Jn 21:17 - Meta’

¹⁷ Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Ikan feg

¹⁷ Wì ya ywìrì bìri ibo ane ighə̀m ne pè ane itad gha, “Sayimùn, ŋwan Jɔn, àghò kɔ̀ŋ amə?” Pità ya gaŋ gha Yeso ywìrì bìri ane ighə̀m ne pè ane itad gha, “Àghò kɔ̀ŋ amə?” Wì ya si ywìtì gha, “Anɔŋisəg, àghò kyèri inug ijìm. Àghò kyèri gha mə kɔ̀ŋ awe.” Yeso ya bə̀ si ghà ibo gha, “Àghò jə ìtum njə̀g

Jn 21:17 교차 참조

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Mk 14:72

Àmei əwu əwən, ɨnoŋgub nyaʼa yi tɔŋ ənɨ ɨghəm nɨ pe be. Əne Pità nyaʼa kɔndɨ ɨchî nɨ Yeso nyaʼa gha ɨ bɔ ni, “Bɔŋ ɨnoŋgub sɨə tɔŋ ɨghəm be, à bɨrɨ fə ton əmɨ ɨghəm tad.” Wɨ̀ nyaʼa kɔndɨ əne, ɨnyod ɨməd nə̀ŋə̀, wɨ̀ chweŋ mɨsɨ.

Jn 12:8

Bə̂d ɨkwaŋ mbɨ əkaʼ nən ɨghəm jìm, àyɨə chəi mbə̀ bɨrɨ zə əmɨ əkaʼ nən ɨghəm jìm.”

Jn 13:38

Yeso nyaʼa wììrɨ̀ ni, “À bɨrɨ kaŋ kwɨ ɨmbə̀ʼ əmɨ ə? Mə ghà rəsìʼ ɨ ne ni bɔŋ ɨnoŋgub sɨə tɔŋə, à bɨrɨ fə ton əmɨ ɨghəm tad.”

Jn 14:15

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 16:30

Tɨ̀ fə kyerɨ tɨ̀nîn ni à kyerɨ ɨnû jìm, əne chəi əton nɨ tɨ̀ wə̀d mɔʼɔ wɨrɨ biirɨ ənû ɨ ne. Əzɔ̂ ə fə ghɨ̀ tɨ̀ ben ni à yɨə Ŋwìə̀ nyaʼa tom əwe.”

Jn 18:27

Pità nyaʼa yi ton i. Àmei əwu əwən, ɨnoŋgub nyaʼa tɔŋə.

Jn 18:4

Yeso nyaʼa kyerɨ ɨnû jìm mbe nɨ bɨrɨ ghɨ̀ ənɨ ə ni, əne wɨ̀ nyaʼa wò ɨmbì pè biirɨ əmbɨ mɨ̀mə̌d ni, “Mbə kɨə kə̀b əwe ə?”

Jn 21:18

Mə ghà rəsìʼ ɨ ne ni ənɨ à nyaʼə ŋgwàʼ wə̀d, à wɨə nyaʼə zɨ̀ə̀ te ngywɨ̌ wò əsɨ ze nɨ à nyaʼa ghaʼ nɨ wò əŋgu. Àyɨə ənɨ à bɨrɨ fə nùn e, à bɨrɨ sem mbe ɨbɔ, wə̀d cherə zɨ̀ ngywɨ̌ ɨgwɨ ne, kod əwe nɨŋ wò əsɨ ze nɨ chəi à kəb nɨ wò.”

Jn 4:16

Yeso nyaʼa ghà ɨ bɔ ni, “Ndə̀ wo tɔŋ e ɨnom, wɨrɨ bə̀ndɨ̀ yeʼe əgha.”

Ɨ̀fàʼì 1:24

Mbɨ nyaʼa ghɨ̀ əne, kɔŋgɨ ə Ŋwiə̀ ghà ni, “Ə̀nùŋɨ̀sɨg, àwɔ̀ nɨ kyerɨ fîŋ rɨ bə̂d mɨ̀jìm, chwi mbaŋə̀ mɔʼ rəbɔʼ mbaŋə̀ tɔ̂ rɨ̀be nɨ à fə chɔʼɔ

Ɨ̀fàʼì 11:10

Ənû zɔ̂ ə nyaʼa ghɨ̀ ɨghəm tad, əne mbɨ nyaʼa wɨrɨ sùŋ əghɨ ze əjìm ɨkaŋ.

Ɨ̀fàʼì 15:8

Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

1 Pità 1:6

Əne mbə ghaʼrɨ əwən ɨmbə̀ʼ ənû zɔ̂ nɨ Ŋwìə̀ fə ghɨ̌, ka à be yeʼi ni tɨ̀nîn bə̂d mbɨə kɨrɨ kwaʼnɨ əwən ənɨ ɨnû nɔnɔʼ, mbə̀ mbɨə bə̀ kɨrɨ wo zə ŋgəʼ ənɨ ɨkə nyumə̀.

2 Pità 3:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ə̀ŋwàʼnɨ̀ zɔ̂ nɨ mə ŋwaʼnɨ ɨ nən tɨ̀nîn yɨ ə̀ŋwàʼnɨ̀ ze nɨ pe ənɨ mbɨ be. Ɨŋga ɨ̀ŋwàʼnɨ̀ mbɔ̂ be, mə fə kywɨ ənywɨ nɨ nɔ̀ɔ̀rɨ̀ mbə ɨtu ɨmbə̀ʼ ɨnû mbe nɨ mbə̀ nyaʼa fə be kyerɨ, ɨmbə̀ʼ mbə̀ wɨrɨ kɔndɨ ɨnû rəŋgu mbɨ ə fîŋ nɨ zeŋɨ.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.

Ɨnû 3:19

Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.