Jn 5:26 - Meta’

²⁶ Ɨchî nɨ ɨ̀tènɨ̀ yeʼ ɨŋga Mbǎʼ ziə, məd wɨə nàʼ ɨ̀tènɨ̀ əmbɨ ə bə̂d, əne wɨ̀ fə bə̀ ghɨ̀ ni Wan nàʼ ɨ̀tènɨ̀ əmbɨ ə bə̂d.

Ikan feg

²⁶ Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 5:26 교차 참조

Jn 1:4

Ɨ̀tènɨ̀ yɨ rɨ ənɨ Ɨŋgam. Ɨ̀tènɨ̀ wɔ̂ yɨə nyaʼa ɨzeŋɨ zeŋɨ əmbɨ ə bə̂d.

Jn 10:18

Chəi wə̀d mɔʼɔ bɨrɨ nɨŋ mɨ ɨ̀tènɨ̀ rɨ num. À yɨə mɔ̌ kaŋ ben ni mə bɨrɨ kwɨ. Mə berɨ ɨka nɨ kwɨ, bə̀ berɨ ɨka nɨ wɨrɨ chub ɨka. À yɨ mɨ Mbǎʼ gha ni mə ghɨ əne.”

Jn 11:25

Yeso nyaʼa ghà ɨ bɔ ni, “Mɔ̌ yɨə wə̀d we nɨə zwemnɨə bə̂d bə̀ yeʼ we nɨə nàʼ ɨ̀tènɨ̀. Wə̀d we nɨ ben əmɨ bɨrɨ wɨrɨ chub ɨkǎ, ka wɨ̀ bè kwɨ i.

Jn 11:26

Kaʼ wə̀d mɔʼɔ we nɨ yeʼ i ɨkǎ nɨ ben əmɨ bɨrɨ nɔ kwɨ i. À ben ənû zɔ̂ ə?”

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 6:57

Ɨchî nɨ Mbǎʼ we nɨ yeʼ ɨkǎ nyaʼa tom əmɨ, əne mə wɨ ɨkǎ ɨmbə̀ʼ əməd. Əzɔ̂ ə chwi ni wə̀d we nɨ kud mɨ nyamnyod bɨrɨ bɨ yeʼ ɨkǎ ɨmbə̀ʼ əmɨ.

Jn 8:51

Mə ghà rəsìʼ ɨ nən ni, wə̀d mɔʼɔ mɨ yeʼə ghɨ̀ ɨnû mbe nɨ mɨə ghàə̀, njɨ ka wɨ̀ bɨrɨ nɔ kwɨ i.”

Ɨ̀fàʼì 17:25

kɨ̀ ni à yɨə bə̂d mɨ̀sɔŋɨchù ə nàʼ ɨghɨ ɨ bɔ, ɨghabɨ ni məd ə kwaŋ əghɨ ə mɔʼɔ. Àyɨə məd ziə ə nàʼ ɨ̀tènɨ̀ bə̀ nàʼ əzwî bə̀ nàʼ ɨghɨjìm əmbɨ ə bə̂d mɨ̀jìm.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Ɨnû 21:6

Wɨ̀ nyaʼa ghà ɨ num ni, “Ɨnû jìm fə mì i! Mɔ̌ yɨə Alfà mbɨ ə Omegà. Mɔ̌ yɨ ɨkɔ bə̀ yeʼ ɨnwǐ. Mə bɨrɨ naʼ mɨnib rɨ ənɨ jwɨ̀-əmboŋ we nɨ mɨnib məd ə nàʼ ɨ̀tènɨ̀ əmbɨ wə̀d we nɨ ədɔʼ ə ne əməd. Wɨ̀ bɨrɨ nɨŋ əko nɨ chəi wɨ̀ naʼ ɨkab.

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 22:17

Əzwî mbɨ Ɨgən ghà ni, “Yeʼe!” Wə̀d jìm we nɨ zu gha ni, “Yeʼe!” Wə̀d jìm we nɨ ədɔʼ ə ne əməd yeʼe. We nɨə kəb mɨnib, yeʼe nɔ mɨnib mbe nɨə nàʼ ɨ̀tènɨ̀, nɨ chəi wɨ̀ bɨrɨ naʼ ɨkab.

Ɨnû 7:17

ɨmbə̀ʼ ɨghəm nɨ Wan njɨ̀g we nɨ təm ɨŋga mɨgharə̀ ətən ɨfɔ̀n ze bɨrɨ nəŋgɨ mɨ̀mə̌d ɨghabɨ ənə̂ŋgɨ̀-njɨ̀g; wɨ̀ bɨrɨ kə̀ŋ mɨ̀mə̌d wò ənɨ mɨ̀jwɨ̀-əmboŋ mɨnib nɨə nàʼ ɨ̀tènɨ̀. Ŋwìə̀ bɨrɨ fu mɨsɨ jìm tɨ ənɨ əghə mɨ̀mə̌d.”