Jn 3:3 - Meta’

³ Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Ikan feg

³ Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 3:3 교차 참조

Matìyò 16:17

Yeso nyaʼa ghà ɨ bɔ ni, “Ŋwìə̀ zɨ əbɔrəbɔd ɨgwɨ ne, kyɨə Saimòn, wan Jɔ̌n! ɨmbə̀ʼ ɨghəm nɨ kaʼi wə̀d mɨ̀sɔŋɨchù chwiə ənû zɔ̂ ɨ ne. À yɨ mɨ Mbǎʼ we nɨ yeʼ ɨkaŋ chwi ɨ ne.

Matìyò 19:24

Mə yì ghà ɨ nən ni, zɨə zàm əmbɨ ə kàmel nɨ chè ɨbɨgɨ saʼ, chè ɨchî nɨ wə̀d mbɔ̂n bɨrɨ nyɨ ɨŋga ənû ɨfɔ̀n ə Ŋwiə̀.”

Matìyò 21:31

À kɨ wi rəbɔʼ bɔn mbaŋə̀ mbɔ̂ mɨ̀be nɨ nyaʼa ghɨ ənû ze nɨ mbǎʼ məd nyaʼa kə̀b ə?” Mbɨ nyaʼa wììrɨ̀ ni, “À yɨ wɨ rɨtu.” Əne Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni, məfetɨ mɨ̀tagsɨ̀ mbɨ ɨ̀kùnɨ̀ bɨrɨ be nyɨ ɨŋga ənû ɨfɔ̀n ə Ŋwiə̀ bɔŋ ə mbə̀nə.

Matìyò 5:18

Mə ghà rəsìʼ ɨ nən ni, pè ənɨ ɨkaŋ fɔrɨ si fə che, chəi əchəb kɨ̀ ɨghə ə̀ŋwàʼnɨ̀ mɔʼ tɨ ənɨ rɨkə te bɨrɨ nim, kɨrɨ ənɨ mbɨ fə ghɨ̀ ɨnû mbɔ̂ jìm.

Mk 10:14

Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Mk 9:47

E ɨghə mɨ ghɨ̀ ni à ghɨ ənû rɨbɔ̀ŋ, chɔʼ. Zɨə bɔ̀ŋ ni à nyɨ ɨŋga ənû ɨfɔ̀n ə Ŋwìə̀ mbɨ ɨghə mɔʼ, chè ɨchî nɨ à bɨrɨ berɨ əghə əbe Ŋwìə̀ màʼ əwe ɨŋga əsɨ ɨchə.

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.

Jn 1:5

Ɨzeŋɨ zeŋɨ we wɨə te ɨŋga ɨsɨ firɨ, əne chəi ənɨ tɨ̀ ɨsɨ firɨ nimnɨ ɨzeŋɨ zeŋɨ we.

Jn 1:51

Yeso nyaʼa ghàm əne ghà əmbɨ mɨ̀mə̌d ni, “Mə ghà rəsìʼ ɨ nən ni mbə bɨrɨ zə ɨkaŋ əfìʼə mbɨ mbɨ̀aŋgɨrə̀ nɨə kɔʼə bə̀ swiʼə ɨgun ə Wan Wə̀d.”

Jn 12:40

“Ŋwìə̀ fə ghɨ əghə mɨ̀mə̌d ə fɨ̀gə̀, bə̀ ghɨ̀ fîŋ tɨ mɨ̀mə̌d tu, ɨmbə̀ʼ tɨ əghə mɨ̀mə̌d zə i ɨsɨ, tɨ fîŋ tɨ mɨ̀mə̌d bɨ kyerɨ i ɨnû, njɨ mbɨ bɨrɨ beŋ yeʼe əsɨ num ɨmbə̀ʼ mə vɨ mɨ̀mə̌d.”

Jn 3:4

Nikodemùs nyaʼa biirɨ ɨ bɔ ni, “Mbɨ kɨə wo gywɨ wə̀d ɨghəm cherə rɨ ye əwù ze nɨ wɨ̀ fə nun əwi ə? Ɨ we tɨ wɨ̀ wɨrɨ nyɨ ɨŋga ɨbum ɨŋgɔb məd ənɨ ɨghəm nɨ pe be, ɨŋgɔb wɨrɨ gywɨ əməd ɨghəm cherə ə?”

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 5:17

Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

Gàlesìyà 6:15

Kɨ̀ mbɨ nè wə̀d, kɨ̀ chəi mbɨ ne wə̀d, chəi əze ə berɨ ənû ə mɔʼɔ nɨ ghɨ̀. Ənû ə kyeŋ nɨ yeʼ əŋgu yɨ ni tɨ̀ yɨə sɨə bə̂d fi.

Efesùs 2:1

Mbə nyaʼa fə kwɨ ɨmbə̀ʼ tə rɨ̀gùrɨ-ɨnû. Mbə fə bə̀ kwɨ ɨmbə̀ʼ mbə ɨnû rɨbɔ̀ŋ.

Tayitùs 3:5

wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

1 Jɔn 3:9

Chəi wə̀d we nɨ yeʼ wə̀d Ŋwiə̀ we tɨ̀ wɨ̀ kɨrɨ wò ɨmbì nɨ ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mɨchî Ŋwiə̀ mbɨ ɨŋga məd. Chəi ənɨ tɨ̀ wɨ̀ wɨrɨ ghɨ̀ ənû rɨbɔ̀ŋ ɨmbə̀ʼ ɨghəm nɨ məd yɨə wə̀d Ŋwìə̀.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

1 Jɔn 5:18

Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

1 Jɔn 5:4

ɨmbə̀ʼ ɨghəm nɨ wə̀d Ŋwìə̀ jìm fə baŋ ɨsɨg. Tɨ̀ we tɨ̀ rɨ̀ baŋ ɨsɨg ənjìm ɨchî nɨ tɨ̀ nuŋ fîŋ ɨgun ə Yeso.

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.