Jn 20:20 - Meta’

²⁰ Ənɨ wɨ̀ nyaʼa ghà ənû zɔ̂, wɨ̀ nyaʼa chwi mbi ɨbɔ bə̀ chwi i ɨban ɨbeŋ əmbɨ mɨ̀mə̌d. Ənɨ mə̀mə̀ə̀nɨ̀-ɨnû mbe nyaʼa zə əməd, ɨghaʼi nyaʼa swi ɨŋga fîŋ tɨ mɨ̀mə̌d.

Ikan feg

²⁰ Anyumə̀ ne wì ya ghàmi ane, wì ya chwi ìmbi ibo fɔrɔ ìwi iban ìbèn inɔb. Igyendi ya sweg inga ìtɔb fìŋ icheg ne mbi ya bàri Anɔŋisəg.

Jn 20:20 교차 참조

Matìyò 28:8

Məyi mbe nyaʼa kɨ zàmbɨ̀ nɔ̀ʼ rɨ ɨchû ɨ̀sì we. Mbɨ nyaʼə yènə̀ bɔə, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Mbɨ nyaʼa nòrə̀ ɨmbə̀ʼ ɨ wò ghà ənû ze əmbɨ mə̀mə̀ə̀nɨ̀-ɨnû ɨməd.

Jn 16:20

Mə ghà rəsìʼ ɨ nən ni mbə bɨrɨ chweŋ mɨsɨ, bə̀ dì, àyɨə ɨsɨg bɨrɨ ghaʼ i. Mbə bɨrɨ kə̀nə̀, àyɨə ə̀kə̀nɨ̀ ze ə bɨrɨ bèŋ sɨ ɨghaʼi.

Jn 16:22

Mbə mbɨə kə̀nə̀ tɨ̀nîn, àyɨə mə bɨrɨ wɨrɨ zə əwən. Ənɨ mə̀ wɨrɨ zə əwən, ɨghaʼi bɨrɨ swi ɨŋga tə fîŋ. Chəi wə̀d mɔʼɔ əŋgu nɨ bɨrɨ nɔ̀ chɨ̀ ɨghaʼi we rɨŋga tə fîŋ.

Jn 19:34

Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Jn 20:25

Mə̀mə̀ə̀nɨ̀-ɨnû mbə nyaʼa ghà ɨ bɔ ni, “Tɨ̀ fə zə Ə̀nùŋɨ̀sɨg!” Àyɨə wɨ̀ nyaʼa ghà əmbɨ mɨ̀mə̌d ni, “Mə mɨ rɨka zə əmɨ ɨdurɨ ɨna mbe nɨ mban nyaʼa ghɨ̌ ɨŋga tɨkyerɨ-ɨbɔ məd, zɨ̀ fɨ fi əbɔ ɨgun ɨdurɨ mbe, bə̀ zɨ̀ mɨ əbɔ ɨŋga ɨbeŋ ɨməd, chəi mə bɨrɨ benɨ.”

Jn 20:27

Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”

1 Jɔn 1:1

Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.