Jn 5:36 - Meta’

³⁶ Ɨnû mbɔ̂ nɨ mɨə ghàə̀ yɨ mɨ̀zərɨmbin ɨ num. Mbɨ chè mbe nɨ Jɔ̌n nyaʼə ghà ɨmbə̀ʼ əmɨ. Ɨnû mbe nɨ Mbǎʼ zɨ ɨŋga tum rɨkyerɨ-ɨbɔ ni mə maanə, əne yɨ mbe nɨ mɨə ghɨ̀ə̀, ɨ mbɨə chwiə ni à yɨə Mbǎʼ nyaʼa tom əmɨ.

Ikan feg

³⁶ Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 5:36 교차 참조

Matìyò 11:4

Yeso nyaʼa wììrɨ̀ əmbɨ mɨ̀mə̌d ni, “Mbə̀ wo ghà ɨnû mbe nɨ mbə̀ zu bə̀ zə əmbɨ Jɔ̌n.

Lk 2:49

Wɨ̀ nyaʼa wììrɨ̀ əmbɨ mɨ̀mə̌d ni, “Mbə kɨə kə̀b əmɨ ni ye ə? Chəi mbə̀ kyerɨ ni mə berɨ chub ɨŋga nəb mɨ mbǎʼ ə?”

Jn 10:25

Yeso nyaʼa wììrɨ̀ əmbɨ mɨ̀mə̌d ni, “Mə nyaʼa fə ghà ɨ nən àyɨə chəi mbə̀ benɨ. Ɨnû mbe nɨ mɨə ghɨ̀ ənɨ ɨkum mɨ Mbǎʼ, ɨ mbɨə ghɨ̀ ni bə̂d kyerɨ wə̀d we nɨ mə yeʼ wɨwən.

Jn 11:37

Àyɨə mbɨ mɔʼɔ rəbɔʼ mɨ̀mə̌d nyaʼa ghà ni, “Wɨ̀ nyaʼa ghɨ̀ ni mbaŋə̀ ze nɨ nyaʼa fɨgə wɨrɨ kɔ zə ɨsɨ, əne chəi ənɨ tɨ̀ wɨ̀ kə̀ʼ ghɨ̀ ni tɨ Lazarɔ̀s kwɨ i ə?”

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 17:4

Mə fə wumnɨ əwe ɨgwɨ ə si ɨchî nɨ mə fə maanɨ ə̀fàʼì ze nɨ à nyaʼa naʼ ɨ num.

Jn 2:23

Ənɨ Yeso nyaʼa ə Jèrusalèm ənɨ nyùmə̀ we mbɨ nyaʼə jɨg Əchwɨ̂ ə Che-ɨgun, bə̂d mɨ̀nɔnɔʼ nyaʼa ben əməd ɨmbə̀ʼ ɨghəm nɨ mbɨ nyaʼa zə ɨnû yiirɨ mbe nɨ wɨ̀ nyaʼə ghɨ̀ə̀.

Jn 3:17

Ŋwìə̀ nyaʼa tom i Wan ɨŋga ɨsɨg, kaʼi ni wɨ̀ zɨ ɨsaʼi ɨgwɨ ə bə̂d rɨŋga ɨsɨg, àyɨə ni bə̂d rɨŋga ɨsɨg mbe tɨ̀ mbɨ chè ənjìm məd jwɨ̀ rəŋgəʼ.

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 5:32

Àyɨə wə̀d mɔʼɔ wɨ əŋgu nɨə ghà ɨnû ɨmbə̀ʼ əmɨ. Mə kyerɨ ni ɨnû mbe nɨ məd ə ghàə̀ yɨ ɨnû rəsìʼ.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

1 Jɔn 5:9

Bə̂d mɨ̀sɔŋɨchù mɨ ghà ənû ze nɨ mbɨ zə, tɨ̀ wɨə benə, àyɨə əze nɨ Ŋwìə̀ ghǎ ə chè əzɨ mɨ̀mə̌d. Ŋwìə̀ ziə fə ghà ni ənû ɨmbə̀ʼ i Wan yɨ ənû rəsìʼ.