Jn 19:34 - Meta’

³⁴ Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Ikan feg

³⁴ Si ya gha, sogyì mɔ̀ʼɔ inga mə̀sogyì mbe, ya zùm iban ìbèn məd ane ighɔŋ. Wì ya zùm ane, anəm fɔrɔ mənib dù ane məd.

Jn 19:34 교차 참조

Matìyò 27:62

À nyaʼa əni ze nɨ beenɨ, nɨ nyaʼa əni nɨ mɨ̀Jû nyaʼə tekɨ ɨnyod ɨmbə̀ʼ jɨg əni əkwɨ, bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa fetɨ wò əsɨ Pailèt.

Jn 19:33

Àyɨə ənɨ mbɨ nyaʼa pè ənɨ Yeso, mbɨ nyaʼa zə ni wɨ̀ fə kwɨ i, əne chəi mbɨ nyaʼa buʼrɨ ɨwu məd.

Jn 20:20

Ənɨ wɨ̀ nyaʼa ghà ənû zɔ̂, wɨ̀ nyaʼa chwi mbi ɨbɔ bə̀ chwi i ɨban ɨbeŋ əmbɨ mɨ̀mə̌d. Ənɨ mə̀mə̀ə̀nɨ̀-ɨnû mbe nyaʼa zə əməd, ɨghaʼi nyaʼa swi ɨŋga fîŋ tɨ mɨ̀mə̌d.

Ɨ̀fàʼì 22:16

Əne tɨ̀nîn à kɨə wòm ə ye ə? Nɔʼ rətiə, nɨŋ mɨnib, kɔ̀ŋgɨ̀ Ə̀nùŋɨ̀sɨg ɨmbə̀ʼ wɨ̀ so mbe ɨnû rɨbɔ̀ŋ.'

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 9:13

À mɨ yeʼ nɨ mbɨ sab ənəm ə gywɨ mbɨ ənəm ə mbɨ̀rɨkun bə̀ fùʼ əburɨ tɨ ənɨ ə wan rɨkun ɨgun ə bə̂d mbe nɨ chəi mbɨ zeŋɨ, əne əze ə ghɨ̀ ni ɨnyod mɨ̀mə̌d zeŋ,

Mə̀Hibrù 9:22

À yɨ rəsìʼ ni ə zɨ ɨŋga rɨkə ni à bùʼ àmei rɨpiî ənəm ə zeŋnɨ ɨghɨjìm. Ənəm ə mɨ ton chəmbɨ i, chəi mbɨ bɨrɨ waʼ ɨnû rɨbɔ̀ŋ bə̂d.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

1 Jɔn 5:6

Ənɨ Yeso Kristo nyaʼa yeʼe, wɨ̀ nyaʼa chwiə ni tə yɨə Wan Ŋwìə̀ ɨchî nɨ wɨ̀ nyaʼa nɨŋ mɨnib mbɨ ɨchî nɨ wɨ̀ nyaʼa chəmnɨ e ənəm əzed ə baʼnɨ. Chəi wɨ̀ nyaʼa nɨŋ àmei mɨnib, wɨ̀ nyaʼa nɨŋ mɨnib bə̀ chəmnɨ e ənəm. Əzwî ziə ə zɨə ghàə̀ ni ənû zɔ̂ yɨ ənû rəsìʼ, ɨmbə̀ʼ ɨghəm nɨ à yɨə Ŋwìə̀ ə nàʼ Əzwî rəsìʼ.

1 Jɔn 5:8

Mɨ̀zərɨmbin mbe yɨ Əzwî ə Ŋwìə̀, mɨnib mbɨ ənəm. Mɨ̀zərɨmbin mbɔ̂ mɨ̀tad mbɨə ghà àmei ənû ə mɔʼ.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 7:14

Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.