Jn 19:20 - Meta’

²⁰ Bə̂d mɨ̀nɔnɔʼ nyaʼa foŋ ə̀ŋwàʼnɨ̀ ze ɨmbə̀ʼ ɨghəm nɨ əsɨ ze nɨ mbɨ nyaʼa kombɨ Yeso yɨə nyaʼa ɨban ə Jèrusalèm. Pailèt nyaʼa ŋwaʼnɨ ə̀ŋwàʼnɨ̀ ze ənɨ ɨŋgam Hibrù, ənɨ ɨŋgam Latìn bə̀ fɔrɨ ənɨ ɨŋgam Grik.

Ikan feg

²⁰ Mə̀Ju nɔʼ nɔʼ ya fɔŋ àŋwàʼrì ze imbə̀ʼ icheg ne, asiŋi ze ne mbi ya kɔ̀mbi Yeso angu ya yaʼ iban ikye aben. Ane, mbi ya ŋwàʼrì àŋwàʼrì ze ane achug ìngam atad: ichug Àràmayìg, tì ichug Latìn fɔrɔ ichug Grig.

Jn 19:20 교차 참조

Lk 23:38

Mbɨ nyaʼa ŋwàʼnɨ̀ əghɨ ə mɔʼɔ kòmbɨ̀ əzed ə baʼnɨ ze ɨgwɨ ətu əməd ni, “Wɔ̂ yɨ ɨfɔ̂n mɨ̀Jû.”

Jn 19:13

Ənɨ Pailèt nyaʼa zu ɨŋgam we, wɨ̀ nyaʼa nɨŋ ə Yeso jwɨ̀ ɨsɨg pè chub ɨgun ətən ze nɨ wɨə chubə saʼə mɨsaʼi. Ətən ze nyaʼa əsɨ ze nɨ mbɨ nyaʼə tɔŋ ənɨ Ɨkye ɨkam əti. Mbɨ nyaʼə tɔŋ əsɨ ze ənɨ ɨŋgam Hibrù ni Gàbatà.

Jn 19:42

Ɨchî nɨ mɨ̀Jû nyaʼə tekɨ ɨnyod ɨmbə̀ʼ jɨg əni əkwɨ, chəi mbɨ nyaʼa berɨ beʼ ɨghɨ wò əsa əgha, bə̀ fɔrɨ ɨchî nɨ ɨsî we nyaʼa ɨban ɨban, mbɨ nyaʼa wò boŋ əvɨ ə Yeso ɨŋga ɨ̀sì we.

Jn 5:2

Ətuŋ ə mɔʼɔ nɨ mbɨ nyaʼə tɔŋ ənɨ ɨŋgam mɨ̀Hibrù ni Betzatà nyaʼa ə Jèrusalèm. Wɨ nyaʼa ɨban ɨchû ɨkam we nɨ mbɨ nyaʼə tɔŋ ənɨ Ɨchû Ɨkam Njɨ̀g. Ɨchû ɨkam we nyaʼa berɨ ɨ̀tâŋ tân.

Ɨ̀fàʼì 21:37

Ənɨ mbɨ nyaʼə sɨə wò nyɨ ɨŋga ɨkam mɨ̀sɔgyɨ̀ mbɨ Pɔ̂l, wɨ̀ nyaʼa biirɨ əmbɨ ətu ə kyeŋ ɨgwɨ mɨ̀sɔgyɨ̀ ni, “Mə̀ gha ənû ə mɔʼɔ ɨ ne ə?” Ətu ə kyeŋ ze ə nyaʼa biirɨ ɨ bɔ ni, “À wɨə ghàm ə Grik ə?

Ɨ̀fàʼì 21:40

Ənɨ ətu ɨgwɨ mɨ̀sɔgyɨ̀ nyaʼa saŋ əməd ni wɨ̀ ghàmə̀, Pɔ̂l nyaʼa təm ɨgun mɨ̀step, ghɨ̀ ənweenɨ ənɨ mbi ɨbɔ ni mbɨ kəm rəziə. Ənɨ mbɨ nyaʼa kəmɨ, wɨ̀ nyaʼa ghà əmbɨ mɨ̀mə̌d ənɨ ɨŋgam Hibrù ni,

Ɨ̀fàʼì 22:2

Ənɨ mbɨ nyaʼa zu ənɨ wɨ̀ nyaʼə ghàm əmbɨ mɨ̀mə̌d ənɨ ɨŋgam Hibrù, mbɨ nyaʼa wɨrɨ yi jeŋgɨ kəm rəziə. Əne wɨ̀ nyaʼa ghà ni,

Ɨ̀fàʼì 26:14

Tɨ̀ nyaʼa feŋgɨ ə si mba mɨjìm. Əne mə nyaʼa zu gɨ̂ nɨ nyaʼa gham ɨ num ənɨ ɨŋgam Hibrù ni, 'Sɔ̂l, Sɔ̂l, à kɨə nwèndɨ̀ tum rɨkyerɨ-ɨwu ɨmbə̀ʼ ə yè ə? Zɨə bɨrɨ tɔ e ɨchî nɨ zɨə tɔ rɨkun ze nɨ te mbàŋ mbǎʼ məd.'

Mə̀Hibrù 13:12

À yɨ ɨchî nɨ Yeso nyaʼa bə zə ŋgəʼ ənjìm ɨkam ɨmbə̀ʼ bə̂d zeŋ ənjìm ənəm əməd.

Ɨnû 16:16

Ɨzwî mbe nyaʼa fɔtɨ mɨfɔ̂n mbe əsɨ ze nɨ mbɨə tɔŋ ənɨ ɨŋgam Hibrù ni Amagedɔ̀n.

Ɨnû 9:11

Aŋgɨrə̀ we nɨ nyaʼə nəŋgɨ ɨbɨgɨ we nɨ chəi ɨnwǐ yɨ ɨfɔ̀n mɨ̀mə̌d. Ɨkum məd ənɨ ɨŋgam Hibrù yɨə Àbadòn. Ɨkum məd ənɨ ɨŋgam Grik yɨə Àpoliòn. (Əton ənɨ ɨkum we yɨə, “Wə̀d nɨə chəkɨ ɨghɨ.”)