Jn 18:8 - Meta’

⁸ Yeso nyaʼa ghà əmbɨ mɨ̀mə̌d ni, “Mə fə ghà ɨ nən ni à yɨə mɔ̌ wɔ̂. Mbə mɨ yeʼə kə̀b əmɨ, mbə̀ saŋ ni mbɨ mə̀mə̀ə̀nɨ̀-ɨnû mbɔ̂ wò əwən.”

Ikan feg

⁸ Yeso ya ywìrì ghà inɔb gha, “Mə fə ghà inən gha, à ya mo gho̰. Mbə̰ mə̀ ya kə̀bə̀ amə, mbə̀ saŋa ìmbum mə̀mə̀nənùg mbo̰ mbe ghò awɔb.”

Jn 18:8 교차 참조

Matìyò 26:56

Ɨnû mbɔ̂ jìm fə ghɨ̀ ɨmbə̀ʼ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ mbɨ jwɨ ənɨ rəsìʼ.” Ənɨ wɨ̀ nyaʼa ghà əne, mə̀mə̀ə̀nɨ̀-ɨnû mbe mɨ̀jìm sàŋ əməd nòd əwən.

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Jn 13:36

Saimon Pità nyaʼa biirɨ əmbɨ Yeso ni, “Ə̀nùŋɨ̀sɨg, à kɨə wò ə yi ə?” Yeso nyaʼa wììrɨ̀ ɨ bɔ ni, “Mə wɨə wò əsɨ nɨ chəi ənɨ tɨ à beenɨ əbɔʼ num tɨ̀nîn. Àyɨə à bɨrɨ beenɨ ənɨ əgha ə tɔ sààrɨ̀.”

Jn 16:32

Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Jn 18:7

Yeso nyaʼa yi biirɨ əmbɨ mɨ̀mə̌d ni, “Mbə kɨə kə̀b əwe ə?” Mbɨ nyaʼa wììrɨ̀ ni, “Tɨ̀ wɨə kə̀b ə Yeso we rɨ ə Nazàret.”

Jn 18:9

Wɨ̀ nyaʼa ghà əne ɨmbə̀ʼ ɨŋgam we nɨ wɨ̀ nyaʼa be ghà wɨ jwɨ ənɨ rəsìʼ ni, “Mɨ Mbǎʼ, chəi mə nimnɨ wə̀d mɔʼɔ rəbɔʼ mbe nɨ à nyaʼa naʼ ɨ num.”

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

2 Kɔrèn 12:9

Àyɨə wɨ̀ nyaʼa wììrɨ̀ ɨ num ni, “Ɨ̀chɔ̀m we nɨ mɨə ghɨ̀ə̀ ə kuʼ ɨ ne, ɨmbə̀ʼ ɨghəm nɨ wə̀d bɨrɨ zə mɨ ɨka jìm ənɨ wɨ̀ fə bɔrɨ.” Əne mə bɨrɨ jeŋgɨ ghaʼ ɨmbə̀ʼ ɨchî nɨ mə bɔrɨ, ɨmbə̀ʼ ɨka Kristo we tɨ̀ wɨ chub ɨŋga num.

Efesùs 5:25

Mɨnom, mbə̀ ghaʼ mbə məyi ɨchî nɨ Kristo ghaʼ ɨfetɨ bə̂d ɨməd. Wɨ̀ nyaʼa kwɨ ɨgwɨ ətu ɨfetɨ we,

1 Pità 5:7

Mbə saŋ ɨghɨjìm mbe nɨə chə əwən ɨ bɔ, ɨmbə̀ʼ ɨghəm nɨ à yɨə məd ə nəŋgɨ əwən.