ni mə maanə, əne yɨ mbe nɨ mɨə ghɨ̀ə̀, ɨ mbɨə chwiə ni à yɨə Mbǎʼ nyaʼa tom əmɨ.

Jn 5:40

àyɨə chəi mbə̀ ben nɨ yeʼe əsɨ num ɨmbə̀ʼ jɨg ɨ̀tènɨ̀.

Jn 5:46

Mbə̀ mɨ nyaʼa ben ə Mose, njɨ mbə bɨrɨ bɨ ben əmɨ, ɨmbə̀ʼ ɨghəm nɨ Mose nyaʼa ŋwàʼnɨ̀ ɨmbə̀ʼ əmɨ.

Jn 7:52

Mbɨ nyaʼa wììrɨ̀ ɨ bɔ ni, “Àwɔ̀ wa kɨ rɨ ə Galiliî bə ə? Jeŋgɨ neŋ ɨŋga Ə̀ŋwàʼnɨ̀ ə Ŋwiə̀, əne à bɨrɨ zə ni chəi wə̀d ɨ̀kə̀n Ŋwìə̀ mɔʼɔ bɨrɨ jwɨ rɨ ə Galiliî.”

Ɨ̀fàʼì 13:27

Bə̂d mbe nɨə chub ə Jèrusalèm mbɨ mbe nɨə tùmbɨ̀ə̀ mɨ̀mə̌d nyaʼa ghɨ̀ ni ɨnû mbɔ̂ jwɨ ənɨ rəsìʼ ɨchî nɨ mbɨ nyaʼa sob ni mbɨ zwiirɨ əməd. Mbɨ nyaʼa ghɨ əne, ɨmbə̀ʼ ɨghəm nɨ chəi mbɨ nyaʼa kyerɨ ni Yeso yɨə wə̀d we nɨ Ŋwìə̀ zɔʼɔ, kɨ̀ be kyerɨ mɨŋgam bə̂d ɨ̀kə̀n Ŋwiə̀ mbe nɨ mbɨə foŋ ɨni ɨkwɨ mɨ̀Jû jìm.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ɨ̀fàʼì 26:27

Ɨfɔ̂n Agripà, à ben ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ə? Mə kyerɨ ni à benɨ!”

Rm 1:2

Ŋwìə̀ nyaʼa fə bè kàʼ ɨkə̂n chɔ̀m wɔ̂ ənjìm bə̂d ɨ̀kə̀n məd. Əne mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

Rm 3:2

Wɨ̀ bɨrɨ jɨg njìm nɔnɔʼ ənɨ mɨnə̂njɨ̀ jìm. Ənû rɨtu yɨ ni, Ŋwìə̀ nyaʼa bè zɨ̀ i ɨŋgam ɨŋga tɨkyerɨ-ɨbɔ mɨ̀Jû.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

Mə̀Hibrù 11:16

Mbɨ nyaʼa kə̀b yeʼ əbeŋ ze nɨ bɔŋɨ chè əze, əne yɨ əbeŋ ze nɨ yeʼ ɨkaŋ. Chəi ətu ə nìd əmbɨ ə Ŋwiə̀ ənɨ mbɨ tɔŋ əməd ni wɨ̀ yɨə Ŋwìə̀ mɨ̀mə̌d. Chəi zɨə nìd ɨmbə̀ʼ ɨghəm nɨ wɨ̀ fə tekɨ əsɨ əmbɨ mɨ̀mə̌d.

Mə̀Hibrù 11:35

À yɨ ɨbenɨ nyaʼa ghɨ ni məyi nɨŋ mbə ɨfurɨ mbe nɨ nyaʼa kwɨ wɨrɨ zwemə. Mbɨ nyaʼa chə mbɨ mɔʼɔ ə nəb ndəŋ, àyɨə mbe nyaʼa ton ni tɨ mbɨ chɨ əwən sàŋɨ̀, ɨmbə̀ʼ mbə mɨ kwɨ, mbə bɨrɨ wɨrɨ zwemə əne jɨg ɨ̀tènɨ̀ we nɨ bɔŋɨ chè.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.