Jn 19:18 - Meta’

¹⁸ Mbɨ nyaʼa kòmbɨ̀ əməd əŋgu, bə̀ kòmbɨ̀ mbaŋə̀ cherə rɨbe əbɔʼ əməd. Mbɨ nyaʼa kòmbɨ̀ wɨ̀ fibɨ̀ əbà əbɔ ə jɨgɨ, bə̀ kòmbɨ̀ wɨ̀ fibɨ̀ əbà əbɔ ə tweŋ. Yeso nyaʼa ɨŋga mɨgharə̀ mɨ̀mə̌d.

Ikan feg

¹⁸ Mbi ya kɔ̀mbì aməd angu. Mbi ya bə̀ kɔ̀mbì mbaŋà mɔ̀ʼɔ tibe iban məd. Mbaŋà imɔ̀ʼ, aba abo jəghi, ìzin, aba abo atəŋ. Yeso ya si yaʼ inga fìghàra.

Jn 19:18 교차 참조

Matìyò 27:44

Mɨjɨ mbe nɨ mbɨ nyaʼa bə̀ kòmbɨ̀ mbɨ məd nyaʼa bə̀ zɔ̀m əməd àmei əndəŋ əndəŋ.

Jn 18:32

Ənû zɔ̂ ə nyaʼa ghɨ̀ ɨmbə̀ʼ ənû ze nɨ Yeso nyaʼa ghǎ de ɨchî nɨ wɨ̀ berɨ chè bɔŋ kwɨ ə jwɨ ənɨ rəsìʼ.

Jn 19:32

Əne mɨ̀sɔgyɨ̀ mbe nyaʼa wò buʼrɨ ɨwu wə̀d rɨtu fɔrɨ mbɨ wɨ̀ cherə we nɨ mbɨ nyaʼa kombɨ mbɨ məd.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.