Jn 18:28 - Meta’

²⁸ Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Ikan feg

²⁸ Isusu izimi izimi, mə̀Ju ya niŋ Yeso abə Kayifàs ghò tì məd inga ìtɔʼ Payilèd ne yaʼi gɔbnà. Chəyi itog bəd mə̀Ju ya nyi inga ìtɔʼ ze imbə̀ʼ icheg ne mbi yaya kə̀bə̀ ni ya zḛ icheg ne mə̀nɔ̀ʼɔ̀ chwi imbə̀ʼ jəg Iteri Chègun.

Jn 18:28 교차 참조

Matìyò 27:27

Mɨ̀sɔgyɨ̀ Pailèt nɨ nyaʼə gɔmnà nyaʼa nɨŋ ə Yeso mbɨ wò ɨŋga tɔʼ gɔmnà. Mbɨ nyaʼa pè fetɨ mɨ̀sɔgyɨ̀ jìm, mbɨ kad əməd.

Mk 15:16

Mɨ̀sɔgyɨ̀ nyaʼa nɨŋ ə Yeso wò ɨŋga tɔʼ. Tɔʼ ze yɨə nyaʼə tisɔ̀ŋ gɔmnà. Mbɨ nyaʼa pè tɔŋ mɨ̀sɔgyɨ̀ mɨ̀jìm mbɨ wò fetɨ.

Lk 22:66

Ənɨ ɨtuʼ nyaʼa chɨgɨ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa wò nàànɨ̀, əne nɨŋ Yeso wò ɨfě mə̀saʼ əbeŋ pè ghà ni,

Jn 11:55

Nyùmə̀ Əchwɨ̂ ə Che-ɨgun nyaʼa fə tiinɨ, əne bə̂d mɨ̀nɔnɔʼ nyaʼa nɔ̀ʼ rɨŋga ɨsɨ mbe nɨ nyaʼa ɨban ɨban wò ə Jèrusalèm ɨmbə̀ʼ zeŋnɨ ə ɨnyod, bɔŋ mbɨ sɨə jɨg əchwɨ̂ ze.

Jn 18:13

Mbɨ nyaʼa bè nɨŋ əməd wò əsɨ Anas. Anas yɨə nyaʼə ɨchɨ Kaifàs nɨ nyaʼə ətu ɨgwɨ ə bə̂d mbàn Ŋwìə̀ əghəm əwù ze.

Jn 18:15

Saimon Pità mbɨ ə̀mə̀ə̀nɨ̀-ɨnû cherə nyaʼə beenɨ əbɔʼ ə Yeso. Ɨchî nɨ ətu ɨgwɨ ə bə̂d mbàn Ŋwìə̀ nyaʼa kyerɨ ə̀mə̀ə̀nɨ̀-ɨnû cherə we, wɨ̀ nyaʼa beenɨ əbɔʼ ə Yeso bə̀ wò nyɨ ɨŋga ɨkye ɨkam ətu ɨgwɨ ə bə̂d mbàn Ŋwìə̀,

Jn 18:33

Pailèt nyaʼa wɨrɨ wò nyɨ ɨŋga tɔʼ, əne ghà ni mbɨ nɨŋ ə Yeso yeʼe nàʼ ɨ ni. Ənɨ mbɨ nyaʼa nɨŋ yeʼe, wɨ̀ nyaʼa biirɨ ɨ bɔ ni, “Àwɔ̀ kɨ ɨfɔ̂n mɨ̀Jû ə?”

Jn 18:39

Àyɨə mbə berɨ mbə mɨchî əbeŋ mɔʼɔ nɨ chwi ni mbə mɨ biirɨ, mə bɨrɨ chɨ wə̀d ndəŋ fibɨ̀ saŋ ənɨ ə nyùmə̀ we nɨ mbɨə jɨgə Əchwɨ̂ ə Che-ɨgun. Əne mbə wa kə̀b ni mə chɨ ɨfɔ̂n mɨ̀Jû saŋ ə?”

Jn 19:11

Yeso nyaʼa wììrɨ̀ ɨ bɔ ni, “À berɨ ɨka ɨgwɨ num àmei ɨmbə̀ʼ ɨghəm nɨ à yɨə Ŋwìə̀ naʼ ɨka we ɨ ne. Əne wə̀d we nɨ naʼ əmɨ ɨ ne fə ghɨ̀ ənû rɨbɔ̀ŋ ze nɨ bə̌ chè.”

Jn 19:14

À nyaʼa ɨghabɨ əzi ə ka əni ze nɨ mbɨ nyaʼə tekɨ ɨnyod bɔŋ jɨg Əchwɨ̂ ə Che-ɨgun, Pailèt nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mbə̀ zə, à yɨ ə ɨfɔ̀n wɔ̂!”

Jn 19:9

Əne wɨ̀ nyaʼa wɨrɨ wò nyɨ ɨŋga tɔʼ mbɨ Yeso, pè biirɨ ɨ bɔ ni, “À kɨ rɨ ə yi?” Chəi Yeso nyaʼa wiirɨ.

Ɨ̀fàʼì 10:28

Wɨ̀ nyaʼa ghà əmbɨ mɨ̀mə̌d ni, “Mbə kàŋ kyerɨ ə ni chəi ta rɨkə chwi ni Jû jɨgnɨ kɨ̀ bè mò wə̀d əbeŋ ə cherə. Àyɨə Ŋwiə̀ fə chwi ɨ num ni tɨ mə tɔŋ əmɨ wə̀d mɔʼɔ ənɨ wə̀d nɨ rɨka zeŋ i, kɨ̀ ənɨ ə wə̀d nɨ chəi ənɨ tɨ̀ mbɨ jɨgnɨ mbɨ məd.

Ɨ̀fàʼì 10:32

Əne tom bə̂d ə Jopà ni mbɨ kəb ə Saimòn we nɨ mbɨə bə̀ tɔŋ ənɨ Pità. Məd wɨə chub ɨŋga nəb Saimòn we nɨə tekɨə gôb. Nəb məd zɨ əŋgo rɨ̀bàà.'

Ɨ̀fàʼì 11:3

ghà ni, “À kəʼ wò əkwɨ bə̂d mbe nɨ kaʼi mɨ̀Jû bə̀ jɨg mbɨ mɨ̀mə̌d ɨmbə̀ʼ ə ye ə?”

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ɨ̀fàʼì 4:27

À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,