Jn 21:25 - Meta’

²⁵ Ɨnû nɔnɔʼ cherə mbɨ əŋgu nɨ Yeso nyaʼa ghɨ̌. À kɨ nɨ mbɨ nyaʼa ŋwaʼnɨ ɨnû mbe jìm, njɨ mə kɔndɨ ni chəi ɨsɨg wɔ̂ jìm kuʼ nɨ tɨ̀ mbɨ nùŋ ɨ̀ŋwàʼnɨ̀ mbe ɨŋga.

Ikan feg

²⁵ Yeso ya fàʼ iyeti inug nɔʼ nɔʼ ndəŋ. Àkə aghə ne mbi kə bèrì ni ŋwàʼrì inug mbo̰ ijìm, nji chəyi igun isəg gho̰ ijìm biri kòʼ ane asiŋi ni nɔ̀ŋì ìŋwàʼrì mbe inga.

Jn 21:25 교차 참조

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 19:24

Mə yì ghà ɨ nən ni, zɨə zàm əmbɨ ə kàmel nɨ chè ɨbɨgɨ saʼ, chè ɨchî nɨ wə̀d mbɔ̂n bɨrɨ nyɨ ɨŋga ənû ɨfɔ̀n ə Ŋwiə̀.”

Mk 5:16

Bə̂d mbe nɨ nyaʼa zə ənû ze nyaʼa ghà ənû nɨ nyaʼa ghɨ̌ ənɨ ə mbaŋə̀ ze bə̀ fɔrɨ ənɨ mɨ̀kuŋə mbe əmbɨ mbe nɨ nyaʼa yeʼe.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 20:35

Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

Mə̀Hibrù 11:32

Mə̀ gha wò pè ə yi? Chəi mə̀ berɨ nyùmə̀ nɨ ghà ɨmbə̀ʼ ə Gidiòn, ɨmbə̀ʼ ə Baràk, ɨmbə̀ʼ ə Samsɨ̀n, ɨmbə̀ʼ ə Jeftà, ɨmbə̀ʼ ə Dèvîd, ɨmbə̀ʼ ə Samwèl fɔrɨ ɨmbə̀ʼ bə̂d ɨ̀kə̀n Ŋwiə̀