Jn 3:19 - Meta’

¹⁹ Ɨsaʼi we nɨ yeʼ ɨgun ə bə̂d yɨ ni ɨzeŋɨ zeŋɨ fə yeʼe ɨŋga ɨsɨg, àyɨə bə̂d fə chwi ni mbə ghaʼ yeʼ ɨsɨ firɨ chè ɨzeŋɨ zeŋɨ, ɨmbə̀ʼ ɨghəm nɨ ɨ mbɨə kɨrɨ ghɨ̀ ɨnû rɨbɔ̀ŋ.

Ikan feg

¹⁹ Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

Jn 3:19 교차 참조

Lk 12:47

“Mbɨ bɨrɨ som wə̀d ə̀fàʼì we ɨchî rɨbɔ̀ŋ, ɨmbə̀ʼ ɨghəm nɨ wɨ̀ nyaʼa kyerɨ ənû ze nɨ mbǎʼ ə̀fàʼì məd nyaʼa kəbɨ, àyɨə chəi wɨ̀ nyaʼa tekɨ i ɨnyod ɨ ghɨ ənû rəŋgu.

Lk 16:14

Ənɨ mɨ̀Farisiî nyaʼa zu ɨnû mbɔ̂ jìm, mbɨ nyaʼa chəʼ əməd ɨmbə̀ʼ ɨghəm nɨ mbɨ nyaʼa ghaʼ ɨkab əku.

Jn 1:4

Ɨ̀tènɨ̀ yɨ rɨ ənɨ Ɨŋgam. Ɨ̀tènɨ̀ wɔ̂ yɨə nyaʼa ɨzeŋɨ zeŋɨ əmbɨ ə bə̂d.

Jn 1:5

Ɨzeŋɨ zeŋɨ we wɨə te ɨŋga ɨsɨ firɨ, əne chəi ənɨ tɨ̀ ɨsɨ firɨ nimnɨ ɨzeŋɨ zeŋɨ we.

Jn 12:31

Nyùmə̀ fə kùʼi nɨ Ŋwìə̀ bɨrɨ saʼ ɨsɨg wɔ̂. Wɨ̀ bɨrɨ fid məd we nɨə tùmbɨ̀ ɨsɨg wɔ̂.

Jn 12:43

Mɨ̀Farisiî nyaʼa ghaʼ ni bə̂d wumnɨ mɨ̀mə̌d chè ɨchî nɨ tɨ̀ Ŋwìə̀ wumnɨ mɨ̀mə̌d.

Jn 12:46

Mə fə yeʼe ɨŋga ɨsɨg ɨghabɨ ɨzeŋɨ zeŋɨ, ɨmbə̀ʼ tɨ wə̀d mɔʼɔ we nɨ ben əmɨ wɨrɨ chub i ɨŋga ɨsɨ firɨ.

Jn 5:44

Mbə̀ kɨə wo ben rɨ ye, ənɨ mbə̀ə wumnɨ àmei mbə bɔŋgɔb, nɨ chəi mbə kəb ni Ŋwìə̀, nɨ mei we mɔʼ wumnɨ əwən ə?

Jn 7:17

Wə̀d mɔʼɔ mɨ kə̀b ghɨ ɨnû mbe nɨ Ŋwìə̀ kəbɨ, wɨ̀ bɨrɨ kyerɨ ni ɨnû mbe nɨ mɨə chwiə yɨ rɨ əmbɨ ə Ŋwiə̀, kɨ̀ ni mə wɨə ghàə̀ yeʼ ənɨ mɨ ɨka.

Jn 7:7

Chəi bə̂d rɨŋga ɨsɨg berɨ əton nɨ ban əwən, àyɨə mbɨ berɨ bàn əmɨ ɨmbə̀ʼ ɨghəm nɨ mə wɨə kɨə ghàə̀ ni ɨnû mbe nɨ mbɨə ghɨ̀ə̀ yɨ ɨnû rɨbɔ̀ŋ.

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Jn 9:5

Mbə̀ kyerɨ ni ənɨ mə̀ kɨrɨ ɨŋga ɨsɨg, mɔ̌ yɨ ɨzeŋɨ zeŋɨ əmbɨ ɨsɨg.”

Rm 1:32

Ka à bè yeʼi ni mbɨ kyerɨ tɨkə rɨ Ŋwiə̀ ni bə̂d mbe nɨə ghɨ̀ tɨkwɨrɨ ənû tɔ̂ berɨ kwɨ, àyɨə ɨ mbɨə kɨrɨ wò ɨmbì rəbə ghɨ̀ə̀ ɨnû mbe ghɨ. Ɨ mbɨə bə̀ tìmbɨ̀ ə bə̂d mbe nɨə ghɨ̀ ɨnû rəŋgu.

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

2 Tès 2:12

Wɨ̀ fə bə̀ ghɨ̀ əne ɨmbə̀ʼ wɨ̀ zɨ ɨsaʼi ɨgun ə bə̂d mɨ̀jìm mbe nɨ chəi mbɨ nyaʼa ben rəsìʼ, nɨ mbɨə ghɨ̀ yeʼ ɨnû nɨ chəi mbɨ kuʼnɨ.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.