Jn 4:53 - Meta’

⁵³ Mbǎʼ wan we nyaʼa zu əne, kyerɨ ni à yɨə nyaʼa ənɨ ə nyùmə̀ we nɨ Yeso kəʼ ghà ni, “E wan bɨrɨ ten i.” Əze ə nyaʼa ghɨ̀ məd mbɨ i ɨnəbɨ jìm ben ə Yeso.

Ikan feg

⁵³ Mbaʼ ŋwan we ya kɔndi bə̀ bàd gha, à ya kwàʼ nyùmə̀ we ne Yeso kə̀ gha ibo gha, “Ìwe ŋwan biri tèn.” Ane, məd tì inəbi məd ijìm ya nɔ̀ŋì ìwɔb ibḛfiŋ igun Yeso.

Jn 4:53 교차 참조

Matìyò 8:13

Yeso nyaʼa sɨ ghà əmbɨ ətu ɨgwɨ mɨ̀sɔgyɨ̀ ze ni, “Sɨ wò e. E wə̀d ə̀fàʼì bɨrɨ bɔtɨ i ɨchî nɨ à benɨ.” Wə̀d ə̀fàʼì ətu ɨgwɨ mɨ̀sɔgyɨ̀ ze nyaʼa bɔtɨ i əwu əwən.

Lk 19:9

Yeso nyaʼa ghà ni, “Tə̀chɔ̀ŋ, ənû nɨ jwɨ rəŋgəʼ fə yeʼe ɨŋga nəb zɔ̂, ɨmbə̀ʼ ɨghəm nɨ mbaŋə̀ zɔ̂ yɨə bə̀ ə wan tɨ ənɨ əghaŋ ə Abràham.

Jn 4:51

Ənɨ wɨ̀ nyaʼə swiʼə wòə̀, bə̂d ə̀fàʼì ɨməd nyaʼa bòmnɨ̀ mbɨ məd ghà ɨ bɔ ni, “E wan wɨ i ɨkǎ.”

Jn 4:52

Ənɨ wɨ̀ nyaʼa zu əne, wɨ̀ nyaʼa biirɨ nyùmə̀ we nɨ wan we kəʼ kɔ bɔtɨ. Mbɨ nyaʼa ghà ɨ bɔ ni, “À yɨə nyaʼa ɨghabɨ ənɨ ə nyùmə̀ mɔʼ əziə rɨwɔ̀ nɨ ɨfə we kəʼ sàŋ əməd.”

Ɨ̀fàʼì 11:14

Məd bɨrɨ gha ɨkə̂n mɔʼɔ ɨ ne nɨ bɨrɨ ghɨ ni àwɔ̀ mbɨ ə bə̂d mɨjìm mbe nɨ yeʼ ɨŋga e nəb jwɨ rəŋgəʼ.'

Ɨ̀fàʼì 16:15

Ənɨ mbɨ nyaʼa naʼ mɨnib ɨ bɔ fɔrɨ əmbɨ ɨnəbɨ məd jìm, wɨ̀ nyaʼa buʼ ɨbɔ ɨ na ghà ni, “Mbə mɨ zə ni mə fə nùŋ mɨ fîŋ ɨgun Ə̀nùŋɨ̀sɨg, mbə̀ yeʼe chub ɨŋga mɨ nəb.” Wɨ̀ nyaʼa ghà əne, fi mba ɨtu, tɨ̀ wò chubɨ mbɨ məd.

Ɨ̀fàʼì 16:34

Wɨ̀ nyaʼa ghɨ̀ əne, nɨŋ mɨ̀mə̌d mbɨ wò ɨŋga i nəb pè nàʼ ɨghɨjɨg əmbɨ mɨ̀mə̌d. Məd mbɨ ə bə̂d mɨjìm mbe nɨ nyaʼa ɨŋga nəb nyaʼa kàŋ ghaʼ ni mbə fə ben ə Ŋwiə̀.

Ɨ̀fàʼì 18:8

Krispùs bə̂, nɨ nyaʼa ətu ɨŋga nəb ə̀kàtɨ̀ ze mbɨ ə bə̂d mɨ̀jìm mbe nɨ nyaʼa ɨŋga nəb məd, nyaʼa ben Ə̀nùŋɨ̀sɨg. Bə̂d mɨ̀nɔnɔʼ ə Kɔrèn nyaʼa zu ənû ze nɨ Pɔ̂l nyaʼə ghàə̀, əne mbɨ nyaʼa bə̀ ben Ə̀nùŋɨ̀sɨg. Ənɨ mbɨ nyaʼa benɨ, mbɨ nyaʼa nɨŋ mɨnib.

Ɨ̀fàʼì 2:39

Ənû zɔ̂ nɨ Ŋwìə̀ nyaʼa kaʼi yɨ ɨ nən, yɨ əmbɨ mbə bɔn bə̀ fɔrɨ əmbɨ ə bə̂d mɨ̀jìm mbe nɨ yeʼ əsa əgha, əne yɨə wə̀d jìm we nɨ Ŋwìə̀ a Ə̀nùŋɨ̀sɨg tɔŋ ni wɨ̀ yeʼe əsɨ ni.”