Jn 20:1 - Meta’

¹ À nyaʼa kwàʼ ɨzimɨ zimɨ əni ə Sɔndè, Mèri Màgdàlen nyaʼa wò ətu ɨsì ze nɨ mbɨ nyaʼa chəb ɨŋga ɨwɔ̌, pè zə ni mbɨ nyaʼa fə chɨ̀ ɨti we rɨ ɨchû ɨsì we.

Ikan feg

¹ À yaya kwàʼ izimi izimi isusu Sɔndè ne Mèri Màdàlen ya ghò atog iseg ze ne mbi ya zi awu Yeso inga. Wì ya pè bàd gha mbe fə chì iteg we ne mbi ya kəndi ichug iseg angu.

Jn 20:1 교차 참조

Matìyò 27:56

Mbɨ mɔʼɔ rɨ əbɔʼ mɨ̀mə̌d yɨə nyaʼə Mèri Màgdàlen, Mèri ɨŋgɔb Jems mbɨ Jòsêf, mbɨ ɨŋgɔb bɔn Zebèdiî.

Matìyò 27:60

əne wò boŋ ɨŋga ɨ̀sì məd nɨ nyaʼa wɨ fi, nɨ wɨ̀ nyaʼa chəb ɨŋga ɨwɔ̌. Wɨ̀ nyaʼa boŋ əne, biŋ ɨti kyeŋ kubrɨ ɨchû ɨ̀sì we əŋgu, nɔ̀ʼ wò i.

Matìyò 27:64

Əne sob ni mbɨ jeŋgɨ nəŋgɨ ɨsi we wò pè ənɨ ɨni mbe tad. À mɨ ton ghɨ e əne, njɨ mə̀mə̀ə̀nɨ̀-ɨnû ɨməd bɨrɨ wo jɨ əvɨ əməd, sɨ ghà əmbɨ ə bə̂d ni, 'Wɨ̀ fə zwemə.' Mɨghab mbɔ̂ nɨ sɨ nwìə̀ bɨrɨ bə chè mɨghab rɨtu.”

Matìyò 27:66

Əne mbɨ nyaʼa wò zɨ̀ ənweenɨ ɨgwɨ ɨti we nɨ mbɨ nyaʼa kubrɨ ɨchû ɨ̀sì we əŋgu, bə̀ nùŋ mɨ̀sɔgyɨ̀ ni mbɨ nəŋgɨ ɨsi we.

Matìyò 28:1

Ənɨ əni əkwɨ mɨ̀Jû nyaʼa yeʼe chè, ənɨ ɨtuʼ nyaʼə chɨg əni ə Sɔndè, Mèri Màgdàlen mbɨ Mèri cherə wə nyaʼa wo neŋ ɨ̀sì we.

Matìyò 28:2

Mbɨ nɨ zə, si nyaʼa sàʼ wùd kwàʼ rɨ̀kǎ. Zɨ̀ nyaʼa wùd ɨmbə̀ʼ ɨghəm nɨ aŋgɨrə̀ Ə̀nùŋɨ̀sɨg nyaʼa swiʼ rɨkaŋ pè biŋ ɨti we rɨ ɨchû ɨ̀sì we, chub ɨgun.

Mk 15:46

Jòsêf nyaʼa wò zon ngywɨ̌ linen, wò swi əvɨ ə Yeso, nib ɨŋga ngywɨ̌ linen ze, wò boŋ ɨŋga ɨ̀sì nɨ mbɨ nyaʼa chəb ɨŋga ɨwɔ̌. Wɨ̀ nyaʼa boŋ əne, biŋ ɨti kubrɨ ɨchû ɨ̀sì we əŋgu.

Mk 16:9

Ənɨ Yeso nyaʼa zwemə ɨsɔsɔ əni ə Sɔndè, wɨ̀ nyaʼa bè chwi i ɨnyod əmbɨ Mèri Màgdàlen we nɨ wɨ̀ nyaʼa chɨ ɨzwî rɨbɔ̀ŋ sambe rɨŋga məd.

Jn 11:38

Ənû ze ə nyaʼa yì bètɨ̀ ə Yeso, əne wɨ̀ nyaʼa wò ətu ɨsì ze. Ɨsî we yɨə nyaʼa ɨsum. Mbɨ nyaʼa kubrɨ ɨchû ɨsum we ənɨ ɨti.

Jn 11:41

Mbɨ nyaʼa chɨ̀ ɨti we. Əne Yeso nyaʼa neŋ ɨkaŋ ghà ni, “Mɨ Mbǎʼ, məben-əwe ɨchî nɨ à fə zu ənû ze nɨ mə̀ gha ɨ ne.

Jn 19:25

Bə̂d mɔʼɔ rəbɔʼ mbe nɨ nyaʼa təmbɨ ɨban əzed ə baʼnɨ ze nɨ mbɨ nyaʼa kòmbɨ̀ ə Yeso yɨ ɨŋgɔb məd, aŋgɔb ɨŋgɔb məd, Mèri ɨwi Klopàs mbɨ Mèri Màgdàlen.

Jn 20:26

Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.”

Ɨ̀fàʼì 20:7

À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

1 Kɔrèn 16:2

Ənû ze yɨ ni: ɨni Sɔndè jìm, wə̀d mɔʼ mɔʼ rəbɔʼ nən chɨ ɨnun ɨkab mɔʼɔ rəbɔʼ we nɨ wɨ̀ fàʼi, nùŋ, ɨmbə̀ʼ ənɨ mə̀ yeʼe, tɨ mbə̀ wɨrɨ chob ə ɨkab we.

Ɨnû 1:10

À nyaʼa ɨgwɨ əni Ə̀nùŋɨ̀sɨg, Əzwî ə nyaʼa nyɨ ɨŋga num, əne mə nyaʼa zu gɨ̂ kǎ kǎ ənɨ mɨ njìm. Gɨ̂ ze nyaʼa ghàm ɨghabɨ ə tàŋ